KUMBIDILA O MILONGI YIYI MU UKUNJI WÉ | BANDEKESA O KUSANGULUKA KWÉ MU UKUNJI
Xikina o Kikwatekesu Kya Jiphange
Jihova watubhana o “jiphange joso” jamala ni ja ahatu phala kutukwatekesa. (1Ph 5:9) Ene atena kutukwatekesa kudibhana kyambote ni ibhidi itena kumoneka mu ukunji. Mu kifika poxolo Phawulu wakatula mbote mu kikwatekesu kya Akwila ni Pidisila, Sila, Timote, ni athu amukwa.—Ik 18:1-5.
Kyebhi o jiphange jamukwa atena kukukwatekesa mu kuboka? Ene atena kukubhana jindunge se kyebhi ki utena kutambwijila o mukwa dibhata wabhange kibhwidisu kyabhonzo mba wabatula o maka, kyebhi ki utena kukunda o athu, ni kyebhi ki utena kulonga o Bibidya. Xinganeka se nanyi o phange mu kilunga kyé utena kukubhana o kikwatekesu ki wabhindamena, mu kusuluka mubhinge phala kukukwatekesa. Seku phata kwila kiyadi kyenu mwanda katula mbote, mwanda sanguluka we.—Fil. 1:25.
XIKA OVIDYU SANGULUKA MU KUBHANGA MAXIBULU—XIKINA O KIKWATEKESU KYA JIHOVA—JIPHANGE JETU, MU KUSULUKA TAMBWIJILA O IBHWIDISU YA KAYELA:
Kyebhi kyabhange Nita phala kuswinisa Jade kuya mu kyônge?
Mukonda dyahi twatokala kubhinga ku aboki engi phala kudibunda netu kyoso kitulonga o Bibidya?
Kwabhingi kilunga kyamuvimba phala kulonga o dixibulu
Kima kyahi kyawabhela Jade ni Abingayile?
Mauhete ebhi akulonga mu ukunji atokala kukulonga o jiphange?