-
Kyebhi Kitutena Kusola Kyambote o Ima ku Mwenyu Wetu?Sanguluka Katé Kuhádya ni Hádya!—Mbote Ijila Mukudilonga o Bibidya
-
-
5. Xila o kitongolwelu kya akwenu
O athu kadifu, mukiki atena kusola ima ki idifu. Kyenyiki, kyebhi kitutena kulondekesa kwila twamuxila o kitongolwelu kya akwetu? Tala ifika iyadi:
Kifika kya 1: Phange yamuhatu wawabhela kubatula o ndemba, uya mu kilunga kyengi mwala jiphage jamukwa ja ahatu adivwa kyayibha mu kumona phange yamuhatu wabatula o ndemba.
Tanga Loma 15:1 ni 1 Kolindu 10:23, 24, mukusuluka bhanga o ibhwidisu ya kayela:
Kala kitwatange mu jivelusu jiji, kyebhi o kima kyatokala kubhanga o phange mwenyu? Kyebhi ki utena kukumbidila o jivelusu jiji se ukala ni muthu uxinganeka kwila, o kima kiwamubhanga kyayibha maji phala o kitongolwelu kyé kikima kyayibha?
Kifika kya 2: Phange yadiyala wejiya kwila o Bibidya kiyamba kwila kituxi o kunwa, maji né kiki udituna kunwa uhôlwa. Mwene amwixana phala kujandala kudibhata dya phange yamukwa. Mu jandale yiyi mwene umona kwila athu amukwa amunwa.
Tanga Ndongixi 7:16 ni Loma 14:1, 10. Mukusuluka bhanga o ibhwidisu ya kayela:
Kala kitwatange mu jivelusu jiji, kyebhi o kima kyatokala kubhanga o phange mwenyu? Kyebhi kiweji kumbidila o jivelusu jiji, se udilunga ni muthu ubhanga kima kithandanganyesa o kilunji kyé?
Ihi iwabhingi o kubhanga phala kusola o ima yambote?
1. Bhinga kikwatekesu kya Jihova bhukaxi kamusambu kyoso kiwandasola kubhanga kima.—Tiyaku 1:5.
2. Tokwesa mu Bibidya ni mu madivulu metu phala kusanga kitumu kyanda kukwatekesa. Utena we kuzwela ni Jikidistá jakulu mu nzumbi.
3. Banza we se o kima kiwandasola kyandafunyisa o kitongolwelu kyé ni kya akwenu.
-
-
Kyebhi ki Utena Kukala ni Mwiji Wasanguluka?—Mbandu ya 1Sanguluka Katé Kuhádya ni Hádya!—Mbote Ijila Mukudilonga o Bibidya
-
-
6. Enu mutena kuditunda kyambote mukudibhana ni maka mu ukaza
Seku ukaza wayuka. Mukonda dyakiki, o makaza abhingi kukalakala kumoxi phala kutolola o ibhidi imoneka mu ukaza. Tala OVIDYU, mukusuluka bhanga o ibhwidisu ya kayela.
Mu vidyu, ihi ilondekesa kwila o dikaza dyexile mudisandula kwa Jihova?
Ihi yabhange ene phala kukolesa o ukaza wâ?
Tanga 1 Kolindu 10:24 ni Kolose 3:13. Kyoso kimwandatanga kala velusu, bhanga o kibhwidisu kya kayela:
Kyebhi o kukumbidila o itendelesu yiyi itena kukolesa o ukaza?
O Bibidya yamba kwila, twatokala kudixila mudyetu. O kuxila kwalungu ni kutalatala o muthu ni henda. Tanga Loma 12:10, mukusuluka bhanga o kibhwidisu kya kayela:
O kwila o munumi mba o muhatu wandalondekesa ngó kuxila se o mukwa mwene utwama kukibhanga? Mukonda dyahi uzwela kiki?
-
-
Mukonda Dyahi Kima Kyambote Kuxinganeka mu Ukexilu Wetu Wakuzwata?Sanguluka Katé Kuhádya ni Hádya!—Mbote Ijila Mukudilonga o Bibidya
-
-
Kala muthu mudyetu wala ni ukexilu we wakuzwata. Maji kwene itumu yavulu mu Bibidya itena kutukwatekesa kusola o izwatu i twa wabhela sé kuluwalesa Jihova. Tumone o itumu yiyi.
1. Itumu yebhi itena kutukwatekesa kusola o ukexilu wakuzwata ni kudiyudika?
Kuma tu jiselevende ja Jihova twabhingi kukala ni kifwa kyambote, kuzwata mu ukexilu ‘wafwama, ni kuxila kwoso ni kilunji.’ Kyenyiki tulondekesa kwila ‘tuxila Nzambi.’ (1 Timote 2:9, 10) Tala o itumu iwana yiyi: (1) O izwatu yetu yatokala ifwama. Eye nange wamono kya kwila, mu yônge yetu o mundu wa Jihova wene muzwata mu maukexilu kadifu. Maji o izwatu ni ukexilu wakuyudika o ndemba ulondekesa kwila twamuxila o Nzambi yetu Jihova. (2) O izwatu yetu yatokala kulondekesa kuxila, kifwa ki itokala kulondekesa o mukutu mba kubhangesa akwetu kudibhukana. (3) Tulondekesa kwila twala ni kilunji kyoso kitudituna kukayela o ukexilu wakuzwata wa athu ku mundu. (4) O kifwa kyetu kyatokala kulondekesa kwila twa muximanesa Nzambi, mu ku ijidisa akwetu kwila, twamubheza o Nzambi yakidi.—1 Kolindu 10:31.
