O Ima Yayibha Ibhita Mukonda Dya Ita

“Eye umona ima yavulu yayibha yamubhita, athu amufwa mba a akwama kyavulu. Mu kumona o ima yoso yiyi eye ki utena kudivwa kyambote.”—Gary, Grã-Bretanha.

“A ngilozele ku dikunda ni ku pholo. Ngamono we athu avulu exile mwajibha, kikale minzangala ni adyakime. O ibhidi yoso yiyi itena kukufidisa kwivwa o ndolo ya akwenu.”—Wilmar, Colômbia.

“Kyoso ki umona muthu a mumuloza, eye ki ukamba kumuxinganeka. Wanda suluka mu kubanza ku muthu wexile mudikola ni kudila phala kamujibhe.”—Zafirah, Estados Unidos.

“Ngafikile kwila ki ngeji sanguluka dingi ku mwenyu. Ngexile ni woma wakufwa, o kyabeta dingi kota o kukala ni woma wa kwila o mwiji wami ni makamba mami ejifwa we.”—Oleksandra, Ucrânia.

“O kwimana ku munonono phala kutambula o kudya bhukaxi ka usuku ndu mu 23 a ola, kyexile mu ngikwatesa woma wavulu mukonda ki ngejidile se eji ngiloza.”—Daler, Tadjiquistão.

“O jitata jami afu mu ita. Ki ngexile dingi ni muthu phala ku ngilanga.”—Marie, Ruanda.