-
Eye Wala Polondo Phala Kukubatizala?Sanguluka Katé Kuhádya ni Hádya!—Mbote Ijila Mukudilonga o Bibidya
-
-
3. Mukonda dyahi kubhingi kukala ni wôma wa kudibatizala?
Amoxi akala ni wôma wa kukamba kukumbidila o ima ya kanena kwa Jihova. Mukidi, sayi ithangana eye wandalweza. Sayi mayala ni ahatu o tumbule mu Bibidya alweza we. Maji lembalala kwila, Jihova kakingila kuyuka ku jiselevende jê. (Tanga Jisálamu 103:13, 14.) Mu kubhanga yoso i utena mwene usanguluka! Mwene wanda kukwatekesa. Mukidi, Jihova utudyelelesa kwila seku kima “ki tena ku tu batukisa ku henda [yê].”—Tanga Loma 8:38, 39.
-
-
Eye Utena Kukolokota mu Ufiyele né Mwene Kyoso o Athu Kya KuzukutisaSanguluka Katé Kuhádya ni Hádya!—Mbote Ijila Mukudilonga o Bibidya
-
-
O Jikidistá joso andadibhana ni ibhidi mba izukutisu kikale kindala mba kuhádya? O kwila kiki kitukwatesa woma?
1. Mukonda dyahi tutena kukingila ku tuzukutisa?
O Bibidya izwela ni kidi kyoso: “Ene oso kyá a sola kwenda mu ukidistá kala ki andala Nzambi mwa Kidistu Jezú, andú tala hadi ni kwa zukutisa.” (2 Timote 3:12) Jezú a mu zukutisa mukonda dya kudituna kubhanga mbandu ya mundu wa Satanaji. Etu we kitubhange mbandu ya mundu. Mukonda dya kiki, kitwene mudiwana kyoso kya tuzukutisa ku jinguvulu mba ku jingeleja ja mundu yú.—Nzwá 15:18, 19.
2. Kyebhi kitutena kudipelepalala phala kudibhana ni izukutisu?
Twabhingi kukolesa o kidyelelu kyetu kwa Jihova kindala. Katula kithangana izuwa yoso phala kusamba ni kutanga o Mak’â Nzambi. Ndé mu yônge semana joso. Ima yoso yiyi, yanda kubhana nguzu iwabhindamena phala kudibhana ni kizukutisu kyoso kyoso ki moneka, né mwene se o athu a mu kuzukutisa atokala ku mwiji wé. Poxolo Phawulu a mu zukutisa kyavulu, mwene wambe: ‘Jihova mwene o mukwatekexi wami, kinganda kala ni wôma.’—Jihebelewu 13:6.
O kima kyamukwa ki bandekesa o kuswina kwetu o kuboka ithangana yoso. O kuboka kutukwatekesa kubandekesa o kidyelelu kyetu kwa Jihova, kutukwatekesa we kutolola o woma wa muthu. (Jisabhu 29:25) Se tuswina kindala mu kuboka, twanda kala polondo phala kusuluka ni kuboka né mwene kyoso o jinguvulu kya fidisa o kikalakalu kyetu.—1 Tesalonika 2:2.
3. Mu ukexilu webhi o kukolokota mu izukutisu kutukwatekesa?
Mu kidi, seku muthu mudyetu wa wabhela ku mu zukutisa. Maji kyoso kitukolokota o kixikanu kyetu kikola dingi. Tuzukama dingi kwa Jihova mukonda tumona ni mesu metu o nguzu itubhana mwene kyoso kitubanza kwila ki twanda tena dingi. (Tanga Tiyaku 1:2-4.) O muxima wa Jihova uxixima kyoso kya tumona kwila twamutala hadi. O Bibidya yamba: ‘Se mukolokota mu ibhidi mukonda dya kubhanga o mbote, kiki kisangulukisa Nzambi.’ (1 Phetele 2:20) Jihova ukanena mwenyu wakalelaku ku mundu kwakambe izukutisu ku athu oso akolokota kate ku dizubhilu.—Matesu 24:13.
DILONGE DINGI
Tala se mukonda dyahi tutena kukala fiyele kwa Jihova sumbala ni izukutisu. Tala we o mabesá ejila mu kubhanga kiki.
