“O Dízui Dia Nzambi Diala Muenhu ni Kutena”

20. Maukexilu ahi a iiadi, a jimbulula o kizuelu mu divulu dia Jihebeleu 4:12? (Tala ku luiji.)

²⁰ Kioso kia soneka Phaulu kuila, “o dízui dia Nzambi diala muenhu,” muéne ka kexile mu zuela o Mak’â Nzambi ala mu Bibidia.c O izuelu ia dianga ilondekesa kuila muéne ua kexile mu zuela o ikanenu ia Nzambi. Phaulu ua londekesa kuila Nzambi, kene mu jimba ku kumbidila o ikanenu ia bhanga. Jihova uambela o polofeta Izaia: “[Dízui diami] . . . ki dia ka vutuka dia hatu ko kuami maji . . . kioso ki nga ki tumikixina kiene ki bhita.” (Iza. 55:11, NW) Mukonda dia kiki, ki tua tokala ku luuala se o ima ki ia mu bhita kála ki tua kingila. Jihova “ua mu kalakala katé kindala,” phala ku kumbidila kiambote o kikanenu kiê.—Nzu. 5:17.

21. Kiebhi o divulu dia Jihebeleu 4:12, di tena ku suínisa o jiselevende ja fiiele, a tokala ku “mundu uavulu?”

²¹ O jiselevende ja fiiele ja Nzambi a kuka kiá, a tokala ku “mundu uavulu,” ene mu sidivila kiá Jihova thembu iavulu. (Dij. 7:9) Athu avulu ejiia kuila ka-nda kuka ku mundu iú. Maji né kiki, kene mu luuala. (Jisá. 92:14) Ene ejiia kuila, o ikanenu iala mu Mak’â Nzambi, ia-nda dikumbidila muéne, ni kuila Jihova ua mu kalakala phala ku kumbidila o kikanenu kiê. O mak’â Nzambi, ene mu tula ku muxima uetu, muéne u sanguluka kiavulu kioso ki tu kolokota ku kumbidila o itumu iê. Mu kizuua kiki kia kasambuadi, Jihova ua mu nhoha, mu kuijiia kuila o kikanenu kiê, kia-nda di kumbidila, o mundu uê uoso ua-nda mu kuatekesa. Ihi i ua-nda bhanga? O kuila ua bokona kiá mu dinhohenu dia Nzambi?