Ndunge ya Kudilonga

Lunda o “Mimbu Yetu” ku Muxima

“Mu izuwa i ngikala ni kikote ku muxima, Jihova ungiswinisa bhukaxi ka mimbu ya JW Broadcasting^®.”—Lorraine, Estados Unidos.

Tunde ukulu, o Jikidistá ene mu kwimba jinga mimbu phala kuximana Nzambi. (Kol. 3:16) Se ulunda o mimbu yiyi ku muxima, yene yandatena ku kukwatekesa ne mwene kyoso ki ukamba kukala ni divulu dya mimbu mba mutelembe. O jindunge ja kayela jitena ku kukwatekesa kulunda o mimbu ku muxima.

• Tanga kyambote o izwelu ya mimbu phala kutendela o dilombolwelu. Kala kitwejiya, kyoso kitutendela o dilombolwelu dya kima, ki kibhonzo kukilembalala. O izwelu ya mimbu yetu yoso, kikale o mimbu yadyanga ni mimbu phala ana a jindenge, yala mu sayte jw.org. Phala ku isanga, bokona mu mbandu Kididi Kyamadivulu, anga uya ku mbandu Muimbu.

• Soneka o izwelu ya mwimbu ku phapela. O kubhanga kiki kwanda kukwatekesa dingi kyambote ku ibhaka ku muxima.—Mate. 17:18.

• Dilonge o mimbu ni dizwi dya swina. Tanga o izwelu mba imba o mwimbu mu veji javulu.

• Sota kwimba sé kutala ku izwelu ya mwimbu. Fikisa kulembalala o mwimbu sé kutala o izwelu yosoneke ni umone se watena kya ku ulunda ku muxima.