Bhu kaxi ka Utuminu wê, Jihova wandazubha o kuyibha kwoso. Yiyi njimbu yambote, o athu abhingi ku ijiya. Jezú wa mesenene kwila o akayed’ê aboka o njimbu yiyi ku athu oso! (Matesu 28:19, 20) Kyebhi o Jimbangi ja Jihova kyene mu kayela o kitendelesu kiki kya Jezú?

1. Kyebhi o divulu dya Matesu 24:14 dya mu dikumbidila mu izuwa ya lelu?

Jezú wambe: “O njimbu yiyi yambote ya Utuminu, ya bhingi ku itula mu ngongo yoso.” (Matesu 24:14) O Jimbangi ja Jihova asanguluka mu kubhanga o kikalakalu kiki kya katunda. Twamuboka o njimbu yambote mu ngongo yoso mu 1000 amadimi ndenge! Phala kubhanga o kikalakalu kiki kyadikota, kubhinga kithangana ni nguzu phala kudisokejeka kyambote. Ki tweji tena kukibhanga se o kikwatekesu kya Jihova.

2. Nguzu yebhi itwene mubhanga phala kubokela o athu?

Etu tuboka bhwoso bhutusanga o athu. Twene mu boka ‘nzo ni inzo’ kala kyexile mu bhanga o Jikidistá ku hama ya dyanga. (Ikalakalu 5:42) O ukexilu yu wakuboka wene mu tukwatekesa kusanga mazunda ni mazunda a athu mivu yoso. Kuma o athu kene mukala ku bhata ithangana yoso, twene mu boka we mu ididi mu bhita athu avulu. Ithangana yoso, twene mu sota maukexilu akuzwela ni athu ya lungu ni Jihova ni vondadi yê.

3. Ananyi ala ni kikalakalu kya kuboka o njimbu yambote?

O Jikidistá joso ja kidi, atokala kuboka o njimbu yambote ku akwa. Etu tubhana valolo yavulu mu kikalakalu kyetu. Tubhanga yoso itutena phala kuboka o njimbu yiyi, mukonda twejiya kwila yene itena kubhulula o myenyu ya athu. (Tanga 1 Timote 4:16.) Kene mu tufuta phala kubhanga o kikalakalu kiki, o Bibidya yamba: “Mwa tambula ngoho, bhanenu ngoho.” (Matesu 10:7, 8) Athu oso kaxikina o njimbu yetu, maji etu tusuluka mukonda o kuboka kubhanga mbandu ku ubhezelu wetu, kusangulukisa we Jihova.

DILONGE DINGI

4. Twene mubhanga yoso ni yoso phala kusanga o athu

VIDYU: Kuboka katé “ni ku Maxokololo ma Jixi” (7:33)

• Mu nguzu yene mubhanga o Jimbangi ja Jihova phala kuboka, ihi ya kubhangesa kudiwana dingi?

Tanga Matesu 22:39 ni Loma 10:13-15, mukusuluka bhanga o ibhwidisu ya kayela:

• Kyebhi o kikalakalu kyetu kya kuboka kilondekesa kwila twazolo akwetu?

• Kyebhi Jihova kya divwa ya lungu ni yo aboka o njimbu yambote?—Tala o velusu 15.

5. Twala tujingunza, tukalakala kumoxi phala Nzambi

Misoso yavulu ilondekesa kwila, Jihova mwene wa mu kwendesa o kikalakalu kyetu. Mu kifika, ku ixi ya Nova Zelândia sayi phange a mwixana Phawulu mu kuboka nzo ni inzo mu ngoloxi wasange muhatu. Mu kizuwa kyenyókyo mu kamene, o muhatu wasambe kwa Nzambi, watumbula o dijina dya Nzambi, Jihova, yu wa mu bhingi phala ku mutumikisa muthu phala ku mukunda. Phawulu wambe “Mu kubhita ola jitatu, ngabhixila ku dibhitu dyê.”

Tanga 1 Kolindu 3:9, mukusuluka bhanga o kibhwidisu kya kayela:

• Kyebhi o musoso wabhiti mu ixi ya Nova Zelândia ulondekesa kwila Jihova wa mu kwendesa o kikalakalu kya kuboka?

Tanga Ikalakalu 1:8, mukusuluka bhanga o kibhwidisu kya kayela:

• Mukonda dyahi twa bhindamena o kikwatekesu kya Jihova phala kukumbidila o kikalakalu kyetu kya kuboka?

