MILONGI YA 10

Kulungulula o Dízwi

Jisabhu 8:4, 7

IHI I WA TOKALA O KUBHANGA?: Wa tokala kujimbulula kyambote o jipondo, ni kuzwela mu ukexilu u bhixidisa o maka ku muxima wa jingivwidi, mu kubhilula o dízwi, ulengelu wa kuzwela ni mbímbi.

KYEBHI KI WA TOKALA O KUBHANGA?:

Lungulula o dízwi. Bandekesa o dízwi phala kulondekesa o jipondo ja beta kota, ni kuswinisa o jingivwidi jé. Kyene we ki wa tokala kubhanga kyoso ki u tanga jivelusu mu Mikanda Ikôla já lungu ni kifundisu. Sosolola o dízwi phala kubhangesa o jingivwidi jé kumesena kwijiya i wa-nda zwela kupholo.

Mu kubandekesa o dízwi, wa tokala kudilanga, phala kuzwele wila wa mu bazela o jingivwidi. Kana ku di fumanesa eye mu kuzwela kala wa mu bhanga dalama.
Kukale ngó ni uzwelelu umoxi. Se mu dimi dyé ki bhana, swinisa o dízwi phala kulondekesa kusanguluka, kulebha mba kutola. Sosolola o dízwi phala kulondekesa kuluwala mba héle.
Kukale ngó ni mbímbi imoxi. Se wa mesena kuswinisa o jingivwidi kubhanga kima, wa tokala kuzwela ni ka lusolo. Wa tokala kuzwela ni kamwanyu, se wa mu bhitulula jipondo já beta kota.

Phala kusasumukise o jingivwidi, kana kulungulula o mbímbi yé ni lusolo. Kana kuzwela ni lusolo lwavulu, katé o jingivwidi jé ji lémbwa ku tendela o izwelu yé.