Mulangidi KIDIDI KYA KUBHAKA MADIVULU MU INTERNETE
Mulangidi
KIDIDI KYA KUBHAKA MADIVULU MU INTERNETE
Kimbundu
  • BIBIDYA
  • MADIVULU
  • YÔNGE
  • w20 Mbeji Ia Kasambwadi jimb. 8-11
  • Jisobha Jiyadi ja Dikwata o Unguma mu Izuwa ya Sukidila-ku

O vidyu iwasolo seku luwa.

Tuloloke, kwamoneka kibhidi mu kujikula o vidyu.

  • Jisobha Jiyadi ja Dikwata o Unguma mu Izuwa ya Sukidila-ku
  • O Mulangidi U Bhana Ngolokela ia Utuminu Ua Jihova (Phala ku di Longa)—2020
  • Milongi Yadifu
  • ‘O Sobha ya Thunda’ mu Izuwa ya Sukidila-ku
    O Mulangidi U Bhana Ngolokela ia Utuminu Ua Jihova (Phala ku di Longa)—2020
  • Jihova u tu Jingununa o Ima ia ‘Tokala o ku Bhita mu Kindala’
    O Mulangidi—2012
  • Nanyi o “Sobha ya Thunda” mu Izuwa ya Lelu?
    O Mulangidi U Bhana Ngolokela ia Utuminu Ua Jihova (Phala ku di Longa)—2020
  • Ihi Ilondekesa Dijingunwinu Yalungu ni Yandabhita ni Jinguma ja Nzambi?
    O Mulangidi U Bhana Ngolokela ia Utuminu Ua Jihova (Phala ku di Longa)—2022
Tala dingi ima yamukwa
O Mulangidi U Bhana Ngolokela ia Utuminu Ua Jihova (Phala ku di Longa)—2020
w20 Mbeji Ia Kasambwadi jimb. 8-11

Jisobha Jiyadi ja Dikwata o Unguma mu Izuwa ya Sukidila-ku

Sayi jipolofesya jotumbule mu grafiku yiyi, ja jimbulula izulukutu ya bhiti mu kithangana kimoxi. Jene jilondekesa mu mawukexilu avulu kwila, etu twala ‘kudisukilu dya jithembu.’—Dan. 12:4.

O grafiku yiyi, yamulondekesa jipolofesiya, yamulondekesa we nanyi o sobha ya thunda ni sobha ya lwiji tunde ku muvu wa 1870 kate mu izuwa ya lelu.
  • O grafiku 1 ya 4, yamulondekesa o jipolofesiya jadikumbidila mu izuwa yasukidilaku tunde ku muvu wa 1870 ndu 1918. Mu grafiku yiyi o jipolofesiya jadikumbidila mu kithangana kimoxi. O Jikidistá atonginina kwila, o izuwa yasukidilaku yamateka tunde mu muvu wa 1914. Polofesiya ya 1: O kyama ki kwatesa o woma, kyala ni sambwadi dya mitwe, kimoneka kudimatekenu dya grafiku. Mu Kithangana Kya Ita Yadyanga Ku Mundu o mutwe wa kasambwadi a ukwama. Tunde mu muvu wa 1917, o mutwe wa kasambwadi a usake, o kyama kikala dingi ni nguzu. Polofesiya ya 2: Tunde o muvu wa 1870 tu tena kwijiya o sobha ya thunda ni sobha ya lwiji. O sobha ya thunda umoneka dingi ku muvu wa 1871 kala Alemanha. Kudimatekenu o sobha ya lwiji yamoneka kala Grã-Bretanha, maji mu muvu wa 1917 a mu bhinganesa ku Poténcia Mundial ya Anglo-Americana. Polofesiya ya 3: Tundé mu mivu ya 1870 Phange Russell ni Jikidistá jamukwa, ene o “akunji.” Tunde mu muvu wa 1881 O Mulangidi mu kingeleji (Zion’s Watch Tower) wa mateka kuswinisa o atangi phala kuboka o njimbu yambote. Polofesiya ya 4: Tunde mu muvu wa 1914 kithangana kya kubhongolola. O yangu a isondolola ku tiliku. Polofesiya ya 5: Tunde mu muvu wa 1917, twa tena kwijiya se o inama ya felu ni utuma kilombolola nanyi. Ijimbulula we: O izulukutu tunde ku muvu wa 1914 ndu 1918, o Ita Yadyanga Ku Mundu Woso. O izulukutu ya dibhana nanyu o mundu wa Jihova tunde ku muvu wa 1914 ndu 1918, O Adilongi a Bibidya ku Bretanha ni ku Alemanha a ate mukaleya. Mu muvu wa 1918 ku Estados Unidos, o Jiphange a kexile ku pholo dya kikalakalu ku Betele ku Brooklyn a ate mu kaleya.
    Polofesiya ya 1.

