Ibhuidisu ia Ilongesu Phala Divulu Diami Dia Misoso ia Bibidia

Musoso 1

Nzambi ua Mateka ku Bhanga o Ima

1. O ima ioso iambote ia tundu kuebhi? Tanga kima kimoxi.

2. Kima kiahi kia dianga ku bhanga Nzambi?

3. Mukonda diahi o anju ia dianga iexile ia kazola?

4. Zuela kiebhi kiexile o ixi ku dimatekenu. (Tala o fikula.)

5. Kiebhi kia mateka Nzambi ku iudika o ixi phala o iama ni athu?

Ibhuidisu ia mukuá:

1. Tanga Jelemiia 10:12.

   Idifua iahi ia Nzambi i tu mona mu ibhangelu iê? (Iza.40:26; Lom. 11:33)

2. Tanga Kolose 1:15-17.

   Ki kuatekesu kiahi kia bhele Jezú mu kibhangelu, ni kiebhi kiki ki tu kuatekesa ku muijiia? (Kol. 1:15-17)

3. Tanga Dimatekenu 1:1-10.

   1. Kiebhi kia tukuluka o ixi? (Dim. 1:1)

   2. Ihi ia bhiti mu kizuua kia dianga kia kibhangelu? (Dim. 1:3-5)

   3. Zuela ihi ia bhiti mu kizuua kia kaiadi kia kibhangelu. (Dim. 1:7, 8)

Musoso 2

O Jaludim ia uabha

1. Kiebhi kia iudika Nzambi o ixi phala ku kala dibhata dietu?

2. Zuela o iama ioso ki i difu ia bhange Nzambi. (Tala o fikula.)

3. Mukonda diahi o jaludim ia Edene iexile kididi kia iuka?

4. Nzambi ua mesenene kuila o ixi i kala kiebhi?

Ibhuidisu ia mukuá:

1. Tanga Dimatekenu 1:11-25.

   1. Ihi ia bhange Nzambi mu kizuua kia katatu? (Dim. 1:12)

   2. Ihi ia bhiti mu kizuua kia kauana kia kibhangelu? (Dim. 1:16)

   3. Iama iahi ia bhange Nzambi mu kizuua kia katanu, ni kia kasamanu? (Dim. 1:20, 21, 25)

2. Tanga Dimatekenu 2:8, 9.

   Mixi iiadi iahi ia beta-kota ia tele Nzambi mu jaludim, ni mixi íii ia lomboluele ihi?

Musoso 3

O Diiala dia Dianga ni Muhatu

1. Ihi ki i difu mu fikula ia Musoso ua 3 ni mu fikula ia Musoso ua 2?

2. Nanhi ua bhange o diiala dia dianga, ni dijina diebhi dia mu luku?

3. Kikalakalu kiahi kia bhele Nzambi kua Adá?

4. Mukonda diahi Nzambi ua bhangesa Adá kuia ku kilu kionene?

5. Mu thembu ikuxi ia tokalele Adá ni Eva ku kala ni muenhu, ni kikalakalu kiahi kia a bhele Jihova?

Ibhuidisu ia mukuá:

1. Tanga Jisálamu 83:18.

   Diebhi o dijina dia Nzambi, ni kididi kiahi kia mu fuama? (Jel. 16:21; Dim. 4:17)

2. Tanga Dimatekenu 1:26-31.

   1. Ihi ia bhangele Nzambi mu kizuua kia kasamanu, ni kiebhi o kibhangelu kiki ki kia difuile ni iama? (Dim. 1:26)

   2. Ihi ia bhana Jihova phala o diiala ni iama kudia? (Dim. 1:30)

3. Tanga Dimatekenu 2:7-25.

   1. O kikalakalu kia Adá kia ku luka majina ku iama, kia bhingile dingi ihi? (Dim. 2:19)

   2. Kiebhi o divulu dia Dimatekenu 2:24, di tena ku tu kuatekesa mu kuijiia ihi i banza Jihova ia lungu ni ukaza, ni ku di xisa, ni ku di senga? (Mat. 19:4-6, 9)

Musoso 4

Mukonda Diahi a Texi o Dibhata Diâ

1. Tala mu fikula, ihi ia mu bhita ni Adá ni Eva?

2. Mukonda diahi Jihova ua a kaxtikala?

3. Ihi ia zuela o nhoka kua Eva?

4. Nanhi ua bhangesa o nhoka ku zuela ni Eva?

5. Mukonda diahi Adá ni Eva a texi o dibhata diâ, dia Palaízu?

Ibhuidisu ia mukuá:

1. Tanga Dimatekenu 2:16, 17 ni 3:1-13,24.

   1. Kiebhi o kibhuidisu kia nhoka kua Eva, kia mu bhangesa ku bhanza kiaiibha kia lungu ni Jihova? (Dim. 3:1-5; 1 Nzuá 5:3)

