DISÁ 54
Ihi Yene Mubhanga o “Kimbadi Kya Fiyele Kya Dimuka”?
Jezú mwene o Mutwameni wa kilunga. (Efezu 5:23) Kala sobha kudyulu, lelu Jezú wamukwendesa o akayedi’ê mu ixi bhukaxi ka “kimbadi kya fiyele kya dimuka.” (Tanga Matesu 24:45.) Jezú mwene wasolo o “kimbadi” yu wa abhana ungana. Sumbala ni ungana yú, o kimbadi kya musuluka ni kubelesela Kidistu ni kusidivila o jiphange jê. Nanyi o kimbadi kya fiyele kya dimuka? Kyebhi o kimbadi kyene mu tulanga?
1. Nanyi o “kimbadi kya fiyele kya dimuka”?
Tunde ukulu, Jihova wene musola diyala mba kibuka kya mayala phala kubhana itendelesu ku mundu wê. (Malakiya 2:7; Jihebelewu 1:1) Kyoso Jezú kyafu, o jipoxolo ni tufunga mu Jeluzaleme exile mubhanga kiki. (Ikalakalu 15:2) Kyene kimoxi we lelu. Jihova ukalakala ni kibuka kyofele kya tufunga phala kubhana o kudya mu nzumbi ni kulanga o kikalakalu kya kuboka. O kibuka kiki, o Kibuka kya Utuminu kya Jimbangi ja Jihova. Ene a bhanga mbandu ya “kimbadi kya fiyele kya dimuka,” kya solo Jezú. (Matesu 24:45a) Athu oso abhanga mbandu ya Kibuka kya Utuminu a undu ni nzumbi ikôla. Ene andatumina kumoxi ni Kidistu kudyulu, kyoso kyanda batuka o myenyu yâ mu ixi.
2. Kyebhi o kimbadi kya fiyele kyene mubhana o kudya mu nzumbi ku mundu wa Jihova?
Jezú wambe kwila o kimbadi kya fiyele kyeji ‘bhana o kudya ku adayedi a Kidistu mu kithangana kyatokala.’ (Matesu 24:45b) Kala o kudya kutubhana nguzu ni sawidi ku mukutu, o kudya mu nzumbi (o itendelesu ya Mak’â Nzambi) itubhana nguzu itwabhindamena phala tusuluke mu kukala fiyele kwa Jihova ni kubhanga o kikalakalu kyatubhana Jezú. (1 Timote 4:6) Twene mutambula o kudya kuku mu nzumbi bhukaxi ka yônge, yônge ya ilunga, yônge ya makota, madivulu o bhange bhukaxi ka Bibidya ni jividyu. O kudya kwoso kuku, kutukwatekesa kutendela o vondadi ya Jihova ni kukolesa o ukamba wetu ni mwene.
DILONGE DINGI
Tala se mukonda dyahi twabhindamena o “kimbadi kya fiyele kya dimuka”, kifwa o Kibuka kya Utuminu.
O Kibuka kya Utuminu kilanga o Jimbangi ja Jihova ku mundu woso, mu kwabhana kudya mu nzumbi, itendelesu ni kikwate kesu kya bhindamena
3. O mundu wa Jihovawa bhingi ku usokejeka
Mu kukayela o itendelesu ya Jezú, o Kibuka kya Utuminu kisokejeka o kikalakalu kya Jimbangi ja Jihova. Kiki kyene kyabhitile ni Jikidistá mu ukulu. Tala OVIDYU.
Tanga 1 Kolindu 14:33, 40, mukusuluka bhanga o kibhwidisu kya kayela:
O velusu yiyi ilondekesa kyebhi kwila, Jihova wamesena kuma o mundu wê udisokejeka?
4. O kimbadi kya fiyele kisokejeka o kikalakalu kyetu kya kuboka
O kuboka kyexile o kikalakalu kyabeta kota kyexile mubhanga o Jikidistá mu ukulu. Tanga Ikalakalu 8:14, 25, mukusuluka bhanga o ibhwidisu ya kayela:
Nanyi wexile mulanga o kikalakalu kya kuboka kyexile mubhanga o Jikidistá mu ukulu?