    Ibatulu Dij. 11:7; 12:13, 17; 13:1-8, 12

    Polofesya “O kyama” kyene mu tumina o athu mu ixi mu 3.000 a mivu ndenge. Mu izuwa yasukidila-ku o sambwadi dya mítwe ayi kwama. Mu kusuluka, o mutwe a usaka anga o “ngongo yoso” ikayela o kyama. Satanaji ubhangesa o kyama “kùlwa ita ni yá a subhuka.”

    Kikumbidilu Kyoso kya bhiti o Diluvyu, kwa moneka jinguvulu, exile ni unguma ni Jihova, amateka kutumina o athu. Mu kubhita 3.000 a mivu, kwa moneka o unguvulu wa Bretanha. Mu Ita Yadyanga ya bhiti ku Mundu Woso, o ixi ya Bretanha ki yexile dingi ni kutena kwavulu. Nguzu yexile nayu ya vutuka dingi, kyoso kya dibundu ni Estados Unidos. Mu izuwa yasukidila-ku yiyi, Satanaji wene mu zukutisa o mundu wa Nzambi, bhu kaxi ka jinguvulu ja ngongo.

  • Polofesiya ya 2.

    Ibatulu Dan. 11:25-45

    Polofesya O unguma wa sobha ya thunda ni sibha ya lwiji mu thembu ya sukina.

    Kikumbidilu O Pontencia ya Alemanha i lwa ita ni Anglo-Americana. Mu muvu wa 1945 o União Sovietica ni jixi jene ku mu kwatekesa a kituka o sobha ya thunda. Mu muvu wa 1991, unguvu wa União Sovietica, u bwa, Russia ni jixi jene ku mu kwatekesa akituka o sobha ya thunda.

  • Polofesiya ya 3.

    Ibatulu Iza. 61:1; Mal. 3:1; Luka 4:18

    Polofesya Jihova wa tumikisa “mukunji” wê phala ‘ku yudikila o njila’ ande dya kutumbika o Utuminu wa Mexiya. O “mukunji” wamateka “kutudila jingadyama njimbu ya mbote.”

    Kikumbidilu Tundé ku 1870, phange C. T. Russell ni jiphange ja mukwa, a mateka kuboka ni kuswina phala kujimbulula o kidi kya Bibidya. Mu mivu ya 1880, ene atonginina kwila o kuboka kyexile kikalakalu kya beta-kota phala o jiselevende ja Nzambi. Ene asoneka milongi kala “Precisam-se 1.000 pregadores” ni “O Jikidistá a a undu phala kuboka o njimbu yambote.

  • Polofesiya ya 4.

    Ibatulu Mat. 13:24-30, 36-43

    Polofesya Diyala dya kunu jimbutu jambote mu dibhya. Mu kusuluka kwamoneka nguma, ya kunu jimbundu ja yangu mu dibhya dyenyidi. O jimbundu ja yangu anga jifuta o jimbutu jambote, kate mu kithangana kya kubhongolola; anga a ji wanuna.

