Kiebhi Kiexile o Muenhu mu Palaízu?

Jihova ua bhana ku Adá ni Eva, ima iavulu iambote. Dimatekenu 1:28

Jihova ua bhange o muhatu ua dianga Eva, iú ua mu bhana ku Adá phala ku kala o muhatu’ê.​—Dimatekenu 2:21, 22.

Jihova ua a bhange ni ilunji ni mikutu ia iuka, sé ku lueza.

O dibhata diâ mu Palaízu, diexile o jaludim ia Edene​—o kididi kia fuamene ni ibundu ni iama.

Jihova ua zuelele ni ene; ua a longo. Se ene evuidile, eji nangenena mu Palaízu mu ixi.

Nzambi uambe kuila, ka tokalele kudia ku kibundu. Dimatekenu 2:16, 17

Jihova ua londekesa ku Adá ni Eva o kibundu mu jaludim, iú ua a zuelele kuila se ene adile ku kibundu kiki, eji fuá.

O anju imoxi, ia bhukumukina Nzambi. O anju íii ia iibha, Satanaji o Diabhu.

Satanaji ka mesenene kuila Adá ni Eva, a belesele Jihova. Kienhiki, muéne ua bhangesa o nhoka kuzuela ni Eva kuila se muene ua dile ku kibundu kia muxi iuná, keji fuá, maji ueji kituka kála Nzambi. Mu kidi, kiki kiexile makutu.​—Dimatekenu 3:1-5.