Nzambi, o Phangu ya Henda

1. Ngana Jihova, wa tu bhana phangu

O phangu, ya henda.

Yoso ya bhange i tu kwatekesa

Kuzola we o jiphange.

Mwene wa tu bhe Mon’ê wa kazola

N’a tu bhulula ni ku tu loloka.

Henda yonene ya tu londekesa!

Nzambi Henda, Jihova henda.

2. Kyoso ki twenda mu njila ya Nzambi

O henda, i kula

Jiphange jetu tu ji zola dingi

Jene joso, sé mangonya.

Tu zole Nzambi ni jiphange jetu,

Mukonda kyene, kya-ndala Jihova.

Tu lolokyenu ituxi ya kwetu,

Yiyi henda, henda ya kidi.

3. Henda ya kidi, i tu kwatekesa

Kukala kumoxi.

Mubhangi wetu u tu tendelesa:

“Dizolyenu ni muxima.”

Athu n’ejiye, tu an’â Jihova;

Mwene wa tu bhe, o nzumbi ikôla,

Ni phange jetu n’a tu kwatekesa.

Nzambi henda. Jihova henda.