Zwela ni akwenu o ima i wadilongo

O kudilonga ubheka kituswinisa. Maji tuswina dingi kyoso ki tuswinisa akwetu ni ima itwadilongo kala kizwela o divulu dya Jisabhu 11:25: “Kuma woso u tekela, mwene we a mu tekela.”

Kyoso ki tuzwela o ima itwadilongo, tusuluka mu kutendela dingi kyambote o milongi ni ku ibhaka kumuxima wetu. Kumbandu yengi kyoso kituzwela o ima itwadilongo ku akwetu tusanguluka kyavulu mukonda twejiya kwila o ima yiyi itena kwaswinisa.—Ika. 20:35.

Fikisa o ndunge yiyi: Ku semana izamu sota kithangana phala kuzwela ni muthu o ima i wadilongo. Kikale muthu ku mwiji we, phange mu kilunga, koleka ye ya salu, ya xikola, vizinyo ye mba muthu wanda musanga mu ukunji. Kuzwela o ima iwadilongo mu ukexilu we wa kuzwela.

Lembalala: Kyoso ki wamuzwela o ima iwadilongo, lembalala kwila phala ku swinisa, ki phala kudizangeleka kana.—1 Ko. 8:1.