Eye Wala ni Kixikanu?

Phala kusangulukisa Jihova, twatokala kukala ni kixikanu. Maji o Bibidya yamba kwila “ki athu oso ala ni kixikanu.” (2 Te. 3:2) Poxolo Phawulu wexana o athu exile mu muzukutisa kala “isweya ni ku akwa phulu.” Maji o yazwela mwene yalungu we ni athu amukwa. Sayi athu kamesenene kuxikina kwila Nzambi mwene wabhange o ima yoso. (Lom. 1:20) Amukwá axikina kwila sayi kima mba muthu wala ni kutena kwavulu. Maji kiki ki kixikanu kisangulukisa Jihova.

Twatokala kuxikina kwila Jihova wene-ku ni kwila ubesowala yó ala ni kixikanu kya kolo kwa mwene. (Jih. 11:6) Phala kukala ni kixikanu kiki, twabhindamena o nzumbi ikôla. O kusamba kutena kukwatekesa o muthu kutambula o nzumbi ikôla. (Luk. 11:​9, 10, 13) O kima kya mukwá o kutanga o Bibidya, mukonda o asoneki a isoneka ni kikwatekesu kya nzumbi ikola ya Jihova. Anga kuxinganeka mu ima itutanga ni kubhanga o ima itwamutanga, kyenyiki-phe o nzumbi ikôla yanda tukwatekesa kukala ni kixikanu kisangulukisa Jihova.