Suluka mu Kukinga ni Hanji Yoso, Maji ni Kukolokota

Thembu kuxi kyá i wene mu kinga o Utuminu wa Nzambi kwiza? Wene mu kolokota ni mwanyu sumbala ni ibhidi? (Lo 8:25) Sayi Jikidistá a a zembe, a a talatala kyayibha, a a ta mu kaleya mba a a jibha. Amukwá a dibhana ni ibhidi ya uhaxi ki wivu milongo mba o kukuka.

Ihi ya-nda ku tu kwatekesa ku kingila ni hanji yoso mu kudibhana ni ibhidi? Twa tokala kukolesa o kixikanu kyetu mu kutanga o Bibidya ni kuxinganeka mu ima i tu tanga. Twa tokala kuxinganeka mu kidyelelu ki twala na-kyu. (2Ko 4:16-18; Jih 12:2) Twa tokala ku dyondela Jihova mu musambu ni kubhinga o kutena kwa nzumbi yê ikôla. (Lu 11:10, 13; Jih 5:7) O Tat’etu ya henda u tena ku tu kwatekesa “kukolokota mu ima yoso, ni kuxididika.”—Ko 1:11.

[Foto ku mbandu 8]

TALA O VIDYU, TWA TOKALA ‘KUKOLOKOTA MU KULENGA’—DYELELA KWILA WA-NDA TAMBULA O KIKOWE, MU KUSULUKA TAMBWIJILA O IBWIDISU YA KAYELA:

• 

  Ibhidi yebhi ki tu i kingila, i tena kumoneka ku mwenyu? (Nd 9:11)

• 

  Kyebhi o musambu u tena ku tu kwatekesa kyoso ki tu dibhana ni ibhidi?

• 

  Se ki twa mu tena dingi kubhanga o ima i twa kexile mu bhanga mu sidivisu ya Jihova m’ukulu, mukonda dyahi twa tokala ku di kwatenena mu ima i tu tena hanji kubhanga kindala?

• 

  Ihi i ku kwatekesa kudyelela kwila wa-nda tambula o kikôwe?