    Kikumbidilu Tundé ku muvu wa 1870, o Jikidistá ja kidi ja mateka kuditungula dingi ku Jikidistá ja makutu. Mu izuwa ya sukidila-ku, o Jikidistá ja kidi ki jene mu dibunda ni Jikisdistá ja makutu.

  • Polofesiya ya 5.

    Ibatulu Dan. 2:31-33, 41-43

    Polofesya O inama ya felu ni utuma ya tokala ku kiteka kya ulu, phalata ni ngôndo.

    Kikumbidilu O utuma ulombolola o athu ene mu atumina kwola o jixi ja Bretanha ni Estados Unidos, maji a bukumukina o jinguvulu jiji. Mukonda dya athu yâ, o jinguvulu jiji ja lembwa kulondekesa o kutena kwâ kwoso.

  • O grafiku 2 ya ya 4, yamulondekesa o jipolofesiya jadikumbidila mu izuwa yasukidilaku tunde ku muvu wa 1919 ndu 1945. O sobha ya thunda umoneka kala Alemanha kate 1945. O sobha ya lwiji umoneka kala Poténcia Mundial ya Anglo-Americana. Polofesiya ya 6: Ku muvu wa 1919 Jikidistá a a Undu a ongeka mu kilunga kyazele. Tunde mu muvu wa 1919, o kikalakala kyetu kya kuboka kidibandekesa dingi. Polofesiya 7: Mu muvu wa 1920, o Liga das Nações imoneka anga isuluka kate kudimatekenu dya Ita Yakayadi ya Bhiti ku Mundu Woso. Ijimbulula we: Polofesiya ya 1, o kyama kyala ni sambwadi dya mitwe, kisuluka. Polofesiya ya 5, o inama ya felu ni utuma, isuluka. O izulukutu ya muvu 1939 ndu 1945, o Ita Yakayadi ya Bhiti ku Mundu Woso. O izulukutu ya dibhana nanyu o mundu wa Jihova: Ku Alemanha mu muvu wa 1939 ndu 1945, 11.000 dya Jimbangi ja Jihova ndenge a ate mu kaleya. Mu mivu ya 1939 ndu 1945, ku ixi ya Bretanha kwa kambele ngó bhofele phala kutenesa 1.600 ya Jimbangi ja Jihova akexile mu kaleya. Mu mivu ya 1940 ndu1944, ku Estados Unidos, o Jimbangi ja Jihova a azukutisa ku ibuka ya athu afutuluka, mu 2.500 dya jiveji ndenge.
    Polofesiya ya 6.

    Ibatulu Mat. 13:30; 24:14, 45; 28:19, 20

    Polofesya “O jimbutu jambote” a ji bhongolola mu “kitula,” o “Kimbadi kya fiyele kya dimuka,” a kisolo phala kutambula konda dya “dibhata.” O kikalakalu kya kuboka “o njimbu yambote ya Utuminu” kya mateka kudimwanga mu “ngongo yoso.”

    Kikumbidilu Mu muvu wa 1919 a solo o kimbadi kya fiyele phala kwendesa o mundu wa Nzambi. Tundé o kithangana kyenyokyo, o adilongi a Bibidya amateka kuboka dingi ni nguzu o njimbu yambote. Lelu, o Jimbangi ja Jihova ja mu boka mu 200 a jixi ndenge, a mu bhanga ji Bibidya ni madivulu alungu ni Bibidya mu 1.000 a madimi ndenge.

  • Polofesiya ya 7.

    Ibatulu Dan. 12:11; Dij. 13:11, 14, 15

    Polofesya O kyama kya mbinga jiyadi kikala ku pholo mu kikalakalu kya kubhanga o “kitéka kya kyama,” anga “u ki bhana kubhwima.”

