Phaulu ka banzele kuila o ia xikinine o jikidistá ja mukuá, iexile makutu. Muéne ua kijidile kuila Jezú a mu fukunuine muene mu’alunga, iu ua zuelela akuâ Kolindo, ‘Kuila Kristu ua fuile mukonda dia ituxi ietu kala kia ki soneka mu Mikanda Ikôla. Kuma Muène a mu fundile, mu kizuua kia katatu anga u fukunuka kala kia ki soneka mu Mikanda; anga u dianga kutukulukila Phetele, hé u tukulukila kiua o kuinhi ni kiiadi.’b Phaulu ua suluka: “Lua katatu u tukulukila hama jitanu ja axikani bhua-moxi. Ku en’ió, ala-ku kota, ala hanji ni muenhu, suke amoxi-ku-phe afu ue kiá. Uana, ua tukulukila Tiiaku, o tanu, u tukulukila jipoxolo joso. Kiabhu ene oso, nga sukidila-ku eme.”—1 Kolindu 15:3-8.