Jebhi o Jimbambe Jé Phala o Muvu wa Ubhe wa Sidivisu?

O jimbambe mu nzumbi, jalungu ni yoso itubhanga ni nguzu yoso phala kusidivila kyambote Jihova ni ku mu sangulukisa. O jimbambe jitukwatekesa kukula mu nzumbi ni mu kidi, mukonda dya kiki kima kyambote kubhanga nguzu ni kukala ni kithangana phala kujisuwa ni kujikumbidila. (1Ti 4:15) Mukonda dyahi kima kyambote kutonginina o jimbambe jetu mu ithangana yoso? Mukonda o ima itena kulungulula. Nange ki kyandabhana dingi kukumbidila mbambe itwasuwu m’ukulu, mba-phe twatena mwene kukumbidila maji kindala twanda bhinga kukumbidila mbambe yengi.

Kithangana kyambote phala kutonginina o jimbambe jetu, ku dimatekenu dya muvu wa ubhe wa sidivisu. Ihi i ubanza se mudizwelesa o maka enyá mu ubhezelu ku mwiji? Mu kubhanga kiki, kala muthu wanda tena kusuwa o mbambe yê ni mbambe ya mwiji woso?

Mu jipondo jakayela, jebhi o jimbambe jé ni ihi iwaxinganeka kubhanga phala kujikumbidila?