   2. Kiebhi o ia bhange Eva i sidivila phala ku tu dimuna? (Fil. 4:8; Tiya. 1:14, 15; 1 Nzuá 2:16)

   3. Kiebhi Adá ni Eva ka xikina o kikuma kia kituxi kiâ? (Dim. 3:12, 13)

   4. Kiebhi o jixelube ja tele mu jaludim ia Edene ja kuatekesele o ungana ua Jihova? (Dim. 3:24)

2. Tanga Dijingunuinu 12:9.

   Kiebhi Satanaji kiene mu tena ku nganala o mundu ku unguvulu ua Nzambi? (1 Nzuá 5:19)

Musoso 5

A Mateka o Muenhu ua Hadi

1. Kiebhi kiexile o muenhu ua Adá ni Eva bhu kanga dia jaludim ia Edene?

2. Ihi ia mateka ku bhita ni Adá ni Eva, ni mukonda diahi?

3. Mukonda diahi an’a Adá ni Eva eji kuka ni eji fuá?

4. Se Adá ni Eva a belesele Jihova, kiebhi kieji kala o muenhu uâ, ni ua an’â?

5. Mukonda diahi o ku bhukumuka kua Eva kua mu bhekela o ndolo?

6. Kiebhi kie xanene ana aiadi a Adá ni Eva?

7. A nanhi ana a kamúkua ala mu fikula?

Ibhuidisu ia mukuá:

1. Tanga Dimatekenu 3:16-23 ni 4:1, 2.

   1. O mázui alungu ni mavu a bhekela ihi ku muenhu ua Adá? (Dim. 3:17-19; Lom. 8:20, 22)

   2. Mukonda diahi o dijina dia Eva dia lombolola “mama ia athu” dia mu fuamene? (Dim. 3:20)

   3. Kiebhi kiedikisa Jihova o favolo ku Adá ni Eva, né muene kioso kia tele o kituxi? (Dim. 3:7, 21)

2. Tanga Dijingunuinu 21:3, 4.

   ‘Ima io ukulu’ iahi iu ua mesena kuila i bhua?

Musoso 6

Mona Uambote ni Mona Uaiibha

1. Maufunu ahi a solele Kaini ni Abele?

2. Ujitu uahi a bhanene Kaini ni Abele kua Jihova?

3. Mukonda diahi Jihova ua uabhelele ngó o ujitu ua Abele, maji ujitu ua Kaini ki ua mu uabhelele?

4. Kaini uexile muthu ua kífua kiahi, ni ihi ia bhangele Jihova phala ku mu bazela?

5. Ihi ia bhangele Kaini kioso kia kexile ubheka uê ni phangi’ê mu mukau?

6. Jimbulula ihi ia bhiti ni Kaini kioso kia jibha phangi’ê.

Ibhuidisu ia mukuá:

1. Tanga Dimatekenu 4:2-26.

   1. Kiebhi kia zuela Jihova o ibhidi mua di tele Kaini? (Dim. 4:7)

   2. Kiebhi kiedikisa Kaini ia kexile ku muxima uê? (Dim. 4:9)

   3. Kiebhi Jihova kia mona o ujibhangânga? (Dim. 4:10; Iza. 26:21)

2. Tanga 1 Nzuá 3:11, 12

   1. Mukonda diahi Kaini uakexile ni njinda, ni kiebhi kiki ki sidivila phala ku tu dimuna lelu? (Dim. 4:4, 5; Jisa. 14:30; 28:22)

   2. Kiebhi kidikisa o Bibidia kuma né muene oso ku muiji uetu ka zolo Jihova, etu tu tena ku kolokota ku mu sidivila? (Jisá 27:10; Mat. 10:21,22)

3. Tanga Nzuá 11:25.

   Kikanenu kiahi kia bhana Jihova kia lungu ni ió afú, mukonda dia ku bhanga o mbote? (Nzuá 5:24)

Musoso 7

O Diiala Dia Suína

1. Mu ukexilu uahi Enoko uexile kiéngi?

2. Mukonda diahi athu mu izuua ia Enoko akexile mu bhanga ima iaiibha?

3. Ima iahi iaiibha athu ia kexile mu bhanga? (Tala o fikula)

4. Mukonda diahi Enoko ua tokalele ku suína?

5. Mu thembu iná, mu mivu ikuxi athu akexile ku kala ku muenhu, maji Enoko uakexile ngó ni mivu ikuxi?

6. Ihi ia bhiti kioso kiafú Enoko?

Ibhuidisu ia mukuá:

1. Tanga Dimatekenu 5:21-24, 27.

   1. Enoko ua dibhele kiebhi ni Jihova? (Dim. 5:24)

   2. Kála ki zuela o Bibidia, nanhi o diiala dia kexile ku muenhu mu thembu iavulu, ni mivu ikuxi ia kexile na-iu kioso kiafú? (Dim. 5:27)

