Pelepalala o Muxima wé Ande Dya Kudilonga

Kyoso kitwamudilonga o Bibidya, twamesena kwila o ibanzelu ya Jihova ibokona ku muxima wetu. Ejidala watuxila phangu yambote kyoso kyapelepalala “o muxima wê phala kudilonga o Kijila kya Jihova.” (Eji. 7:10) Kyebhi kitutena kubhanga kiki?

Samba. Samba ande dya kumateka kudilonga. Bhinga kwa Jihova phala ku kukwatekesa kutendela ni kukumbidila o ima iwamudilonga.—Jisá. 119:​18, 34.

Kala u muthu walenduka. Nzambi usweka o kidi ku athu adizangeleka mukonda dya unjimu wâ. (Luk. 10:21) Kana kutokwesa phala kudilondekesa ku akwenu kwila eye u njimu. Kyoso ki udilonga ima iwabhindamena kulungulula, kala u muthu walenduka, lungulula o ukexilu wé.

Ivwa o mimbu yetu. O mimbu itutula ku muxima, kyenyiki se wivwa o mimbu yetu ande dya kumateka kudilonga, kiki kyanda kukwatekesa phala o milongi ibhixile ku muxima wé.