O Kuila ua mu di Longa Ioso i u Tena ia Lungu ni Jihova?
1. Kiebhi Jihova kia divua ia lungu ni ku longa?
1 Jihova o ‘Mulongexi uetu ua Dikota,’ ua mesena kuila tu di longa. (Iza. 30:20) Muéne ua mateka ku longa, kioso kia bhange o mon’ê phande kumbi. (Nzuá 8:28) Kioso Adá mu ku bhukumukina, Jihova ka palala ku longa, maji muéne ni henda ioso ua bhana kitendelesu ku athu a ituxi.—Iza. 48:17, 18; 2 Tim. 3:14, 15
2. Kikalakalu kiebhi kia ku longa kia mu bhita kindala?
2 Lelu, Jihova ua mu kuendesa o kikalakalu kia beta-kota kia ku longa ku mundu. Kala kio soneke ku Izaia, mazunda ni mazunda ku mundu a mu banda ‘ku mulundu ua dibhata dia Jihova.’ (Iz 2:2) Mukonda diahi a banda-mu? Phala kua longa mu jinjila ja Nzambi, kiene, ene mu a longa kua Jihova! (Iz 2:3) Ku muvu ua 2010, o Jimbangi ja Jihova a bhange 1,6 a mazunda ni mazunda a ji ola, mu ku bhana umbangi, ni ku longa o kidi kia Bibidia ku athu. Mu ku bandekesa-ku, kala semana, a bhana milongi ia nzumbi mu 105.000 ia ilunga ndenge ku mundu uoso, ni madivulu a a bhanga ku kimbadi kia fiiele, mu 500 ja madimi ndenge.
3. Kiebhi ki uene mu katula mbote mu milongi i bhana Jihova?
3 Katula Mbote: Tuene mu katula mbote iavulu mu milongi ia Nzambi! Tuene mu di longa kuila Nzambi uala ni dijina, ni u tu suua. (Jis 83:18; 1Ph 5:6, 7) Tuene mu di longa o itambuijilu ia ibhuidisu ia beta-kota ku muenhu—Mukonda diahi athu ene mu tala hadi, ni kufuá? Kiebhi ki ngi tena ku sanga o ku zediua kua kidi? Mukonda diahi tuala ku muenhu? Jihova uene mu tu bhana ué kitendelesu kia lungu ni ukexilu, u ‘bhanduluka o uendelu uetu.’—Jos 1:8.
4. Iebhi o ithangana ia nzumbi phala o jiselevende ja Nzambi, ni mukonda diahi tua tokala ku di longa ioso i tu tena ia lungu ni Jihova?
4 Jihova ué, u bhana milongi ia katunda phala ku kuatekesa o jiselevende jê ku sanzumuna o sidivisu iê. Mu jimbandu ja 4-6, tu sanga-mu kithangana phala o jiselevende jê. Né muene se o ithangana ietu i tu fidisa ku tambula o milongi i tu sanga mu jimbandu jiji, o kuila tua mu katula mbote mu milongi ia Nzambi i tu tena o ku i bhanga? O kuila tua mu suínisa o minzangala ene mu ku a jijidika ku alongexi, ni akua ku kaiela o xikola ia katunda ia mundu, phala ku suua jimbambe mu nzumbi, ni ku kaiela o—xikola ia Nzambi? Mu ku di longa ioso i tu tena ia lungu ni Jihova, ia-nda tu kuatekesa ku kala ni muenhu ua zediua kindala, ni muenhu ua kalelaku ku hádia.—Jisá 119:105; Nzuá 17:3.
Di Longe ku Tanga ni ku Soneka
• Mukonda Diahi: Phala ku longa o athu ku tanga, ni ku soneka, phala ene ku tanga ni ku di longa o Bibidia, ni ku longa akua o kidi.
• Thembu: Ia lungu ni kibhindamu.
• Kididi: Mu kilunga.
• Nanhi ua Tokala: O aboki oso, ni athu a mesena.
