O Kwila Eye Utena Kubhana o Kithangana ni Nguzu yé?

Kala kyakanena Izaya, o kikalakalu kya kilunga kya Jihova kya mukula dingi m’ukulu ndenge. (Izaya 54:2) Mukonda dya kiki, kwabhingi kutunga Ididi ya Ubhezelu, Ididi phala o Yônge Yamakota, ni Jifiliyale. Kyoso kyatunga o ididi yiyi, mukusuluka kwabhingi ku ilanga, yamukwa yabhingi ku iyudika dingi. Kyebhi kitutena kukwatekesa o kikalakalu kya Jihova ni kithangana ni nguzu yetu?

• Tutena kukwatekesa kyoso o kibuka kyetu kyakuboka kya asola phala kuzelesa o Kididi kya Ubhezelu

• Tutena kudibhakula phala n’atulonge kyebhi kitutena kulanga o Kididi kyetu kya Ubhezelu

• Tutena kusoneka o (DC-50) phala kukwatekesa mu ithangana ni ithangana, kyoso kyatunga Ididi ya Ubhezelu bhwa zukama ni inzo yê

• Tutena kusoneka o (A-19) ni tukwatekese semana imoxi mba jimbeji, kikale mu mbambe ya Filiyale yetu mba mu filiyale yengi

TALA O VIDYU O IKALAKALU YAKUTUNGA YANDAMATEKA—MBANDU YA VIDYU, MUKUSULUKA TAMBWIJILA O IBHWIDISU YAKAYELA:

• Jimbulula kyebhi tundé mu muvu wa 2014 twene mudilonga dingi bhukaxi ka jividyu?

• Phala tutene kubhanga o jividyu ji twabhindamena mu ubhezelu wetu, o kilunga kyamuxinganeka kubhanga ihi? O kikalakalu kiki, anda kimateka ni kukizubha thembu kuxi?

• Kyebhi o jiphange joso kyatena kukwatekesa mu kikalakalu kiki?

• Se twamesena kukwatekesa o kikalakalu kyakutunga mumbanza ya Ramapo, mukonda dyahi twatokala kusoneka o mukanda (DC-50) ni kukwatekesa kutunga o Ididi ya Ubhezelu bhwazukama ni inzo yetu?

• Ihi ituxikinisa kwila, Jihova “wamukwendesa” o kikalakalu kiki?

• Kyebhi kala muthu mudyetu kyatena kukwatekesa o kikalakalu kya kutunga?