“Mukonda Dyahi o Jimbangi ja Jihova Kene Mubheza Nzambi ni Dikulusu?”

Athu avulu axikina kwila o dikulusu kidimbu phala o Jikidistá. Sumbala o Jimbangi ja Jihova Jikidistá, ene kene mubheza Nzambi bhukaxi ka dikulusu. Mukonda dyahi?

Kima kya dyanga, mukonda dya kwijiya o kidi kya Bibidya kya kwamba kwila, Jezú kafu kudikulusu, maji wafu kutaka mba muxi. Ku mbandu ya mukwa, o Bibidya yamba kwila o Jikidistá a tokala kulenga “o ubhezelu wa iteka”, kiki kyalungu we ni kubheza Nzambi bhukaxi ka dikulusu.—1 Kolindu 10:14; 1 Nzwá 5:21.

Kima kyambote kulembalala o izwelu ya Jezú kyoso kyambe: “Kyenyiki, o athu oso anda mijiya kwila mu maxibulu mami, se mudizola mudyenu.” (Nzwá 13:34, 35) Ni izwelu yiyi Jezú walongo kwila, o akayedi yê a kidi adimonekena mukulondekesa o henda ya kidi, kana mukonda dya dikulusu mba kiteka kyengi.