4. Eye utena kukolokota né mwene se a mu kuzukutisa kumwiji
Jezú wejidile kyambote kwila, kumwiji ko athu oso eji mesena kwila tusidivila Jihova. Tanga Matesu 10:34-36, mukusuluka bhanga o kibhwidisu kya kayela:
Ihi itena kubhita kumwiji, se bhukala muthu usola kusidivila Jihova?
Phala kumona phangu imoxi, tala OVIDYU, mukusuluka bhanga o kibhwidisu kya kayela.
Ihi iweji bhanga se sayi ndandu mba dikamba ka mesena kwila eye ubheza Jihova?
Tanga Jisálamu 27:10 ni Máluku 10:29, 30. Kyoso ki mwanda zubha kutanga kala kibatulu bhanga o kibhwidisu kya kayela:
Kyebhi o kikanenu kiki kitena kukukwatekesa kyoso ki udibhana ni kizukutisu kumwiji mba kya makamba?
5. Kolokota mu kusidivila Jihova né mwene ni izukutisu
Kubhinga kuswina phala kusidivila Jihova se akwetu asota ku tufidisa kubhanga kiki. Tala OVIDYU, mukusuluka bhanga o ibhwidisu ya kayela.
Kyebhi o misoso itwevu mu vidyu yiyi ya kolesa o kixikanu kyé?
Tanga Ikalakalu 5:27-29 ni Jihebelewu 10:24, 25. Kyoso ki mwanda zubha kutanga kala kibatulu bhanga o kibhwidisu kya kayela:
Mukonda dyahi kima kyambote kusuluka ni kubheza Jihova né mwene se afidisa o yônge yetu ni kikalakalu kyetu kya kuboka?
6. Jihova wanda kukwatekesa kukolokota
Jimbangi ja Jihova a itala ni ijila ki idifu amusuluka ni kusidivila Jihova ni ufiyele woso, sumbala ni izukutisu. Phala kumona ihi ya akwatekesa, tala OVIDYU. Mukusuluka bhanga o kibhwidisu kya kayela.
Mu vidyu, ihi yakwatekesa o jiphange jojo kukolokota?
Tanga Loma 8:35, 37-39 ni 2 Kolindu 4:7. Kyoso ki mwanda zubha kutanga kala kibatulu bhanga o kibhwidisu kya kayela:
Kyebhi o jivelusu jiji jikolesa o kidyelelu kyé kya kwila utena kudibhana kyambote ni jitendasá?
Tanga Matesu 5:10-12, mukusuluka bhanga o kibhwidisu kya kayela:
Mukonda dyahi utena kusanguluka né mwene ni izukutisu?
Mazunda a jiselevende ja Jihova atena kutolola o izukutisu. Eye we utena!
ATHU AVULU AMBA: “Eme ki ngeji tena kudibhana ni izukutisu.”
Jivelusu jebhi jeji kwatekesa o muthu yú kukala ni kuswina?
IHI IWADILONGO
Jihova ubhana valolo yadikota mu nguzu itubhanga phala ku musidivila né mwene ni izukutisu. Ni kikwatekesu kyê, tutena kukolokota!
Kubhitulula
Mukonda dyahi o Jikidistá atena kukingila kwa zukutisa?
Ihi i utena kubhanga kindala phala kudibhana kyambote ni izukutisu kuhádya?
Ihi itena ku kukwatekesa kukala ni kidyelelu kya kwila utena kusidivila Jihova né mwene ni izukutisu?
TOKWESA DINGI
Tala kyebhi Jihova kya kwatekesa phange kukolokota, kyoso kyamute mu kaleya mukonda dya kudituna kuya mu usoladi.
Tala ihi ya kwatekesa dikaza kusidivila Jihova ni ufiyele woso mu mivu yavulu sumbala ni izukutisu.
Tala kyebhi ki utena kuswina mu kudibhana ni izukutisu.
“Dipelepalale Kindala Phala o Izukutisu” (O Mulangidi, wa Kavwa wa 2019)
Tala se mukonda dyahi kitubhingi kudiwana se atuzukutisa ku mwiji. Tala we kyebhi ki tutena kukala ni kutululuka, kukala fiyele kwa Jihova né mwene ni izukutisu?
“O Kidi Kia Mak’â Nzambi ki ki ‘Bheka Paze, Maji Xibhata’” (O Mulangidi, wa Kamusasadi wa 2017)
-