Mukonda Diahi o Jimbangi ja Jihova Kene mu Bhanga Fesa ia Phasu?
Ibanzelu ia Iibha
Makutu: O Jimbangi ja Jihova kene mu bhanga o fesa ia Phasu, mukonda ene ki Jikidistá.
Kidi: Etu tu xikina Jezú Kristu kuila Kibhamuenhu uetu, kienhiki tu di bhakula mu ku ‘kaiela o makanda mê.’—1 Phetele 2:21; Luka 2:11.
Makutu: Enu ki mu xikina kuila Jezú a mu fukununa.
Kidi: Etu tua xikina ku difukunukinu dia Jezú, o difukunukinu dia Jezú di bandekesa o kixikanu kietu, tu londekesa o valolo ié mu kuboka.—1 Kolindu 15:3, 4, 12-15.
Makutu: Enu ki mua zolo an’enu, kienhiki mu a fidisa o ku tonoka mu kithangana kia fesa ia Phasu.
Kidi: Etu tua zolo ane’tu, tu bhanga ioso ni ioso phala ku a longa, ni ku a kuatekesa n’a sanguluke.—Tito 2:4.
Mukonda Diahi o Jimbangi ja Jihova Kene mu Bhanga Fesa ia Phasu?
O fesa ia Phasu iene mu bhanga lelu ka i soneka mu Bibidia.
Jezú ua tumu akaiedi’ê ku lembalala o kufua kuê, kana o difukunukinu diê. Etu tu bhanga o Fesa ia Lembalasa ia kufua kuê, mu ku kaiela o kalendalu Lunar akexile mu ka kaiela m’ukulu.—Luka 22:19, 20.
Etu tuejiia kuila o ijila ia ku bhanga o fesa ia Phasu iene mu kaiela athu lelu, ia tundu ku jiphagão, mukonda dia kiki Nzambi ua iibhila o fesa ia Phasu. Nzambi ua mesena kuila tu mu bheza ngó muéne mukonda muéne “Nzambi ia difuba,” muéne u divuua kia iibha kioso kia mona athu a mu mu bheza ni ima ia iibhila muéne.—Makatukilu 20:5; 1 Jisobha 18:21.
Etu tuejiia kuila o ukexilu uetu ua ku dituna kubhanga fesa ia Phasu, a u soneka mu Bibidia, u tu suínisa ku kala ni “unjimu ua kidi, ni ku kala ni kilunji kiambote” mu veji dia ku kaiela o ijila ia athu. (Jisabhu 3:21; Matesu 15:3) Sumbala tu zuela ni athu ia lungu ni fesa ia Phasu, maji tu xila o athu a sola ku bhanga o fesa íii.—1 Phetele 3:15.