O Jipolova Mba Ibhidi Yoso, Yala ni Disukilu

O jipolova ni ibhidi itena kutukatula o kuswina ni lusolo, bengebenge se yamulaleka kubhita. Davidi wejidile kwila o kibhidi kyê kyalungile ni Sobha Sawúlu wejibhwa, ni kwila, mwene wejikituka sobha kala kyakanena Jihova. (1Sa 16:13) O kixikanu kya Davidi kyamukwatekesa kukala ni mwanyu ni kukingila kwa Jihova.

Kyoso kitwamudibhana ni ibhidi mba polova, tutena kudilanga, kukalakala ni kwijiya kwetu mba kubanza maukexilu akuzubha mba kulungulula o ima. (1Sa 21:12-14; Ji 1:4) Maji sayi ibhidi yanda nangenena hanji sumbala ni nguzu yoso itwabhange ni kikwatekesu kya itumu ya Bibidya. Se kiki kibhita, twatokala kulondekesa mwanyu ni kukingila kwa Jihova. Kwakambe ngó bhofele, mwene wandazubha o ima yoso itubhekela hadi, ni “kukondona o masoxi moso” bhupholo yetu. (Dij 21:4) Kikale se Jihova mwéne watukwatekesa kutolola kibhidi mba kikale se kima kyengi, etu twejiya o kidi kiki: O jipolova mba ibhidi yoso, yala ni disukilu. O kwijiya o kidi kiki kutuximbakatesa.

TALA OVIDYU ATHU ADIBHANA KYAMBOTE KUMUNDU YÚ WADIWANUNA, MUKUSULUKA TAMBWIJILA O IBHWIDISU YAKAYELA:

• Ibhidi yebhi yadibhana nayu o Jikidistá ku Sulu ya Estados Unidos?

• Kyebhi ene kyalondekesa mwanyu ni henda?

• Kyebhi ene kyasuluka mu kudikwatenena mu “ima yabetakota”?—Fi 1:10