Eye wakijidile?

Semana joso, twene mutambula milongi mu yônge yetu ya kaxi ka semana phala ku tukwatekesa kuboka. Se wene muya mu yônge yiyi, ihi i ubanza ya lungu ni milongi yiyi?

6. Etu tubelesela o kitumu kya Nzambi kya lungu ni kuboka

Ku hama ya dyanga, o jinguma amesenene kufidisa o akayedi a Jezú kuboka. O Jikidistá ja dyanga azokela o ujitu wâ wa kuboka “Mu kuzokela . . . o njimbu yambote.” (Filipe 1:7) O Jimbangi ja Jihova kyene we kyene mu bhanga lelu.a

VIDYU: Kuzokela o Ujitu wa Kuboka o Njimbu Yambote (2:28)

Tanga Ikalakalu 5:27-42, mukusuluka bhanga o kibhwidisu kya kayela:

• Mukonda dyahi kitwandakweha o kuboka?—Tala o jivelusu 29 38, ni 39.

IHI IWADILONGO

Jezú watumu o akayed’ê kuboka o njimbu yambote ku ifuxi yoso. Jihova wamukwatekesa o mundu wê kubhanga o kikalakalu kiki.

Kubhitulula

• Ananyi amuboka o njimbu yambote ku mundu woso?

• Kyebhi o kikalakalu kyetu kya kuboka kilondekesa kwila twazolo o athu?

• O kwila o kikalakalu kyetu kya kuboka kitusangulukisa? Mukonda dyahi?

TOKWESA DINGI

Tala kyebhi o Jimbangi ja Jihova kyene mu bokela o athu mu jimbanza jamakota.

Kuboka mu Ididi mu Bhita Athu Avulu mu Mbanza ya Paris (5:11)

Kyebhi o Jimbangi ja Jihova kyene mu kwatekesa o athu alenge o ita mu ixi yâ phala kusota kididi kya kondama?

Kukwatekesa o Athu Alenge o Ita Kwijiya Nzambi (5:59)

Ivwa o musoso wamuthu wajimbulula se mukonda dyahi wasanguluka mu kuboka o njimbu yambote.

Ngasanguluka mu Kusola o Kikalakalu Kiki (6:29)

Dilonge dingi ya lungu ni kyebhi o jinguvulu kya batula o maka mu ukexilu ukwatekesa kuboka o njimbu yambote.

“O Aboki a Utuminu a Zokela o Kikalakalu Kiâ” (O Utuminu wa Nzambi wa mu Tumina Kya!, kibatulu 13)

Jezú wambe kwila o Jikidistá abhingi kwa batizala. (Tanga Matesu 28:19, 20.) Kyebhi kya tokala kubatizala o athu? Ihi ya tokala kubhanga o muthu phala kumubatizala?

1. Kyebhi kya tokala kubatizala o athu?

Kyoso Nzwá kya batizala Jezú, mwene wamubondo o mukutu woso mu ngiji ya njolodá, mu kusuluka mwene wa “Zawuka ku menya.” (Máluku 1:9, 10) Kala Jezú, kyoso o Jikidistá jakidi kya a abatizala o mukutu wa woso a ubonda we mu menya.

2. Ihi ilondekesa o muthu kyoso kya mu batizala?

O muthu mu kumubatizala, ulondekesa kwila wabhakula o mwenyu we kwa Jihova Nzambi. O muthu andamubatizala udibhakula kyebhi? O muthu usamba kwa Jihova ande dya kumubatizala, umukanena kwila wandamusidivila ngó mwene kumwenyu we woso. Mwene ukanena kubheza ngó Jihova. Ukanena we kwila o kubhanga o vondadi yê kyene o kima kya beta kota kumwenyu wê. Mwene ufula ‘kudibanza mwène-mwene . . . anga ukayela’ o ilongesu ni phangu ya Jezú. (Matesu 16:24) Mukonda dya ku dibhakula ni kudibatizala o muthu utena kukala ni ukamba wakolo ni Jihova ni athu yó amubheza ngó mwene.

