“Yoso-phe Yongeka Nzambi . . .”

Mu kitumu kya Mozé, se kwa kexile dyala wa mesenene ku dixisa ni muhatu’ê, wa tokalele kukala ni mukanda wa ku dixisa. Kiki kya kexile mu fidisa o makaza ku dixisa mu ki ngoho. Mu izuwa ya Jezú, o atwameni a jingeleja a kexile mu kwehela kwila o makaza a dixisa ni lusolo, mukonda ki kwa bhonzele phala o athu kutambula o mukanda wa ku dixisa. O mayala eji tena ku dixisa ni ahatu’â kabasa kididi. (nwtsty milongi phala kutokwesa Mar 10:4, 11) Jezú wa londekesa kwila, Jihova mwene wa bhange o ukaza. (Mar 10:2-12) O diyala ni muhatu eji kala “xitu imoxi ngó” ni kukala kumoxi katé ku hádya ni hádya. O kima ki bhangesa ngó o makaza ku dixisa kala ki londekesa o divulu dya Matesu, o kuta “phánda.”—Mat 19:9.

Lelu, athu avulu kene mu mona o ukaza kala kya kexile mu mona Jezú, maji kala kya kexile mona o Jifalizewu. Kyoso ki kumoneka maka mu ukaza, o athu ku mundu a dixisa ni lusolo. Maji-phe o makaza Jikidistá a mona o kikutu kya ukaza kala kima kyala ni valolo ya dikota, mu kiki a bhanga yoso phala ku dibhana kyambote ni ibhidi i moneka mu ukaza, mu ku kumbidila o itumu ya Bibidya. Tala o vidyu O ku Dizola ni ku Dixila mu Ukaza, Kuzukamesa Dingi o Miji, mu kusuluka tambwijila o ibhwidisu ya kayela:

• Kyebhi ki u tena ku kumbidila o divulu dya Jisabhu 15:1 mu ukaza wé ni kyebhi o kubhanga kiki kima kya tokala?

• Kyebhi o divulu dya Jisabhu 19:11 di tena ku ku kwatekesa kulenga o ibhidi?

• Se u mona kwila ki wa sanguluka dingi mu ukaza, mu veji dya kubanza ku di xisa, ibhwidisu yebhi i wa tokala ku dibhanga?

• Kyebhi o divulu dya Matesu 7:12 di tena ku ku kwatekesa kukala u munumi mba muhatu wambote?