HO kwila Phetele ni Nzwá axikina o itendelesu yabhanene o jipoxolo jamukwa?
O kikalakalu kyabetakota phala o Kibuka kya Utuminu o kulanga o kikalakalu kya kuboka. Tala OVIDYU.
Jezú walondekesa o valolo ya kuboka. Tanga Máluku 13:10, mukusuluka bhanga o ibhwidisu ya kayela:
Mukonda dyahi o kikalakalu kya kuboka kyala ni valolo yadikota phala o Kibuka kya Utuminu?
Mukonda dyahi twabhingi kwila o “kimbadi kya fiyele kya dimuka” kilanga o kikalakalu kiki ku mundu woso?
5. O kimbadi kya fiyele kitubhana itendelesu
O Kibuka kya Utuminu kibhana itendelesu phala o Jikidistá joso ku mundu. Kyebhi ene kyasola o itendelesu yandabhana? Tala kyebhi o kibuka kya utuminu mu ukulu kyexile mubhanga kiki. Tanga Ikalakalu 15:1, 2, mukusuluka bhanga o ibhwidisu ya kayela:
Ihi yexile mubhekela maka mwaxaxi ka Jikidistá mu ukulu?
Phala kubatula o maka ya, Phawulu, Balanabé, ni akwa asoto nanyi?
Tanga Ikalakalu 15:12-18, 23-29, mukusuluka bhanga o kibhwidisu kya kayela:
Ande dyakubatula maka, o kibuka kya utuminu mu thembu ya jipoxolo exile musota o itendelesu ya Nzambi ya lungu ni maka eji batula. Kyebhi kyexile mubhanga kiki?—Tala o jivelusu 12, 15, ni 28.
Tanga Ikalakalu 15:30, 31; 16:4, 5, mukusuluka bhanga o ibhwidisu ya kayela:
O kwila o Jikidistá mu ukulu axikina o itendelesu ya bhanene o kibuka kya utuminu mu thembu yenyoyo?
Kyebhi Jihova kya besowala o kubelesela kwâ?
Tanga 2 Timote 3:16 ni Tiyaku 1:5, mukusuluka bhanga o kibhwidisu kya kayela:
Kyebhi o Kibuka kya Utuminu kyene mubatula o maka lelu?
ATHU AVULU AMBA: “Se ubelesela o Kibuka kya Utuminu, wamubelesela mayala.”
Eye uxikina kwila Jezú mwene wamukwendesa o Kibuka kya Utuminu? Mukonda dyahi?
IHI IWADILONGO
O Kibuka Kya Utuminu, o “kimbadi kya fiyele kya dimuka” kyasolo Jezú Kidistu. O jiphange jiji abhana itendelesu ni kudya mu nzumbi phala o Jikidistá joso ku mundu.
Kubhitulula
Nanyi wasolo o “kimbadi kya fiyele kya dimuka”?
Kyebhi o Kibuka Kya Utuminu kya tulanga lelu?
Eye uxikina kwila o Kibuka Kya Utuminu kyene o “kimbadi kya fiyele kya dimuka”?
TOKWESA DINGI
Tala kyebhi o Kibuka kya Utuminu kya mubhanga o kikalakalu kyâ lelu.
“Nanyi o Kibuka kya Utuminu Kya Jimbangi ja Jihova?” (Milongi ya jw.org)
Tala kyebhi o Kibuka Kya Utuminu kyasota kwijiya se o mundu wa Jihova wamutambula o kudya kwatokala.erning Body makes sure that we receive trustworthy spiritual food.
Kyebhi kyadivwa o Kibuka kya Utuminu ni kikalakalu kyatambula kwa Jezú?
Kyebhi o yônge yetu ni yônge ya makota ilondekesa kwila Jihova wamukwendesa o Kibuka Kya Utuminu?