    Kikumbidilu O pontencia ya Anglo-Americana yene yexile kupholo phala kubhanga o kisangela kya Liga das Nações. Jixi ja mukwa ja dibundu we mu kisangela kiki. Mu kubhita kithangana, o sobha ya thunda ya bokona we mu kisangela kya Liga das Nações. Maji tundé ngó mu muvu wa 1926 ndu 1933. O athu a dyelele kwila, o Liga das Nações, yeji bheka kutululuka. Maji o Utuminu wa Nzambi, wene ngó utena kubheka o kutululuka. Lelu we, o athu a dyelela kwila, o Nações Unidas (UN), atena kubheka wê o kutululuka.

  • O Grafiku ya 3 ya 4, yamulondekesa o jipolofesiya jadikumbidila mu izuwa yasukidilaku tunde ku muvu wa 1945 ndu 1991. O sobha ya thunda umoneka kala União Soviética kate mu muvu wa 1991, mukusuluka a ubhinga kwala Russia ni jisoko jê. O sobha ya lwiji umoneka kala Potência Mundial ya Anglo-Americana. Polofesiya ya 8: Dituta dya mulondekesa o kibazu kya bomba atomika, kilombolola o kibwika kyadikota kya bheka o Potência ya Anglo-Americana, kya jibha athu avulu. Polofesiya ya 9: Mu muvu wa 1945 abhange o Nações Unidas, yabhingana o Liga das Nações. Ijimbulula we: Polofesiya ya 1, o kyama kyala ni sambwadi dya mitwe, kisuluka. Polofesiya ya 5, o inama ya felu ni utuma, isuluka. Polofesiya ya 6, um muvu wa 1945, atenesa 156.000 ya aboki ndenge. Mu muvu wa 1991, atenesa 4.278.000 a aboki ndenge. O izulukutu ya dibhana nanyu o mundu wa Jihova: Mu mivu ya 1945 ndu 1950 ku União Soviética, jimidi ja jimbangi ja Jihova a a jijidika kuya ku Sibéria.
    Polofesiya ya 8.

    Ibatulu Dan. 8:23, 24

    Polofesya Sayi sobha wala ni pholo ya kiswéya “wa kà bhanga isunji ni kujibha o mundu.”

    Kikumbidilu O pontensya ya Anglo-Americana ya bheka kibwika kyadikota, a jibha athu avulu. Mu kifika, mu Ita ya Kayadi, o Estados Unidos abheka kijibha kya kisunji, nuka kya bhitile, kyoso kya takula o bomba atomika ku ixi yexile nguma ya Estados Unidos ni Bretanha.

  • Polofesiya ya 9.

    Ibatulu Dan. 11:31; Dij. 17:3, 7-11

    Polofesya O kyama “kya kusuka” kya kwinyi dya lumbinga kitunda mu dikungu ki dimoneka hole. O divulu dya Daniyele, ditumbula o sobha yiyi kala ‘kisunji ki bwikisa o mundu.’

    Kikumbidilu O kisangela kya Liga das Nações kyabhu mu kithangana kya Ita ya Kayadi ya bhiti ku Mundu Woso. Kyoso kya bhiti o ita o kisangela kya Nações Unidas kyene kya “bhinganesa-bhu.” Kala kya bhiti ni Ligas das Nações, o kisangela kya Nações Unidas, kyene mu tambula o fuma ya tokala ku Utuminu wa Nzambi. O Nações Unidas, ene anda bwikisa o jingeleja.

