DISÁ 17

Yebhi o Idifwa ya Jezú?

Edição Impressa

Kyoso kitudilonga o ima ya zwela ni ya bhange Jezú kyoso kyexile mu ixi, twiza mu kwijiya o idifwa yê. O idifwa yiyi ituzukamesa dingi kwa Tat’ê Jihova. Yebhi o idifwa yiyi? Kyebhi kitutena kukayela o idifwa ya Jezú kumwenyu wetu?

1. Jezú wadifu ni Tat’ê mu ukexilu webhi?

Jezú wexile ni Tat’ê ya henda kudyulu mu mivu yavulu, wadilongo ima yavulu ni mwene. Mukonda dya kiki, Jezú uxinganeka, udivwa, ubhanga o ima kala Jihova. (Tanga Nzwá 5:19.) Mu kidi, mukonda dya Jezú kukayela kyambote o idifwa ya Tat’ê mwene wambe: “Woso wa ngi mono eme, wamono we Tata.” (Nzwá 14:9) Kyoso ki uya ni kudilonga o idifwa ya Jezú, wandakwijiya dingi o idifwa ya Jihova. Mu kifika, kudilonga kyebhi Jezú kyexile mu suwa o athu, kulondekesa kwila Jihova wakuzolo kyavulu.

2. Kyebhi Jezú kya londekesa kwila wazolo Jihova?

Jezú wambe: “Phala o mundu u ijiye kuma eme nga zola Tata, o kyoso kya ngi tumu mwène, Eme kyene ki ngi bhanga.” (Nzwá 14:31) Kyoso kyexile mu ixi, Jezú walondekesa kwila wazolele kyavulu Tat’ê mu kumubelesela ne mwene mu ithangana ya bhonzo. Ku mbandu yengi, Jezú wazolele kuzwela ya lungu ni Tat’ê, ni kukwatekesa akwa kukituka makamba a Nzambi.—Nzwá 14:23.

3. Kyebhi Jezú kya londekesa kwila wazolo o athu?

O Bibidya yamba kwila Jezú wawabhele kukala “mu’axaxi ka an’a athu.” (Jisabhu 8:31) Mwene walondekesa o henda yiyi, mu kuswinisa ni kukwatekesa o athu. O madiwanu abhange, alondekesa o kutena kwê ni henda yexile nayu ku athu. (Máluku 1:40-42) Mwene kalondekesa katombo, wa atalatala mu ukexilu umoxi. O izwelu yê ya swinisa, ya bhana kidyelelu kwa yó afwamena kutambula o mwenyu. Jezú wexile polondo phala kutala hadi ni kufwa mukonda wazolele o athu. Maji mwene wazolo dingi o athu a belesela o milongi yê.—Tanga Nzwá 15:13, 14.

DILONGE DINGI

Dilonge dingi ya lungu ni idifwa ya Jezú. Dilonge we kyebhi ki utena kulondekesa henda ni ukexilu wakubhana kala kya bhange mwene.

4. Jezú wazolo Tat’ê

O phangu ya Jezú itulonga kyebhi kitutena kulondekesa kwila, twazolo Nzambi. Tanga Luka 6:12 ni Nzwá 15:10; 17:26. mukusuluka bhanga o kibhwidisu kya kayela:

Kyebhi kitutena kukayela o phangu ya Jezú, ni kulondekesa kwila twazolo Jihova?

Jezú wamusamba. — Jezú wazolele kyavulu Tat’ê, ithangana yoso wexile muzwela nê mu musambu

5. Jezú wene mu kwatekesa o athu abhindama

Jezú wexile mu thandanganya dingi ni ibhindamu ya akwa o yemwene ndenge. Né mwene mu kithangana kya kubhwila, mwene wexile mu kwatekesa akwa. Tanga Máluku 6:30-44, mukusuluka bhanga o ibhwidisu ya kayela:

Mu maukexilu ebhi Jezú walondekesa kwila, wexile musuwa o athu?—Tala o velusu 31, 34, 41, ni 42.
Mukonda dyahi Jezú wamesenene kukwatekesa o athu?—Tala o velusu 34.
Jezú ukayela o idifwa ya Tat’ê. Kiki kitulonga ihi ya lungu ni Jihova?
Mu maukexilu ebhi ututena kukayela o phangu ya Jezú ya lungu ni kusuwa o athu?

Jezú ubhanga madiwanu phala kubhana kudya ku athu avulu, mwene wabhangesa o mbolo jitanu ni mbiji jiyadi kukituka kudya kwavulu. O maxibulu amubhana o kudya ku mayala, ahatu ni anandenge.

6. Jezú mukwa kubhana

Sumbala Jezú kexile ni ima yavulu, wexile mu wana ni akwa o ima yexile nayu, mwene ututendelesa we kubhanga kiki. Tanga Ikalakalu 20:35, mukusuluka bhanga o kibhwidisu kya kayela:

Kala kilondekesa o izwelu ya Jezú, ihi itena kutusangulukisa?

Tala OVIDYU, mukusuluka bhanga o kibhwidisu kya kayela.

VIDYU: “O Kubhana Kota mu Kuzediwisa o Kutambula Ndenge”—Mbandu ya vidyu (4:00)

Né mwene se kitwala ni ima yavulu, kyebhi kitutena kulondekesa o ukexilu wakubhana?

Eye wakijidile?

O Bibidya itulonga kusamba kwa Jihova mu dijina dya Jezú. (Tanga Nzwá 16:23, 24.) Kyoso kitubhanga kiki, tulondekesa kwila tubhana valolo mu ima ya bhange Jezú phala tukale makamba a Jihova.

ATHU AVULU AMBA: “Nzambi umona o hadi ya mutala o athu, maji kabhange kima.”