• Kiebhi Kia Tena ku Bhanga: O tufunga tua kilunga, a bhana o milongi, ia lungu ni ibhindamu ia kilunga, ene ué a suínisa oso a mesena ku katula mbote kuia-ku.
Xikola ia Ukunji ua Nzambi
• Mukonda Diahi: Phala ku pelepalala o aboki ‘serem capazes de ensinar outros’ . . . Visa o fim único de tornar cada qual . . . melhor equipado para apresentar publicamente a esperança que tem.”—Mu divulu Escola do Ministério, mbandu 5.
• Thembu: Kuia ni ku bhanga.
• Kididi: Mu kilunga.
• Nanhi ua Tokala: Aboki oso. A mukua ué ene mu diongeka ni ku suína kuoso ni kilunga, ene mu xikina o milongi ia Bibidia, ni kuambata o muenhu uâ kála Jikidistá.
• Kiebhi Kia Tena ku Bhanga: Zuela ni mutuameni ua Xikola ia Ukunji ua Nzambi.
Escola de Língua Estrangeira
• Mukonda Diahi: Phala ku longa o aboki, kiebhi kia tokala ku boka o njimbu iambote mu dimi diéngi.
• Thembu: Mbeji jiuana mba jitanu. O xikola ene mu i bhana kia Sábhalu mu kamene, mu ola imoxi mba jiiadi.
• Kididi: Bhu Kididi kia Kubheza, kia zukama.
• Nanhi ua Tokala: O aboki ala ni ukexilu uambote, a mesena ku boka mu dimi diéngi.
• Kiebhi Kia Tena ku Bhanga: O xikola íii, a iudika ku filiiale, ia lungu ni ibhindamu.
Construção de Salões do Reino
• Mukonda Diahi: Ku tunga ni ku iudika Ididi ia Kubheza. Íii ki xikola kana, maji ia lungu ni kikalakalu kiki, o athu a di bhakula a di longa maufunu avulu mu ku kuatekesa o ku tunga o ididi.
• Thembu: Ia lungu ni ithangana ia muthu ua di bhakula mu vondadi iê.
• Kididi: Bhu kididi kioso-kioso kio sole ku Comissão Regional de Construção. Saí athu a di bhakula mu vondadi iâ, a tena ku a exana phala ku kuatekesa ku kalakala ku ididi kuoso kua bhiti ku tunguta kua ixi.
• Ihi ia Bhingi: Jiphange ja mala ni ja ahatu a a batizala kiá, ala ni ukexilu uambote. Ene a tokala a kala ni uhete.
• Kiebhi Kia Tena ku Bhanga: Mu ku soneka o kamukanda, Petição para o Serviço Voluntário em Construções do Salões do Reino (S-82) io soneke ku tufunga tua kilunga.
Escola do Serviço de Pioneiro
• Mukonda Diahi: Phala ku kuatekesa o aboki a thembu ioso, mu ku bhanga o ukunji uâ ni ku suína.—2 Tim. 4:5.
• Thembu Kuxi: Semana jiiadi.
• Kididi: Kia solo ku filiiale; kiene mu bhita mu Kididi kia Kubheza, kia zukama.
• Ihi ia Bhingi: Ió a kalakala kiá kála aboki ku muvu ua muvimba.
• Kiebhi Kia Tena ku Bhanga: O aboki ka bhingi ku soneka phala ku bhanga o xikola íii, a a sola ni ku a jimbulula ku kafunga ka ilunga iâ.
Escola de Iniciantes de Betel
• Mukonda Diahi: O xikola íii, i bhita ku filiiale, phala ku kuatekesa o jiphange a bhixila kindala ku Betele ku bhanga kiambote o kikalakalu kiá.
• Thembu Kuxi: Ola imoxi ku semana, mu dikuinhi ni samanu dia jisemana.
• Kididi: Ku Betele.
• Ihi ia Bhingi: Ua tokala u kala muthu u bhanga mbandu ia muiji ia Betele, mba phange ua di bhakula mu ithangana iavulu, (muvu ua muvimba mba mivu).
