• Ihi i Longa o Bibidia?
    O Mulangidi (Phala o Athu)—2016 | No. 2
    • Jezú ua mu dituna o jitendasá ja Satanaji

      Ihi i Longa o Bibidia?

      Diabhu nanhi?

      MUDIÉ o kuila Diabhu . . .

      • Muthu mu nzumbi?

      • O kuiibha moxi dia muthu?

      • Ibanzelu ngó ia athu?

      IHI I ZUELA O BIBIDIA

      Diabhu ua zuela ni Jezú iu ua mu ‘tendala.’ (Matesu 4:1-4) Mukonda dia kiki, Diabhu ko kuiibha moxi dia muthu, ki ibanzelu ué ngó ia athu kana. Muéne muthu ua iibha mu nzumbi.

      IHI DINGI I TU LONGA O BIBIDIA?

      • Ku dimatekenu, Diabhu uexile anju iambote, maji “mu kidi ka nangiê-mu.” (Nzuá 8:44) Muéne ua kituka mukua makutu iu ua bhukumukina Nzambi.

      • Jia-nju ja mukuá a dibundu ni Satanaji, a bhukumukina ué Nzambi.​—Dijingunuinu 12:9.

      • Diabhu u xita o mesu a athu phala ka fike kuila kuene Diabhu.​—2 Kolindo 4:4.

      O kuila Diabhu u tena kutumina o athu?

      SAÍ ATHU AMBA kuila o athu ka tena ku a tumina kua Diabhu, amukuá a kala ni uôma ua ku a funhisa ku madimonho. Abha eie, ihi i u banza?

      IHI I ZUELA O BIBIDIA

      “O mundu uoso-phe ua zeka mua Kadiaphemba ió mukua ku tondalesa.” (1 Nzuá 5:19) Mu kidi Diabhu muéne ua mu tumina o mundu, maji muéne ka tena kufunhisa athu oso.

      IHI DINGI I TU LONGA O BIBIDIA?

      • O Diabhu u di bhangesa kala anju ia mukengeji phala kunganala kiambote o athu.​—2 Kolindo 11:14.

      • O jia-nju ja iibha saí ithangana a tena kufunhisa o athu.​—Matesu 12:22.

      • Ni kikuatekesu kia Nzambi eie u tena ‘kuzoka ni Diabhu.’​—Tiiaku 4:7.

      Nga mi dióndo, ngi tumikisienu o divulu, Mu Kidi Ihi i Longa o Bibidia?. Phala kuijiia dingi, tanga o kibatulu 10 kia divulu didi,a di bhange ku Jimbangi ja Jihova

      Tu di sanga ué mu www.jw.org/kmb