Tu Kalyenu Jifiyele

1. Tu kalyenu jifiyele,

Kwa Jihova Suke-ku.

Nzambi yetu, wa tu bhange

Twa-nda mu belesela.

U twidikisa o njila,

Mu twa tokala kwenda.

Mwene henda; mukwa kidi.

Nuka wa-nda tu xisa.

2. Tu kalyenu jifiyele,

Ni phange jetu joso.

Mu izwelu, n’ibhangelu,

Tu a kwatekesenu.

Tu xila jiphange jetu

Tu ji bhana kijingu.

Tu kalyenu ku mbandu yâ,

Ki tu a xise kana.

3. Tu kayele o itumu

i tu bhan’o tufunga.

O ijila ya tu bhana,

Tu i beleselenu.

Nzambi u tu besowala

Twa-nda kala ni nguzu.

Ki tu kala jifiyele,

Tu tambula mabesá.