WENDELU WA UKIDISTÁ
Ximana Jihova Mukukala u Muboki Wathembu Yoso
O akwa Izalayele exile ni ima yavulu yeji kwabhangesa kuximana Jihova. Mwene wa akatula mu Ijitu yú wa abhulula ku maku a Falawó ni kifuxi kyê kyamasoladi! (Ma 15:1, 2) Jihova wene musuluka mu kubhanga ima yambote phala o mundu wê lelu. Kyebhi ki tutena kulondekesa o kisakidilu kyetu?—Jis 116:12.
Ukexilu umoxi wakubhanga kiki, o kusidivila kala muboki wa ithangana ni ithangana mba muboki wathembu yoso. Eye utena kusamba phala kukubhana o vondadi ni kutena kwakusidivila kala muboki wathembu yoso. (Fi 2:13) Jiphange javulu ene mumateka hanji kala aboki a ithangana ni ithangana. Kyoso ki ukalakala kala muboki wa ithangana ni ithangana, utena kusola kubhanga 30 mba 50 a jihola mujimbeji ja Katanu ni Kasamanu, ni mu mbeji kyoso o kafunga ka ilunga wa mukunda o kilunga. Kyoso ki wandamona o kisangusangu kya kusidivila kala muboki wa ithangana ni ithangana, nange wanda mesena kubhanga nguzu phala kukala umuboki wathembu yoso. Sayi jiphange akalakala kizuwa kyamuvimba, amukwa kala ni sawidi yambote, maji ne kiki enemutena kusidivila kala aboki athembu yoso. (mwb16.07 8) Sé phata, Jihova wafwama mwene kumukalakela ni nguzu yoso phala kumuximana!—1Mal 16:25.
TALA O VIDYU JIPHANGE JITATU KU IXI YA MONGÓLIA, MUKUSULUKA TAMBWIJILA O IBHWIDISU YAKAYELA:
Ibhidi yebhi yadibhana nayu o jiphange jitatu phala kukituka aboki athembu yoso?
Mabesá ebhi atambula?
Ikalakalu yebhi ya ubhe yatambula ene, mukonda dyakukala aboki a thembu yoso?
Kyebhi o phangu yâ yakwatekesa akwa?