Eye Utena Kusola Kyebhi Kyandakala o Mwenyu wé Kuhádya

3.500 jamivu kudima, Nzambi watangela ku abhezye yatokalele o kubhanga phala kukala ni kukondama kuhadya: “Nga ku tudila we kuzediwa ni kuxixima, sola-phe mwenyu, ulaye, n’eye ni mbutu yé.”—Matendelelu 30:19.

Phala kukala ni kukondama kuhádya, o athu yo atokalele kusola kyambote. Etu we lelu twala ni ujitu wakusola. O Bibidya ijimbulula kyebhi kitutena kusola o kukondama kuhádya: ‘Mu kuzola Jihova Nzambi yé ni kwivwa o dizwi dyê.’—Matendelelu 30:20.

KYEBHI KITUTENA KUZOLA JIHOVA NI KWIVWA O DIZWI DYE?

SOTA KUDILONGA O BIBIDYA: Phala kuzola Jihova, kya dyanga, watokala kudilonga yalungu ni mwene, bhukaxi ka Bibidya. Kyoso ki uya ni kubhanga kiki, wandatonginina kwila, mwene Nzambi ya henda, wamesena o mbote yé. Nzambi ukutangela phala kusamba kwa mwene “kuma mwène wa mi kwatela mwanu.” (1 Phetele 5:7) O Bibidya itukanena kwila, se tubhanga nguzu phala kumuzukama, ‘mwene wandatuzukama we.’—Tiyaku 4:8.

KUMBIDILA IWADILONGO: Kwivwa Nzambi kulombolola kukayela o itendelesu yê itusanga mu Bibidya. Kyoso ki uya ni kubhanga kiki, o “wendelu wé u kala wa kubhanduluka, o kwenda kwé ku kala kwa madimu.”—Josuwé 1:8.