• Kiebhi Kia Tena ku Bhanga: Ka bhingi ku di sonekena, a a sola phala ku bhanga o xikola íii.
Escola do Ministério do Reino
• Mukonda Diahi: Phala ku kuatekesa o tufunga ni akuatekexi a tufunga, mu ku langa kiambote o ikalakalu iâ, mu kilunga. (Ikalakalu 20:28) O xikola íii, a i bhanga kioso o Kibuka kia Atumini, kia tumina.
• Thembu Kuxi: Kizuua kimoxi ni kaxaxi phala o tufunga, ni kizuua kimoxi phala o akuatekexi a tufunga.
• Kididi: Bhu Kididi kia Kubheza kia zukama, mba bhu Kididi kia Iônge ia makota.
• Ihi ia Bhingi: A tokala a kala tufunga, mba akuatekexi a tufunga.
• Kiebhi Kia Tena ku Bhanga: Tufunga ni akuatekexi, a a sola ku kafunga ka ilunga.
Escola para
Anciãos Congregacionais*
• Mukonda Diahi: Ku kuatekesa o tufunga ku langa kiambote o ikalakalu iâ, mu kilunga.
• Thembu Kuxi: Izuua itanu.
• Kididi: Kio sole ku filiiale; kiene mu bhita bhu Kididi kia Kubheza mba kia Kiônge kia Makota.
• Ihi ia Bhingi: A tokala a kala tufunga.
• Kiebhi Kia Tena ku Bhanga: O tufunga a a sola ku filiiale.
Escola para Superintendentes Viajantes e Suas Esposas*
• Mukonda Diahi: Phala ku kuatekesa o kafunga ka ilunga ni mubhidi ua kafunga ka ilunga ku kala dingi ni uhete, n’a kuatekesa o ilunga ku “kalakala mu kuboka” ni ku inga ió ala mu kilangidilu kiâ.—1 Tim. 5:17; 1 Phe. 5:2, 3.
• Thembu Kuxi: Mbeji jiiadi
• Kididi: O filiiale muene u sola.
• Ihi ia Bhingi: A tokala a kala tufunga tua ilunga ni abhidi a tufunga tua ilunga.
• Kiebhi Kia Tena ku Bhanga: O tufunga tua ilunga ni ahatu uâ, a a sola ku filiiale.
Escola Bíblica
para Irmãos Solteiros*
• Mukonda Diahi: Phala ku pelepalala tufunga ni akuatekexi a tufunga akudi, phala o ikalakalu ia mukua. Athu avulu mudiâ, a a sola phala kuia kuoso kua bhingi dingi o kikuatekesu mu ixi iâ. Saí iá a tambula kikalakalu ki kale mu mbanza mua tungu mba kididi kiéngi.
• Thembu Kuxi: Mbeji jiiadi.
• Kididi: Kio sole ku filiiale; mu kidi kiene mu bhita bhu kididi kia Kiônge kia Makota, mba kia Kubheza.
• Ihi ia Bhingi: Jiphange akudi ala mu kitala kia 23 ni 62 a mivu, ni sauidi iambote a mesena ku sidivila o jiphange ni ikalakalu ia Utuminu, kuoso kuala ni ibhindamu. (Marku 10:29, 30) Ene a tokala ku sidivila mu mivu iiadi kala tufunga ni akuatekexi.
• Kiebhi Kia Tena ku Bhanga: Se mu ixi iê muala o xikola íii, o kiônge phala kuia-mu, a i bhanga mu kiônge kia ilunga. Itendelesu ia mukua ia lungu ni xikola íii, a i bhana ku kiônge kiki.
Escola Bíblica
Para Casais Cristãos*
• Mukonda Diahi: Ku longa ku makaza phala ku di bhakula dingi kua Jihova ni ku kilunga kiê. Phange javulu a di longo, a a sola phala ku kalakala kuoso kuala dingi ibhindamu mu ixi. Ofele a tena ku tambula kikalakalu ki kale mu mbanza ni kididi kiéngi, se ene a kala polondo.
• Thembu Kuxi: Mbeji jiiadi.