2. Tanga Dimatekenu 6:5

   Kiebhi kia kexile o ukexilu ua athu mu ixi, kioso kiafú Enoko? kiebhi kiki kia difuangana kála mu izuua ietu? (2 Tim. 3:13)

3. Tanga Jihebeleu 11:5.

   Kífua kiahi kia Enoko ua ‘zolele Nzambi,’ ni kisakidilu kiahi kia tambula? (Dim. 5:22)

4. Tanga Juda 14, 15.

   Kiebhi o Jikidistá lelu a tena ku kaiela o ku suína kua Enoko mu ku dimuna athu ia lungu ni ita ia Alumajedone ia-nda kuíza ku pholo? (2 Tim. 4:2; Jihe. 13:6)

Musoso 8

Makixi mu Ixi

1. Ihi ia bhitile kioso o ji–anju ja kamúkua ja Nzambi kiévu Satanaji?

2. Mukonda diahi o ji–anju ja kamúkua a xisa o ikalakalu iâ ku diulu, ni eza mu ixi?

3. Mukonda diahi kima kiaiibha o ji–anju kuíza mu ixi, ni ku kituka athu mu xitu?

4. Ihi ki ia difuanganene mu an’a ji–anju?

5. Kála ki ua mu mona mu fikula, ihi ia kexile mu bhanga an’a ji–anju kioso kia kituka makixi?

6. Nanhi o diiala dia kaiela Enoko dia kexile mu ixi, ni mukonda diahi Nzambi ua mu zolele?

Ibhuidisu ia mukuá:

1. Tanga Dimatekenu 6:1-8.

   Kiebhi o divulu dia Dimatekenu 6:6, didikisa kuma o i tu bhanga i tena ku luualesa Jihova mba i mu sangulukisa? (Jisá. 78:40, 41; Jisa. 27:11)

2. Tanga Juda 6.

   O ji–anju “ja kambele ku bhaka o ukota uâ, a xisa o kididi kia a tokala” mu izuua ia Noué i sidivila phala ku tu dimuna lelu? (1 Kol. 3:5-9; 2 Phe. 2:4, 9, 10)

Musoso 9

Noué u Tunga o Álaka

1. Athu akuxi akexile mu muiji ua Noué? Ni kiebhi kie xanene an’ê kitatu?

2. Kima kiahi kia bhonzo kia bhingile Nzambi kua Noué phala ku ki bhanga, ni mukonda diahi?

3. Ihi ia bhangele athu kioso Noué kia tangela o maka alungu ni álaka?

4. Ihi ia zuela Nzambi kua Noué ia tokalele ku bhanga ni iama?

5. Kioso Nzambi kia jika o dibhitu dia álaka, Noué ni muiji uê eji bhanga ihi?

Ibhuidisu ia mukuá:

1. Tanga Dimatekenu 6:9-22.

   1. Ihi ia bhangesa Noué ku kala selevende ia Nzambi ia kidi? (Dim. 6:9, 22)

   2. Kiebhi Jihova kia mona o usuéia, ni kiebhi íii i tu kuatekesa ku sola kiambote o ukexilu uetu ua ku tonoka? (Dim. 6:11, 12; Jisá. 11:5)

   3. Kiebhi tu tena ku kaiela Noué kioso ki tu tambula o ilongesu ia Jihova mu kilunga kiê? (Dim. 6:22; 1 Nzuá 5:3)

2. Tanga Dimatekenu 7:1-9.

   Kiebhi kuijiia kuma Jihova ua solo Noué o diiala mukuá ituxi kála muthu ua iuka, i tu kolokotesa lelu? (Dim. 7:1; Jisa. 10:16; Iza. 26:7)

Musoso 10

O Dilúvio Dionene

1. Mukonda diahi athu ka tenene dingi ku bokona mu álaka kioso kia mateka o ku noka?

2. Mu izuua ni mu mausuku akuxi Jihova ua nokesa o nvula, inga o menha a sukile katé tala diebhi?

3. Ihi ia bhitile ni álaka kioso o menha kia mateka ku xita o ixi?

4. O kuila o makixi a bhuluka ku Dilúvio? Ihi ia bhitile ni tata jâ?

5. Mu ku bhita mbeji jitanu, ihi ia bhitile ni álaka?

6. Mukonda diahi Noué uehela o kilombe ku tunda bhu kanga dia álaka?

7. Kiebhi k’ejidile Noué kuma o menha a xiti o ixi, a sosoloka kiá?

8. Ihi ia zuela Nzambi kua Noué, kioso muéne ni muiji uê akexile kiá mu álaka, muvu umoxi ndenge?

Ibhuidisu ia mukuá:

1. Tanga Dimatekenu 7:10-24.

   1. O kuila o mienhu ioso mu ixi a i buikile? (Dim. 7:23)

   2. Bhua bhitile thembu ikuxi phala o menha a Dilúvio ku sosoloka? (Dim. 7:24)

2. Tanga Dimatekenu 8:1-17.

   Kiebhi kidikisa o divulu dia Dimatekenu 8:17, kuma o vondadi ia Jihova ia lungu ni ixi ka i lungulula? (Dim. 1:22)