  • O Grafiku 4 ya 4, yamulondekesa o jipolofesiya jamudikumbidila mu izuwa yasukidilaku tunde o izuwa ya lelu ndu ku Alumajedone. O jinguvulu ja mundu jibhanga o ngolokela ya kwila, “kwa batama, kwa tululuka.” Mu kusuluka, o hadi yadikota imateka. Polofesiya ya 11: O ifuxi yoso yanda bwika o jingeleja joso ja makutu. Polofesiya ya 12: O jinguvulu ja mundu jiza phala kubwika o mundu wa Nzambi. O Jikidistá a a undu anda subhuka mu ixi, anda kwabhongolola phala kwa-ambata ku dyulu. Polofesiya ya 13: Alumajedone. O wamondala ku kabalu kazele uzubha o kutolola. O kyama kya sambwadi dya mitwe akibwika; anga kumoneka ditadi dya tutula o inama ya kiteka kyonéne. Ijimbulula we: Polofesiya ya 1, o kyama kyala ni sambwadi dya mitwe, kisuluka kate ku Alumajedone. Polofesiya ya 5, o inama ya felu ni utuma, isuluka kate ku Alumajedone. Polofesiya ya 6, lelu kwala 8.580.000 a aboki ndenge. Mu muvu wa 1991, atenesa 4.278.000 a aboki ndenge. O izulukutu ya dibhana nanyu o mundu wa Jihova: Mu muvu wa 2017, o nguvulu ya Russia ate mu kaleya o Jimbangi ja Jihova, anga a tambula o filiyale.
    Jipolofesiya ja 10 ni 11.

    Ibatulu 1 Tes. 5:3; Dij. 17:16

    Polofesya O ifuxi yanda bhanga o ngolokela ya kwila, “kwa batama, kwa tululuka,” o “kwinyi dya lumbinga” ni “kyama” a bwikisa o “kidya-nzunga.” Kyanda bhita o ima yiyi, o ifuxi yoso mu ngôngo a ibwika.

    Kikumbidilu O ifuxi yanda bhana o ngolokela ya kwila, asange o kutuluka ni kubatama ku mundu woso. Kyenyiki, o ifuxi yoso yene mu kwatekesa o kisangela kya Nações Unidas, anda bwika o jingeleja joso ja makutu. O kizulukutu kiki, kyene o dimatekenu dya hadi ya dikota. O hadi yiyi yanda bhwa kyoso Jezú kyanda bwika o mundu woso wa Satanaji, mu ita ya Alumajedone.

  • Polofesiya ya 12.

    Ibatulu Ize. 38:11, 14-17; Mat. 24:31

    Polofesya Ngongo ubanda ku ixi ya mundu wa Nzambi. Mu kusuluka, o ji anju ji bhongolola o ‘athu ósole.’

    Kikumbidilu O sobha ya thunda, kumoxi ni jinguvulu jamukwa ku mundu, anda kwiza phala ku bwika o mundu wa Nzambi. Ande dya kumateka o kibwika kiki, o Jikidistá a undu anda subhuka mu ixi, anda ku ambata ku dyulu.

  • Polofesiya ya 13.

    Ibatulu Ize. 38:18-23; Dan. 2:34, 35, 44, 45; Dij. 6:2; 16:14, 16; 17:14; 19:20

    Polofesya “O wa mondala” ku “kabalu kazele” uzubha o “kutolola,” mu kubwika Ngongo ni kilômbo kyê kya ita. O “kyama” anga a ki “takula . . . mu kizanga kya túbhya,” anga kumoneka ditadi di bwika o kiteka kyonéne.

    Kikumbidilu Jezú, o sobha ya Utuminu wa Nzambi, wanda kwiza phala kubhulula o mundu wa Nzambi. Jezú, o 144.000 a undu, kumoxi ni ji anju, anda bwika o ifuxi yoso ya mesene kubwika o mundu wa Nzambi. Kiki kyanda kala o disukilu dya mundu woso wa Satanaji.

    Madivulu Muoso Kimbundu (2008-2025)
    Kutunda
    Kubokona
    • Kimbundu
    • Kuwanena akwenu
    • Yakuwabhela
    • Copyright © 2025 Watch Tower Bible and Tract Society of Pennsylvania
    • Ijila
    • Kikutu Kyetu
    • Definições de privacidade
    • JW.ORG
    • Kubokona
    Kuwanena akwenu