• Kididi: O ibuka ia dianga, ia mu bhita mu Centro Educacional da Torre de Vigia mu Patterson, Nova York, U.S.A. Mu ku kaiela-ko o xikola íii, a-nda ku i bhanga mu ididi ia mukua ia solo o filiiale, kiene mu bhita bhu kididi kia Kiônge kia Makota mba kia Kubheza.
• Ihi ia Bhingi: Makaza ala mu kitala kia 25 ni 50 a mivu ala ni sauidi iambote, ala ni kithangana kia ku sidivila kuoso kuala ni ibhindamu, ni ala polondo kála o izuelu ia Izaia, “Eme’ami-ú ngi tume eme.” (Iza. 6:8) Ene a tokala a kala makaza mu mivu iiadi, ni ku sidivila mu sidivisu ia thembu ioso mivu iiadi sé ku palala.
• Kiebhi Kia Tena ku Bhanga: Se o xikola i bhita mu ixi iê, o kiônge phala ku di bhakula mu xikola íii, a i bhanga mu kizuua kia kiônge kionene. O itendelesu ia mukua a-nda ku i bhana mu kiônge kiki.
Escola Bíblica de Gileade da Torre de Vigia
• Mukonda Diahi: Ku longa aboki a thembu ioso ni jiselevende ja mukua ja thembu ioso, phala ku sidivila mu kikalakalu kia ku kala mulongexi mu ixi iéngi.
• Thembu Kuxi: Mbeji jitanu.
• Kididi: Centro Educacional da Torre de Vigia, Patterson, Nova York, U.S.A.
• Ihi ia Bhingi: Makaza a a batizala kiá mu mivu itatu, ala mu kitala kia 21 ni 38 a mivu, phala ku mateka o sidivisu íii. Ene a tokala a kala makaza mu mivu iiadi, ni ku kala mu sidivisu ia thembu ioso mu mivu iiadi sé ku palala. A tokala a kala ni sauidi iambote. O aboki a thembu ioso a sidivila mu ixi iéngi, (ni alongexi mu ixi iéngi); tufunga tua ilunga; muthu ua mu sidivila ku Betele; a bhange o xikola ia Treinamento Ministerial; Escola Bíblica para Solteiros; ni Escola Bíblica para Casais Cristãos, a tena ué ku bhanga o xikola íii, se bhu bhana.
• Kiebhi Kia Tena ku Bhanga: O filiiale u bhanga kiônge ni oso a mesena ku bhanga o xikola íii, mu kithangana kia kiônge kia dikota. O itendelesu ia mukua a i bhana ku kiônge kiki. Se ki bhu kala o kiônge kiki mu ixi iê, iú ua mesena ku di bhakula, u tena ku soneka ku filiiale, phala ku tambula dingi itendelesu.
Escola para Membros da Comissão
de Filial e Suas Esposas
• Mukonda Diahi: Phala ku kuatekesa ió a mu sidivila ku kibuka kia filiiale, ku langa kiambote o kikalakalu kia Betele, mu ku tonginina o maka a bhita mu ilunga, ni tufunga tua ilunga ni abhidi a tufunga tua ilunga ni jimbambe jâ, kala o ku lungulula o madivulu, ku katula jikopia ja madivulu, kuambata o madivulu mu ilunga, ni ku tonginina o ikalakalu ia mukua.—Luka 12:48b.
• Thembu Kuxi: Mbeji jiiadi.
• Kididi: Centro Educacional da Torre de Vigia, Patterson, Nova York, U.S.A.
• Ihi ia Bhingi: Ua tokala u bhanga mbandu ku kibuka kia filiiale mba Kibuka kia ixi kua ku solo.
• Kiebhi Kia Tena ku Bhanga: O jiphange ni ahatu uâ, a a sola ku Kibuka kia Atumini.
[Kilombuelelu ku bandu 4]
Jimbambe jala mu kilunga kia Jihova
[Kilombuelelu ku bandu 6]
* O xikola íii, ki iala mu jixi joso.