Ngi Kayele—Ihi ya Bhingi?

9:62

Phala o mibhanga ki i bhengalale, o kidimakaji ka tokala kulanduka mu kuxinganeka mu ima ya xisa kudima. Kyene kimoxi we ni Jikidistá, ka tokala kulanduka mu kubanza dingi mu ima ya xisa kudima ku mundu yú.—Fi 3:13.

Kyoso ki tu bhita mu ibhidi, kiki ki tu bhangesa kubanza kyavulu mu izuwa yambote i twa bhiti, nange ande dya kwijiya o kidi. Kyoso ki tu bhanga kiki, nange tu banza kwila m’ukulu twa betele kusanguluka ni kwila o ibhidi ya tolele. Kiki kyene kya bhangele akwa Izalayele kyoso kya xisa o ixi ya Ijitu. (Dia 11:5, 6) Se tu banza kyavulu mu ima i twa xisa kyá kudima, kya-nda kala kilwezu, kya-nda tu bhangesa kuvutuka mu ukexilu wetu wa mwenyu wokulu. Mu kiki-phe kima kyambote, kuxinganeka mu mabesá u twala na-wu lelu ni u twa-nda tambula ku hádya bhu kaxi ka Utuminu!​— 2 Ko 4:16-18.