“Ixi Yoso Anga i Kala ni Dimi Dimoxi”

11:1-4, 6-9

Ku Babele, Jihova wa mwange o athu a bhukumukine mu kulungulula o dimi dyâ. Lelu, mwene wa mu kwongeka o mundu wavulu a tokala mu ifuxi yoso ni mu madimi moso, yu wa mu a bhana o ‘dimi dya zele’ phala ene “oso a tene ku hingila mba kukola o dijina dya Jihova, phala ene oso a mu bhikile ni muxima umoxi.” (So 3:9; Dij 7:9) O dimi didi dya zele dilombolola o kidi kya lungu ni Jihova ni vondadi yê, i tu sanga mu Mikanda Ikôla.

O kudilonga o dimi dya ubhe ki ku bhingi ngó kwijiya izwelu ya ubhe. Maji kubhinga kudilonga ukexilu wa ubhe wa kubanza ni kuxinganeka. Kyene kimoxi we, kyoso ki tuya ni kudilonga o dimi dya zele dya kidi kya Mak’a Nzambi, o ixinganeku yetu i lunguluka. (Lo 12:2) O kudilonga o dimi dya zele ki kwala ni disukilu; o kiki kyene mu bhangesa o mundu wa Nzambi ku dibunda kumoxi.—1Ko 1:10.