3. Tanga 1 Phetele 3:19, 20.

   1. Kioso o ji–anju jaiibha ja vutuka ku diulu, kaxtiku kahi ka tambula? (Jude 6)

   2. Kiebhi o musoso ua Noué u tu kolokotesa ku dielela mu nguzu ia Jihova, kuma muéne ua-nda bhulula o mundu uê? (2 Phe. 2:9)

Musoso 11

O Hongolo ia Dianga

1. Kála kiedikisa o fikula, ihi ia bhange Noué kioso kia tubhuka mu álaka?

2. Kitumu kiahi kia bhanene Nzambi kua Noué ni muiji uê, kioso kia bhiti o Dilúvio?

3. Kikanenu kiahi kia bhanene Nzambi?

4. Kioso ki tu mona o hongolo, ihi i tu lembalala?

Ibhuidisu ia mukuá:

1. Tanga Dimatekenu 8:18-22.

   1. Kiebhi ki tu tena ku bhana “dizumba dia mbote” kua Jihova? (Dim. 8:21; Jihe. 13:15, 16)

   2. Ihi iambele Jihova ia lungu ni ukexilu ua muxima ua muthu, ni kiebhi ki tua tokala ku di langa? (Dim. 8:21; Mat. 15:18, 19)

2. Tanga Dimatekenu 9:9-17.

   1. Kikutu kiahi kia bhangele Jihova ni ibhangelu iê mu ixi? (Dim. 9:10, 11)

   2. Thembu ikuxi ia-nda bhanga o kikutu kia hongolo? (Dim. 9:16)

Musoso 12

O Sabhalalu Ionene ia Tungu o Maiala

1. Nanhi uexile Nimilodi? Kiebhi kia kexile ku mu mona Nzambi?

2. Tala mu fikula, mukonda diahi athu a mu bhanga matijolo?

3. Mukonda diahi Jihova ka sangulukile ni kikalakalu kiâ, kia ku tunga o sabhalalu?

4. Kiebhi kia fidisa Nzambi o ku tunga o sabhalalu?

5. Kiebhi kie xanene o mbanza? O dijina didi di lombolola ihi?

6. Ihi ia bhitile ni athu kioso Nzambi kia bhilula o mazui mâ?

Ibhuidisu ia mukuá:

1. Tanga Dimatekenu 10:1, 8-10.

   Ifua iahi ia kexile na-iu Nimilodi? Kiebhi kiki ki tu dimuna? (Jisa. 3:31

2. Tanga Dimatekenu 11:1-9.

   Ihi ia a bhangesa ku tunga o sabhalalu? Mukonda diahi katenene ku zubha ku i tunga? (Dim. 11:4; Jisa. 16:18; Nzuá 5:44)

Musoso 13

Mbalahamu—Kamba Dia Nzambi

1. Athu ahi a tungile mu mbanza ia Uli?

2. Nanhi o diiala mu fikula? A mu vuala thembu kuxi? Ua tungile kuebhi?

3. Nzambi ua tumina Mbalahamu ku bhanga ihi?

4. Mukonda diahi Mbalahamu a mu ixanene kamba dia Nzambi?

5. Nanhi uendele ni Mbalahamu kioso muéne kia tundu ku Uli?

6. Ihi iambela Nzambi kua Mbalahamu, kioso kia bhixila mu ixi ia Kanana?

7. Ihi ia kanena Nzambi kua Mbalahamu kioso kia kexile mu 99 a mivu?

Ibhuidisu ia mukuá:

1. Tanga Dimatekenu 11:27-32.

   1. Undandu uahi uakexile nau Mbalahamu ni Lote? (Dim. 11:27)

   2. Sumbala, Tela, muéne ua mbatele o muiji uê mu Kanana, kiebhi ki tuejiia kuma mu kidi Mbalahamu ua mateka o njila, ni mukonda diahi muéne ua bhange kiki? (Dim. 11:31; Ikalakalu 7:2-4)

2. Tanga Dimatekenu 12:1-7.

   Kijimbuluilu kiahi kia bhanene Jihova kia lungu ni kikutu kia Mbalahamu, kioso kia bhixila mu ixi ia Kanana? (Dim. 12:7)

3. Tanga Dimatekenu 17:1-8, 15-17.

   1. Kioso Mbalahamu kia kexile mu 99 ia mivu, phala’hi a mu bhilula o dijina (Dim. 17:5)

   2. Mabesá ahi a kanena Jihova kua Sala? (Dim. 17:15,16)

4. Tanga Dimatekenu 18:9-19.

   1. Mu divulu dia Dimatekenu 18:19, kikalakalu kiahi kia bhana ku jitata? (Mate. 6:6, 7; Efe. 6:4)

   2. Ihi ia bhitile ni Sala, i tu londekesa kuma, ki bhuale kima ki tu tena ku suekela Jihova? (Dim. 18:12, 15; Jisá. 44:21)

