Dilonge ni Jifoto

Mu madivulu metu tusanga-mu nzungule ya jifoto jitulonga madisá avulu. Ihi i utena kudilonga ku jifoto jiji?

• Ande dya kumateka kutanga o milongi, talesa o jifoto. Nange jene jitena ku kubhangesa kukala ni hânji ya kudilonga. Mu kifika, kyoso kitumona kudya kwambote, tukala ni hanji ya kudya o kudya kuku. Kyene we kibhita ni jifoto. Eye ukala dingi ni hânji ya kudilonga, se udyanga hanji kutala o jifoto. Kyenyiki ande dya kumateka kutanga o milongi, dibhwidise hanji: ‘Ihi i ngamumona mu jifoto jiji?’—Amo. 7:​7, 8.

• Kyoso ki uya ni kutanga o milongi, xinganeka se mukonda dyahi asolo o jifoto jiji. Se mu milongi mwala izwelu ku mbandu ya jifoto ni ilombolwelu ya jifoto, tanga-yu. Xinganeka kyebhi o jifoto jalungu ni milongi i wamutanga, ni kyebhi ki utena kukumbidila o madisá u wadilongo ku jifoto.

• Kyoso ki wanda zubha kutanga o milongi, talesa dingi o jifoto phala kulembalala o jipondo jabeta-kota ja milongi. Mu kusuluka, lembalala o jifoto joso ja milongi ni madisá u wadilongo naju.

• Kindala talesa dingi o jifoto joso ja Mulangidi yu, anga sota kulembalala o madisá u wadilongo naju.