DISÁ 56
Kwatekesa o Kilunga Kukala ni Kutululuka
Kyoso kitukala kumoxi ni jiphange jetu, tudivwa kala kyadivu Sobha Davidi: “Kima kya fwama, kya di wabhela kyambote, ki u sanga jiphange a takana mu muxima umoxi!” (Jisálamu 133:1) Maji o kutululuka kwetu kikwiza mu kingoho. Kala muthu mudyetu wabhingi kubhanga o mbandu yê.
1. Ihi ikubhangesa kudiwana ku mundu wa Nzambi?
Se utala o kyônge mu ixi yengi, wandamona kwila né mwene se kiwamutendela o dimi, wandadivwa kala wala kubhata. Mukonda dyahi? Mukonda ku mundu woso tudilonga o Bibidya bhukaxi kamadivulu amoxi. Tubhanga we nguzu phala kudilondekesa o henda mudyetu. Kabasa ixi mu twatungu, etwenyoso twene mu jingisa “o dijina dya Jihova, phala ene oso a mu bhikile ni muxima umoxi.”—Sofoniya 3:9, tala o nota.
2. Ihi i utena o kubhanga phala kukwatekesa o kilunga kukala ni muxima umoxi?
“Di zodyenu phe mudyenu ni muxima wa fulujuka.” (1 Phetele 1:22) Kyebhi ki utena kukumbidila o kitendelesu kiki ku mwenyu wé? Kana kudikwatenena mu itondalu ya akwenu, muveji dya kiki dikwatenene mu idifwa yâ yambote. Muveji dya kubhanga ngó makamba ni yó awabhela o ima iwawabhela we, fikisa kubhanga makamba ni athu akamukwa. Kumbandu yamukwa, se twala ni katombo tutena kubhanga nguzu phala kukatolola.—Tanga 1 Phetele 2:17.a
3. Ihi i utena o kubhanga se wala ni maka ni phange?
Etu twala ni muxima umoxi, maji tu akwa ituxi. Sayi ithangana, twandabhanga ima iluwalesa akwetu. Mukonda dya kiki o Bibidya itutangela: “Mu di lendukile . . . mu di loloka.” Yene yamba we: “Kala kyoso Nzambi kya mi loloka enu, kyene we ki mu bhanga jinga.” (Tanga Kolose 3:13.) Twene muluwalesa kyavulu Jihova, maji né kiki mwene utuloloka. Mukiki mwene wamesena kwila, tuloloka we o jiphange jetu. Se umona kwila waluwalesa muthu, sota kubatula o maka ni lusolo.—Tanga Matesu 5:23, 24.b
DILONGE DINGI
Ihi i utena o kubhanga phala kukwatekesa o kilunga kukala ni muxima umoxi.
hi iwandabhanga phala kukwatekesa o kilunga kukala ni kutululuka?
4. Tolola o katombo
Twamesena kuzola o jiphange joso. Maji nange kutena kutubhonza kuzola muthu kala ni idifwa kala o yetu. Ihi itena kutukwatekesa? Tanga Ikalakalu 10:34, 35, mukusuluka bhanga o ibhwidisu ya kayela:
Jihova kimukwa katombo, muthu woso utena ku mubheza. Kyebhi ki utena kukayela o phangu yê mu ukexilu wakutalatala yó kala ni kikonda kya difu neye mba atokala mu ididi yengi?
Maukexilu ebhi akulondekesa o katombo uwene mumona dingi mu dyembu mu watungu? Mukonda dyahi wamesena kutolola o maukexilu yá?
Tanga 2 Kolindu 6:11-13, mukusuluka bhanga okibhwidisu kya kayela:
HKyebhi ki utena kubhanga ukamba ni jiphange a ikonda ki idifu neye mba atokala mu ididi yengi?
5. Loloka ni muxima woso, batula o maka ni lusolo
Jihova uloloka ni muxima woso, sumbala kitubhingi ku muloloka. Tanga Jisálamu 86:5, mukusuluka bhanga o ibhwidisu ya kayela:
Ihi itwadilongo mu velusu yiyi ya lungu ni muloloki wa Jihova?
O kwila wasanguluka mukonda dya Jihova kukuloloka? Mukonda dyahi?
Twamesena kudibhana kyambote ni athu oso. Ima yebhi itena kutufidisa kubhanga kiki?
Kyebhi kitutena kukayela o phangu ya Jihova ni kukala ni muxima umoxi ni jiphange jetu? Tanga Jisabhu 19:11, mukusuluka bhanga o kibhwidisu kya kayela:
Kyoso o muthu kya kuzwela mba ukubhanga kima kikuluwalesa, ihi iwatokala o kubhanga phala kubatula o maka?
Sayi ithangana tuluwala ni akwetu. Se kiki kibhita ihi itwatokala o kubhanga? Tala OVIDYU, mukusuluka bhanga o ibhwidisu ya kayela.
Mu vidyu, kyebhi o phange kyabatula o maka ni mukwa?
6. Dikwatenene mu idifwa yambote ya jiphange
Kyoso kituzukama dingi ku jiphange jetu, twijiya kyambote o idifwa yâ ni itondalu yâ. Kyebhi kitutena kudikwatenena mu idifwa yâ yambote? Tala OVIDYU, mukusuluka bhanga o ibhwidisu ya kayela.
Ihi itena ku kukwatekesa kutala o idifwa yambote ya jiphange?
Jihova udikwatenena mu idifwa yetu yambote. Tanga 2 Malunda 16:9a, mukusuluka bhanga o kibhwidisu kya kayela:
Jihova udikwatenena mu idifwa yé yambote. Kyebhi ki udivwa mukwijiya o kidi kiki?
O nela yobhange ni ulu né se yokulu kya, yala hanji ni valolo. Kyene we kimoxi ni jiphange jetu, sumbala akwa ituxi, maji ala ni valolo yadikota kupholo ya Jihova
ATHU AVULU AMBA: “Se ngiloloka o muthu ni lusolo, mwene kandakwijiya kyebhi kingamudivwa.”
Mukonda dyahi twatokala kuloloka akwetu?
IHI IWADILONGO
Eye utena kukwatekesa o kilunga kukala ni muxima umoxi, mukuloloka ni kulondekesa o henda ku jiphange joso.
Kubhitulula
Kyebhi ki utena kutolola o katombo?
Ihi i utena o kubhanga se wala ni maka ni phange?
O kwila wamesena kukayela o phangu ya Jihova ya kuloloka akwenu? Mukonda dyahi?
TOKWESA DINGI
Tala kyebhi o kifika kyate Jezú kitukwatekesa phala kitufundise akwetu.
O kwila twabhingi kubhinga muloloki né mwene se twejiya kwila kitwabhange kima kyayibha?
“Kubhinga o Muloloki—Ukexilu Wambote Wakubatula o Maka” (O Mulangidi, 1 wa Kamoxi wa 2002 mu Phutu)
Tala kyebhi amoxi kyadilongo kudibhana kyambote ni akwâ sé katombo.
Tala kyebhi ki utena kubatula maka ni phange phala ki uzange o kutululuka mu kilunga.
“Sotenu Kubatula o Maka ni Henda” (O Mulangidi, wa Kasambwadi wa 2016)
a O henda ibhangesa we o Jikidistá kusuwa akwá mu maka alungu ni sawidi, ni kudilanga phala kasambukile mawuhaji ku akwá. Phala kwijiya dingi tala Kibandekesu kya 6.
b Kibandekesu kya 7 kyandazwela kyebhi kitutena kubatula o maka alungu ni kuta wenji ni maka alungu ni kufundisa, amoneka bhukaxi ka jiphange.