Musoso 14

Nzambi u Polovala o Kixikinu Kia Mbalahamu

1. Kikanenu kiahi kia bhangele Nzambi kua Mbalahamu, ni kiebhi Nzambi kia ki kumbidila?

2. Kála ki tua mu mona mu fikula, kiebhi Nzambi kia polovala o kixikinu kia Mbalahamu?

3. Ihi ia bhange Mbalahamu se muéne ku ki tendela, ni mukonda diahi Nzambi ua mu tumina ku bhanga kima kiki?

4. Ihi ia bhitile kioso Mbalahamu kia kuatele o phoko phala ku jibha mon’ê?

5. O kixikinu kiexile na-kiu Mbalahamu kua Nzambi kia suínine muene?

6. Ihi ia bhanene Nzambi phala Mbalahamu ku i satela, ni kiebhi kiki kia bhitile?

Ibhuidisu ia mukuá:

1. Tanga Dimatekenu 21:1-7.

   Mukonda diahi Mbalahamu ua saie mon’ê mu kizuua kia kanake? (Dim. 17:10-12; 21:4)

2. Tanga Dimatekenu 22:1-18.

   Kiebhi kiedikisa Izake kia londekesa o ku belesela tat’ê Mbalahamu? Kiebhi íii ia lombolola o ima ia beta-kota ia-nda kuíza ku pholo? (Dim. 22:7-9; 1 Kol. 5:7; Fil. 2:8, 9)

Musoso 15

O Muhatu ua Lote ua Sakuka Kudima

1. Mukonda diahi Mbalahamu ni Lote a di xisa?

2. Mukonda diahi Lote ua solo ku tunga mu Sodoma?

3. Kiebhi kiexile athu mu Sodoma?

4. Ngolokela iahi ia bhele o anju jiiadi kua Lote?

5. Mukonda diahi o muhatu ua Lote ua kituka philadi ia móngua?

6. Disá diahi di tua dilongo ia bhitile ni muhatu ua Lote?

Ibhuidisu ia mukuá:

1. Tanga Dimatekenu 13:5-13.

   Kioso ki tu batula o maka mu kaxaxi ka athu, disá diahi di tu dilonga kua Mbalahamu? (Dim. 13:8, 9; Lom. 12:10; Fil. 2:3, 4)

2. Tanga Dimatekenu 18:20-33

   Kiebhi o ku di bhana kua Jihova ni Mbalahamu, ku tu bhana o kidielelu kuma Jihova ni Jezú a-nda fundisa ni kuiuka kuoso? (Dim. 18:25, 26; Mat. 25:31-33)

3. Tanga Dimatekenu 19:1-29.

   1. Kiebhi o musoso iú, ua Bibidia ulondekesa kuma kia iibhila Nzambi maiala ku bhanga ufusa ni akuâ? (Dim. 19:5, 13; Iji. 20:13)

   2. Ihi i tua mono ki ia difu ia lungu ni Mbalahamu ni Lote, mu ku xikana o itumu ia Nzambi, ni ihi i tu dilonga ia lungu ni íii? (Dim. 19:15, 16, 19, 20; 22:3)

4. Tanga Luka 17:28-32.

   Mu kienhiki, ukexilu uahi uakexile nau o muhatu a Lote ua lungu ni jimbote, ni kiebhi íii i sidivila phala ku tu dimuna? (Luka 12:15; 17:31, 32; Mat. 6:19-21, 25)

5. Tanga 2 Phetele 2:6-8.

   Mu ku kaiela Lote, kífua kiahi ki tua tokala ku kala na-kiu ku mundu uaiibha ua tu kondoloka? (Ize. 9:4; 1 Nzuá 2:15-17)

Musoso 16

Izake ua Sange Muhatu Uambote

1. Nanhi o diiala ni muhatu mu fikula?

2. Ihi ia bhange Mbalahamu phala ku kuata muhatu phala mon’ê, ni mukonda diahi?

3. Kiebhi kia tambuijila o musambu ua selevende ia Mbalahamu?

4. Kiebhi kia tambuijila Bebeka kioso kia mu ibhula se ua mesena ku kazala ni Izake?

5. Ihi ia bhangesa Izake ku sanguluka dingi?

Ibhuidisu ia mukuá:

1. Tanga Dimatekenu 24:1-67.

   1. Ukexilu uahi uedikisa Bebeka kioso kia sange o selevende ia Mbalahamu bhu fixi? (Dim. 24:17-20; Jisa. 31:17, 31)

   2. O ia bhange Mbalahamu phala mon’ê Izake i bhana phangu iahi ku Jikidistá ja lelu? (Dim. 24:37, 38; 1 Kol. 7:39; 2 Kol. 6:14)