2. O ukexilu wetu wakuzwata utena kufunyisa kyebhi o jiphange jetu?
Mu kidi, tutena kusola o izwatu itwamesena, maji twatokala kuxinganeka kyebhi o ukexilu wetu wakuzwata wandafunyisa akwetu. Tubhanga yoso itutena phala kitubhangese muthu kudivwa kyayibha. Muveji dyakiki twamesena ‘kusangulukisa mukwetu ni ku mu bhangela o mbote, phala ku mu swinisa.’—Tanga Loma 15:1, 2.
3. Kyebhi o ukexilu wetu wakuzwata utena kubhana umbangi wambote walungu ni Jihova?
Twamesena kudiyudika kyambote mu ithangana yoso, maji benge benge kyoso kituya mu yônge ni mu kuboka. Kitumesena kwila o izwatu yetu ibhana umbangi wayibha ni kubhangesa o athu kukamba kubhana matwí mu njimbu i twa mu atudila. Muveji dyakiki, twamesena kuzwata mu ukexilu ‘ufwamesa o ulongelu wa Nzambi, Mubhuludi wetu’, ni kubhangesa o athu kudilonga dingi ya lungu ni Jihova.—Titu 2:10.
DILONGE DINGI
Tala kyebhi o ukexilu wetu wakuzwata ni kudiyudika utena kukwatekesa o athu kutumona kwila, tu Jikidistá jakidi.
O ukexilu wetu wakuzwata utena kulondekesa se twamuxila mba kana yó ala ni maungana. Kyene we kimoxi, o ukexilu wetu wakuzwata watokala kulondekesa kwila twamuxila Jihova, ne mwene se wejiya kya yala kumuxima wet
4. Kyoso kitukala ni kifwa kyambote, tulondekesa kwila twamuxila Jihova
Kyebhi o kima kyabeta kota kitubhangesa kukala ni ukexilu wambote wakuzwata? Tanga Jisálamu 47:2, mukusuluka bhanga o ibhwidisu ya kayela:
Etu tu akunji a Jihova. Kiki kifunyisa kyebhi o ukexilu wetu wakuzwata?
O kwila twabhingi mwene kuxinganeka mu ukexilu wetu wakuzwata kyoso kitwamuya mu yônge ni kyoso kituya muboka? Mukonda dyahi?
5. Kyebhi kitutena kusola kyambote mumaka alungu ni kuzwata ni kudiyudika kyambote?
O izwatu yetu ki ibhingi kuta kitadi kyavulu, maji yabhingi izela ni ku izwata mu kithangana kyatokala. Tanga 1 Kolindu 10:24 ni 1 Timote 2:9, 10. Mukusuluka zwelenu se mukonda dyahi kitutokala kuta izwatu . . .
ki yazele mba ki ifwama.
Inaminina ku mukutu mba ilondekesa o mukutu.
Mu ukulu, Jihova wabhanene itumu yavulu ku mundu wê bhukaxi ka Mozé. Lelu, o Jikidistá kabhingi dingi kukayela o itumu yiyi, maji yene itulonga ima yavulu ya lungu ni ihi ibanza Jihova. Tanga Matendelelu 22:5, mukusuluka bhanga o kibhwidisu kya kayela:
Mukonda dyahi kitutokala kuzwata mba kuyudika o ndemba mu ukexilu ubhangesa o diyala kudifwangana ni muhatu mba muhatu kudifwangana ni diyala?
Tanga 1 Kolindu 10:32, 33 ni 1 Nzwá 2:15, 16, mukusuluka bhanga o ibhwidisu ya kayela:
Mukonda dyahi kima kyambote kudibhwidisa: o kwila o kifwa kyami kyeji bhangesa muthu mu kilunga mba mu dyembu mu ngatungu ku ngixinganeka kyayibha?
Mu dyembu mu watungu, o athu ene muzwata mu ukexilu webhi?
Mudyé, o kwila kyeji fwama o kidistá kuzwata mu ukexilu yú? Mukonda dyahi?
Tutena kuzwata ni kudiyudika mu maukexilu avulu, maji ne kiki, atena kusangulukisa Jihova
ATHU AVULU AMBA: “Eme ngala ni ufolo wakuzwata yoso ingamesena.”
Eye uxikina mu izwelu yiyi? Mukonda dyahi?
IHI IWADILONGO
Kyoso kitusola kyambote mumaka alungu ni ukexilu wetu wakuzwata, tulondekesa kwila twamuxila Jihova ni akwetu.
Kubhitulula
Mukonda dyahi o ukexilu wetu wakuzwata ni kudiyudika wala ni valolo phala Jihova?
Itumu yebhi itena kutukwatekesa kusola o ukexilu wetu wakuzwata ni kudiyudika?
Kyebhi o ukexilu wetu wakuzwata utena kubhana umbangi wambote walungu ni Jihova?
TOKWESA DINGI
Tala se o izwatu yé ilombolola ihi ya lungu neye.
“O Izwatu yê Ilombolola Ihi ya Lungu neye?” (Milongi ya jw.org)
Tala se mukonda dyahi kima kyambote kuxinganeka ande dya kubhanga jitatuwaji.
“Ihi Yamba o Bibidya ya Lungu ni Jitatuwaji?” (Milongi ya jw.org)
Tala o itumu yamukwa itena kukukwatekesa kusola o izwatu yé.
“O Kuila o Ukexilu ué ua Kuzuata, u Bhana Kijingu Kua Nzambi?” (O Mulangidi, wa Katutu wa 2016)
Tala kyebhi muhatu kyadilongo kuxikina o ukexilu wa athu wakuzwata?
-