3. Ihi ya tokala kubhanga o muthu phala kudibatizala?

Ande dya kukubatizala kima kyambote kudilonga ya lungu ni Jihova ni kukala ni kixikanu kya kolo kwa mwene. (Tanga Jihebelewu 11:6.) Kyoso ki uya ni kubandekesa o kwijiya ni kukolesa o kixikanu kyé, o henda yé kwa Jihova yandakola dingi. Mu kiki wandamesena kuboka ya lungu ni mwene ni kusota kukala ni wendelu wambote. (2 Timote 4:2; 1 Nzwá 5:3) Kyoso muthu kya sota ‘kwenda kala kyandala Jihova ni kubhanga jinga yoso ya mu wabhela kyambote,’ mwene usola kudibhakula ni kudibatizala.—Kolose 1:9, 10.a

DILONGE DINGI

4. Ihi itutena kudilonga mu ima izwela o Bibidya ya lungu ni batizu ya Jezú?

Tanga Matesu 3:13-17 phala kwijiya dingi ya lungu ni batizu ya Jezú. Mukusuluka bhanga o ibhwidisu ya kayela:

• O kwila Jezú wexile kabwetele kyoso kya mu batizala?

• Kyebhi mwene kya mu batizala? O kwila amumbombo ngó tumenya ku mútwe?

Kyoso kya mu batizala, mwene wamateka kubhanga o kikalakalu kya katunda kya mu tumu Nzambi. Tanga Luka 3:21-23 ni Nzwá 6:38, mukusuluka bhanga o kibhwidisu kya kayela:

• Kyoso Jezú kya mu batizala, kyebhi o kikalakalu kya betele kota kumwenyu wê?

5. Eye utena kukumbidila o mbambe ya kudibatizala

O kixinganeku kya kudibhakula ni kudibatizala nange kitena ku kuthandanganyesa. Kyoso ki uya ni kudilonga dingi ya lungu ni Jihova ni kubelesela o itumu yê, wandakala polondo phala kudibhakula ni kudibatizala. Phala kutala o misoso ya athu abhange kiki, tala OVIDYU.

VIDYU: Kala Udikamba Dya Jihova (1:11)

Tanga Nzwá 17:3 ni Tiyaku 1:5, mukusuluka bhanga o kibhwidisu kya kayela:

• Ihi itena kukwatekesa o muthu kudipelepalala phala kumubatizala?

1. Etu tudibhakula kwa Jihova kyoso kitumukanena kwila, twamesena kumubheza ngó mwene kumwenyu wetu woso

2. Kubatizu tulondekesa ku athu kwila, twabhakula o mwenyu wetu kwa Nzambi

6. Kyoso kya tubatizala tubhanga mbandu kumwiji wa Jihova

Kyoso kya tubatizala, tumateka kubhanga mbandu kumwiji wadizolo kumundu woso. Kabasa ixi mba ijila, etu tuxikina mu kima kimoxi, tubelesela o itumu ya Nzambi. Tanga Jisálamu 25:14 ni 1 Phetele 2:17, mukusuluka bhanga o kibhwidisu kya kayela:

• Kala kitwatange mu jivelusu jiji, mbote yahi ikatula o muthu kyoso kya mu batizala?

IHI IWADILONGO

Jezú walongo kwila o Jikidistá abhingi kwabatizala. Phala kiki ni kibhite, o muthu watokala kukala ni kixikanu kya kolo kwa Jihova, kubelesela o itumu Yê, ni kubhakula o mwenyu wê kwa Mwene.

Kubhitulula

• Kyebhi kya tokala kubatizala o athu?

• Mukonda dyahi o muthu wabhingi mwene kudibatizala?

• Ihi ilondekesa o batizu? Ima yahi ya tokala kubhanga o muthu phala kudibhakula kwa Jihova ni kumubatizala?

TOKWESA DINGI

Dilonge se batizu ihi, tala we se batizu ki ihi.

“O Batizu Ihi?” (Milongi ya jw.org)

Tanga ni umone se ihi ya tokala kubhanga o muthu phala kumubatizala.

“O Henda ni Kisakidilu Kwa Jihova Yanda Kubhangesa Kudibatizala” (O Mulangidi, wa Katanu wa 2020)

Sayi diyala amubatizala. Tanga ni umone se ihi ya mu bhangesa kudibatizala.

“Ene Amesenene Kwila, Ngi Tungununa mu Dyami o Kidi Kya Bibidya” (O Mulangidi, 1 wa Kawana wa 2013)

Dilonge se mukonda dyahi kima kyambote kubhanga nguzu phala kudibatizala.

“O Kwila Ngatokala Kudibatizala?” (Ibhwidisu Yene mu Bhanga o Minzangala—Itambwijilu Ikwatekesa ku Mwenyu, Divulu dya 2, kibatulu 37 mu Phutu)