   3. Mukonda diahi tua tokala ku sota thembu phala ku xinganeka, kala kia kexile mu bhanga Izake? (Dim. 24:63; Jisá. 77:12; Fil. 4:8)

Musoso 17

O Jingongo ki ji Difuile

1. A nanhi exile Izaú ni Jakobo, ni mukonda diahi ene ka difuile?

2. Mivu ikuxi ia kexile na-iu Izaú ni Jakobo kioso kia fuile kuku’â Mbalahamu?

3. Ihi ia bhange Izaú ia bhangesa o jitata jê ku luuala kiavulu?

4. Mukonda diahi Izaú ua dizangalele kiavulu ni phangi’ê, Jakobo?

5. Ilongesu iahi ia bhana Izake kua mon’ê, Jakobo?

Ibhuidisu ia mukuá:

1. Tanga Dimatekenu 25:5-11, 20-34.

   1. Ihi ia tangele Jihova ia lungu ni ana aiadi a Bebeka? (Dim. 25:23)

   2. Kiebhi Jakobo ni Izaú kiedikisa o maukexilu engi alungu ni ku tambula o kididi kia u kota? (Dim. 25:31-34)

2. Tanga Dimatekenu 26:34, 35; 27:1-46; ni 28:1-5.

   1. Kiebhi o kífua kia Izaú kiedikisa kuma muéne kazolele o ima ia ngana? (Dim. 26:34, 35; 27:46)

   2. Ihi ia tangela Izake kua Jakobo ia tokalele ku bhanga phala ku tambula o mabesá a Nzambi? (Dim. 28:1-4)

3. Tanga Jihebeleu 12:16, 17.

   Kála kiedikisa o phangu ia Izaú, ihi ia-nda bhita ni ió ka zolo o ima ikôla?

Musoso 18

Jakobo Uia mu Halane

1. Nanhi o kilumba mu fikula, ni ihi ia mu bhangela Jakobo?

2. Ihi Jakobo ia bhingile ku bhanga phala ku kazala ni Lakele?

3. Ihi ia bhangele Labanu kioso kia bhixila o thembu ia Jakobo ku kazala ni Lakele?

4. Ihi ia xikana Jakobo ku bhanga phala Lakele ku kala ué muhatu’ê?

Ibhuidisu ia mukuá:

1. Tanga Dimatekenu 29:1-30.

   1. Sumbala Jakobo a mu nganala kua Labanu, kiebhi kiedikisa kuma mukuá kilunji? Ihi i tua dilongo ni íii? (Dim. 25:27; 29:26-28; Mat. 5:37)

   2. Kiebhi kidikisa o phangu ia Jakobo kuila o ku di zola ni ku di uabhela ki kiene kimoxi? (Dim. 29:18, 20, 30; Miku. 8:6)

   3. A nanhi exile ahatu kiuana akexile ku muiji ua Jakobo, ia a mu vualela ana? (Dim. 29:23, 24, 28, 29)

Musoso 19

O Muiji Uonene ua Jakobo

1. Kiebhi kiexanene o kisamanu kia ana a Jakobo a vuala ni muhatu’ê ua dianga Liia?

2. Nanhi exile ana aiadi a vuala selevende ia Liia, Nzidipa ni Jakobo?

3. Kiebhi kie xanene ana aiadi a vuala selevende ia Lakele, Bila ni Jakobo?

4. A nanhi exile ana aiadi a vuala Lakele, ni ihi ia bhitile kioso kia vuala o mon’ê ua kaiadi?

5. Kála ki ua mu mona mu fikula, Jakobo uakexile ni ana mala akuxi, ni ihi ia tundu kua ene?

Ibhuidisu ia mukuá:

1. Tanga Dimatekenu 29:32-35 ni 30:1-26.

   Kála kia bhitile ni 12 kia ana a Jakobo, kiebhi kiexile mu sola o majina a ana a Jihebeleu mu ukulu?

2. Tanga Dimatekenu 35:16-19 ni 37:35.

   Sumbala o Bibidia i tanga ngó o dijina dia Dinah, kiebhi ki tuejiia kuma Jakobo uakexile ni ana a kamúkua a ahatu? (Dim. 37:34, 35)

Musoso 20

Dinah ua di te mu Ibhidi

1. Mukonda diahi Mbalahamu ni Izake kandalele kuma an’ê a kazala ni ahatu akua Kanana?

2. O kuila Jakobo ua xikanene o ukamba ua mon’ê ni ilumba ia akua Kanana?

3. Mu fikula nanhi o diiala ua mu tala Dinah? Kima kiahi kiaiibha kia bhangele muéne?

4. Ihi ia bhange o jiphange ja Dinah, Ximá ni Levi, kioso kiévu ioso ia bhitile ni muéne?

5. O kuila Jakobo kia mu uabhela ioso ia bhange Ximá ni Levi?

6. O maka oso iá, a bhekesa ihi ku muiji?

Ibhuidisu ia mukuá:

