Talatala o Adyakime a Ahatu Kala Amamenu, o Ilumba Kala Jiphange jé ja Ahatu

O Mikanda Ikola itutendelesa kutalatala o adyakime a ahatu kala jimama jetu ni jiphange, o ilumba kala jindandu jetu. (Tanga 1 Timote 5:1, 2.) Benge benge o jiphange jamala abhingi kuxila ni kutalatala kyambote o jiphange ja ahatu.

Phange ya diyala katokala kulondekesa ku phange yamuhatu kwila, wa mwandala mbe kana, mba kubhanga ima imubhangesa kudivwa kyayibha. (Jobe 31:1) Phange ya diyala dikudi katokala kutonoka ni phange ya muhatu dikudi mu ukexilu umubhangesa kukala ni kidyelelu kya kwila, wamesena kukazalanê, manyi mbe kana.

O tufunga atokala kubhana matwi ku ibhwidisu ibhanga o jiphange ja ahatu ni kuxila kwoso, ni kubhana matwi mu kima kyoso kyoso kya mwatandanganyesa. O tufunga ene dingi atokala kulanga ni kutalatala kyambote o atudi.—Lute 2:8, 9.

TALA OVIDYU KOLOKOTA MU KULONDEKESA HENDA MU KILUNGA—KU ATUDI NI KU ANA A A XISA KU JITATA, MUKUSULUKA TAMBWIJILA O IBHWIDISU YAKAYELA:

• 

  Kyebhi o jiphange mu kilunga kyalondekesa o henda yakidi kwa Phange Myint?

• 

  Kyebhi o henda yalondekesa o jiphange yaximanesa Jihova mu dyembu dyâ?

• 

  O henda yalondekesa o jiphange ya kwatekesa kyebhi o ana a Phange Myint?

Kyebhi ki utena kulondekesa ku jiphange ja ahatu mukilunga kwila wa azolo?