MILONGI YA 15

Kuzwela sé Héle

1 Tesalonika 1:5

IHI I WA TOKALA O KUBHANGA?: Londekesa kwila, u xikina mu kidi, londekesa we o valolo ya ima i wa mu longa.

Disokejeke kyambote. Dilonge kyambote o mbandu i wa tambula, katé ki wa-nda i tendela kyambote, ni kutonginina kyebhi kya i sokejeka, kyebhi o ixinganeku ya Mikanda Ikôla kya i jimbulula katé ki yambata o jingivwidi mu kixinganeku kya tokala. Sota kujimbulula o jipondo já beta kota ja diskulusu dyé mu izwelu yofele. Dikwatenene mu mbote ya-nda katula o jingivwidi. Bhinga nzumbi ikôla mu musambu.

Fikisa kubhanga o diskulusu dyé mu veji javulu mu dízwi dya swina, phala ku dijya mwene kyambote, ni ku sokejeka bhwoso bhwa kambe.
Sola izwelu i londekesa kwila ki wala ni phata. Mu veji dya kubhitulula ngó yoso yo soneke mu esbosu, sota kutumbula o izwelu sé ku i tanga. Sota maba a londekesa kuma, eye ki wala ni phata, wa xikina ni kidi kyoso mu ima i wa mu zwela.
Kana kuzwela wila wa mu tonoka. Zwela ni kidi kyoso. Zwela ni dízwi dya soko. Se ki bhana, tala o jingivwidi kyoso ki uya ni kuzwela.

Kuzwela ni kidyelelu, ki kyene kimoxi ni kuzwela sé kulenduka ni undanda, kuzwela ngó o ixinganeku yé, sé kuxila akwenu. Sumbala wa mu zwela ni kidyelelu, wa tokala kuzwela ni henda.