1. Tanga Dimatekenu 34:1-31.

   1. O kuila Dinah uendele mu kunda ana a ixi ia Kanana veji imoxi ngó? Lombolola-kiu. (Dim. 34:1)

   2. Mukonda diahi Dinah uexile ni kikuma kia ku texi o ujitu uê? (Nga. 6:7)

   3. Kiebhi o mizangala ia lelu a tena kuidikisa kuma evu o ngolokela ia disá dia lungu ni ia bhitile ni Dinah? (Jisa. 13:20; 1 Kol. 15:33; 1 Nzuá 5:19)

Musoso 21

Zuze a mu Zembe ku Jiphange Jê

1. Mukonda diahi o jiphange ja Zuze akexile ni difuba dia muéne, ni ihi a bhange’nê?

2. Ihi ia mesenene o jiphange ja Zuze ku mu bhanga, ni ihi iambe Lubene?

3. Ihi ia bhitile kioso kia bhixila akua Ijimaiele?

4. Ihi ia bhangele o jiphange ja Zuze phala tat’â ku banza kuma Zuze uafú?

Ibhuidisu ia mukuá:

1. Tanga Dimatekenu 37:1-35.

   1. Kiebhi o Jikidistá a tena ku kaiela o phangu ia Zuze mu ku tanga o ituxi i bhita mu kilunga? (Dim. 37:2; Iji. 5:1; 1 Kol. 1:11)

   2. Ihi ia bhangesa o jiphange ja Zuze ku mu bhanga kiaiibha? (Dim. 37:11, 18; Jisa. 27:4; Tiya. 3:14-16)

   3. Jakobo ua divuile kiebhi ki londekesa kuma o muthu kiene kia kala kioso kia luuala? (Dim. 37:35)

Musoso 22

Zuze a mu Takula mu Kaleia

1. Mivu ikuxi ia kexile na-iu Zuze kioso kia mu ambatele mu Ijitu? Ihi ia bhitile kioso kia bhixila kuenhoko?

2. Mukonda diahi Zuze a mu takula mu kaleia?

3. Mu kaleia Zuze a mu bhana kikalakalu kiahi?

4. Mu kaleia ihi ia bhange Zuze ku kopelu ni padelu ia Falaó?

5. Ihi ia bhitile kioso o kopelu kia tundu mu kaleia?

Ibhuidisu ia mukuá:

1. Tanga Dimatekenu 39:1-23.

   Ihi ia bhangesa Zuze ku lenga o muhatu ua Potifale, se ki kua kexile lua kitumu kia Nzambi kiambele kuma kuta phanda kituxi? (Dim. 2:24; 20:3; 39:9)

2. Tanga Dimatekenu 40:1-23.

   1. Lombolola o nzoji ia kopelu ni kijimbuluilu kia bhele Jihova kua Zuze. (Dim. 40:9-13)

   2. Nzoji iahi ia lotele o padelu, ni nzoji íii ia lombolola ihi? (Dim. 40:16-19)

   3. Mu lelu, kiebhi o selevende ia fiiele ia dimuka, a kaiela o phangu ia Zuze? (Dim. 40:8; Jisá. 36:9; Nzuá 17:17; Ikalakalu 17:2, 3)

   4. Kiebhi o divulu dia Dimatekenu 40:20, di tu kuatekesa ku mona se mukonda diahi o Jikidistá ka bhange ji fesa ja mivu ia uvualukilu? (Ndo. 7:1; Mar 6:21-28)

Musoso 23

O Jinzoji ja Falaó

1. Mu usuku umoxi, ihi ia bhitile ni Falaó?

2. Mukonda diahi o kopelu ua lembalala Zuze?

3. Kála kidikisa o fikula, nzoji jiiadi jahi ja lotele Falaó?

4. Ihi ia zuela Zuze ia lungu ni dilomboluelu dia jinzoji?

5. Kiebhi Zuze kiéza mu kala muthu uonene ua kaiadi mu Ijitu, u mu tunda ngó Falaó?

6. Mukonda diahi o jiphange ja Zuze endele mu Ijitu, ni mukonda diahi ene ka muijidile?

7. Nzoji iahi ia lembalala Zuze, ni kiebhi o íii ia mu kuatekesa ku i tendela?

Ibhuidisu ia mukuá:

1. Tanga Dimatekenu 41:1-57.

   1. Kiebhi Zuze kia bhana kijingu kua Jihova? Kiebhi o Jikidistá ja lelu a tena ku kaiela o phangu iê? (Dim. 41:16, 25, 28; Mat. 5:16; 1 Phe. 2:12)

   2. Kiebhi o mivu ia kúdia kuavulu mu Ijitu, ni mivu ia kaiela ia nzala, idikisa kuma ia difuangana ni iene mu bhita mu kaxaxi ka ilongesu ia mundu ua Jihova lelu, ni ia Kidistándade? (Dim. 41:29, 30; Amo 8:11, 12)

