Mukonda Diahi o Jimbangi ja Jihova ka Xikina ku Tambula Manhinga?

Izuelu ia Iibha

Makutu: O Jimbangi ja Jihova ka xikina ku tambula milongo mba ku a saka

Kidi: Etu tu sota milongo iambote phala etu ni phala o muiji uetu. Kioso ki tu kata, tuene mu sota asaki ene mu saka kiá mauhaxi sé ku ta manhinga. Tuejiia kuila o akua ku saka ene mu bhanga ioso ni ioso phala ku saka kiambote o athu ku mundu uoso. Mu kidi, o maukexilu ene mu saka nau o Jimbangi ja Jihova ene mu bhanga ué kiambote ku jihaxi ja ka mukuá. Lelu mu jixi javulu o jihaxi a mu dituna kua ta manhinga mu mukutu mukonda o ku bhanga kiki ku bhekela mauhaxi avulu ku muthu, o asaki ué a tena ku lueza.

Makutu: O jimbangi ja Jihova a xikina kuila o kixikanu ki tena ku saka mauhaxi.

Kidi: Etu ki tu saka mauhaxi bhu kaxi ka kixikanu

Makutu: O muthu se ka tambula manhinga, ua-nda bhana kitadi kiavulu phala ku sanga milongo iengi.

Kidi: O ku saka sé ku ta manhinga ukexilu ua beta-kota ua ku saka.a

Makutu: Athu avulu Jimbangi ja Jihova ni ana-ndenge, a fua mivu ioso mukonda dia ku dituna ku tambula manhinga.

Kidi: O izuelu íii ki kidi. Tuejiia kuila, o ji dotolo saí ithangana a bhanga pelasá ia bhonzo, kála o ku bhanga pelasá ku thulu mba ku inama, ni ku ta idiandu ia mukuá ku mukutu ua muthu sé ku ta manhinga mu mukutu.b O jihaxi katé muene ni ana-ndenge a dituna ku tambula manhinga a beta ku di sanza o ió a xikina ku a ta manhinga ndenge.c Mu kiki, se-ku muthu u tena kuzuela kuila, o haxi ua-nda kufua mba ua-nda disanza mukonda dia ku xikina mba ku dituna ku tambula manhinga.

Mukonda Diahi o Jimbangi ja Jihova ka Xikina ku Tambula Manhinga?

Mukonda dia itumu ia Bibidia. Ki kale o Kikutu Kiokulu ni Kikutu Kiobhe ki tu tangela kuila ki tu tokala kudia manhinga moso-moso. (Dimatekenu 9:4; Ijila 17:10; Matendelelu 12:23; Ikalakalu 15:28, 29) Bhu pholo ia Nzambi o manhinga muenhu. (Ijila 17:14) Mu kiki, etu ki tu xikina ku tambula manhinga ki mukonda ngó dia ku belesela Nzambi, maji mukonda dia muene ku tu Bhana muenhu.

O Jidotolo a mu lungulula o ibanzelum iâ

Mu’kulu o kibuka kia ji dotolo exile mu mona kuila, o ku saka sé ku ta manhinga, iluezu ia dikota, ku sota kalunga. Maji mu kithangana kietu a mu lungulula kiá o ibanzelu iâ. Mu kifika, ku muvu ua 2004, saí kamukanda ka akua ku saka kambe kuila, “o ukexilu ua ku saka o Jimbangi ja Jihova ua-nda kala phangu ku mivu ku pholo.”d O journale, Heart, Lung and Circulation (Thulu, Phumbulu ni manhinga) iambe ku muvu ua 2010 kuila “‘o ku saka sé manhinga keji tokala ngó ku Jimbangi ja Jihova, maji jihaxi joso kiene kieji ku a saka.”

O Jimidi ni jimidi ja ji dotolo ku mundu uoso ene mu bhaka o manhinga phala ku bhanga pelasá se ku ta manhinga ku mukutu ua muthu. O ukexilu iú ua ku saka ene mu u kaiela ué katé jixi ja katunda. Saí athu ki Jimbangi ja Jihova ene mu sola o ukexilu iú ua ku saka.