WENDELU WA UKIDISTÁ
Jihova Ubhulula Oso a Talamana mu Nzumbi
Etu enyoso, sayi ithangana twene mu luwala. O kuluwala, ki kulombolola kuzoza mu nzumbi mba kukamba kixikanu kwa Jihova. Sayi ithangana Jihova waluwalele we. (Dim 6:5, 6) Maji ihi itutena kubhanga se tudivwa kwila twene mu luwala kyavulu mba mu ithangana yoso?
Samba kwa Jihova mu kubhinga kikwatekesu. Jihova wejiya kyebhi kitwamudivwa. Mwene wejiya kyoso kitwasanguluka ni kyoso kitwaluwala. Mwene utendela se mukonda dyahi twamuxinganeka ni kudivwa kiki. (Jis 7:9b) O kyabetakota, o kwijiya kwila Jihova utusuwa, ni kwila mwene utena kutukwatekesa kudibhana ni kuluwala kwetu mba kikote ku muxima.—Jis 34:18.
Langa o kilunji kyé. O ixinganeku ya yibha itena kukatula o kusanguluka kwetu ni kuzanga o ukamba wetu ni Jihova. Mukonda dya kiki, kima kyambote kulanga o muxima wetu.—Ji 4:23.
TALA O VIDYU KYEBHI O JIPHANGE JETU ALA NI PAZE, MUKUSULUKA TAMBWIJILA O IBHWIDISU YAKAYELA:
Ima yebhi yabhange Nikki, phala kumukwatekesa kudibhana ni kikote ku muxima?
Mukonda dyahi Nikki wamono kwila wabhindamene kusota musaki?—Mat 9:12
Mu maukexilu ebhi Nikki wadyelela kwa Jihova phala kumukwatekesa?