2. Tanga Dimatekenu 42:1-8 ni 50:20.

   O kuila kituxi o abhezi a Jihova ku bhetamena muthu mukonda dia kijingu kia ungana uê, se kiki kiene kia bhanga ku ixi iâ? (Dim. 42:6)

Musoso 24

Zuze u Bhanga Polova ku Jiphange jê

1. Mukonda diahi Zuze ua tatela o jiphange jê kála alondi?

2. Mukonda diahi Jakobo uehela mon’ê ua kasule Bejamí kuia mu Ijitu?

3. Kiebhi o kopho ia phalata ia Zuze a i sange mu saku ia Bejamí?

4. Ujitu uahi ua bhanene Juda phala nehela Bejamí?

5. Kiebhi o jiphange ja Zuze a bhilukile athu ambote?

Ibhuidisu ia mukuá:

1. Tanga Dimatekenu 42:9-38.

   Kiebhi o izuelu ia Zuze io soneke mu divulu dia Dimatekenu 42:18, i kuatekesa adiakimi lelu, ala ni ikalakalu mu kilunga kia Jihova? (Neh. 5:15; 2 Kol. 7:1, 2)

2. Tanga Dimatekenu 43:1-34.

   1. Tuejiia kuma Lubene muéne o mona ua phande-kumbi, maji ihi idikisa kuma Juda muéne uakexile ku pholo ia jiphange jê? (Dim. 43:3, 8, 9; 44:14, 18; 1 Mal. 5:2)

   2. Kiebhi kia polovala Zuze o jiphange jê, ni mukonda diahi ua bhange kiki? (Dim. 43:33, 34)

3. Tanga Dimatekenu 44:1-34.

   1. Phala ku di sueka ku jiphange jê, ihi ia bhange Zuze phala ka muijiie? (Dim. 44:5, 15; Iji. 19:26)

   2. Kiebhi kiedikisa o jiphange ja Zuze kuma ka kexile dingi ni luímbi luê? (Dim. 44:13, 33, 34)

Musoso 25

O Muiji Uai mu Tunga mu Ijitu

1. Ihi ia bhitile kioso Zuze kia tangela o jiphange jê se muéne nanhi?

2. Ihi ia tangela Zuze ku jiphange jê ni henda ioso?

3. Ihi ia zuela Falaó kioso kiévu kia lungu ni jiphange ja Zuze?

4. Athu akuxi akexile ku muiji ua Jakobo kioso kiendele mu Ijitu?

5. Kiebhi kiexanene o muiji ua Jakobo, ni mukonda diahi?

Ibhuidisu ia mukuá:

1. Tanga Dimatekenu 45:1-28.

   Kiebhi o musoso ua Bibidia ua lungu ni Zuze uidikisa kuma, Jihova u tena ku bhanga kuila se a mesena ku bhanga kiaiibha ku jiselevende jê, i kituka mbote phala ene? (Dim. 45:5-8; Iza. 8:10; Fil. 1:12-14)

2. Tanga Dimatekenu 46:1-27.

   Kikanenu kiahi kia bhele Jihova kua Jakobo mu njila iê ku Ijitu? (Dim. 46:1-4)

Musoso 26

Jobe Mukuá Kixikinu Kua Nzambi

1. Nanhi uexile Jobe?

2. Ihi ia fikisa Satanaji ku bhanga, maji o kuila muéne ua tenene?

3. Ihi Jihova iehela Satanaji ku bhanga, ni mukonda diahi?

4. Mukonda diahi o muhatu ua Jobe ua mu ambela, “Nzambi mu xinge, u fué kiá”? (Tala mu fikula.)

5. Kála kidikisa o fikula ia kaiadi, kiebhi Jihova kia zediuisa Jobe, ni mukonda diahi?

6. Se tu kala ni kixikinu kua Jihova kála Jobe, mabesá ahi tua-nda tambula?

Ibhuidisu ia mukuá:

1. Tanga Jobe 1:1-22.

   Kiebhi o Jikidistá ja lelu, a tena ku kaiela Jobe? (Jobe 1:1; Fil. 2:15; 2 Phe. 3:14)

2. Tanga Jobe 2:1-13.

   Kiebhi Jobe ni muhatu uê ka difuanganene mu kitambuijilu kia kizukutisu kia Satanaji? (Jobe 2:9, 10; Jisa. 19:3; Mik. 7:7; Mal. 3:14)

3. Tanga Jobe 42:10-17.

   1. Kisakidilu kiahi kia tambula Jobe kia difuangana ni kia tambula Jezú mukonda dia kixikinu kiâ, kia kexile na-kiu ku muenhu? (Jobe 42:12; Fil. 2:9-11)

   2. Kiebhi ki tu suínisa o mabesá a tambula Jobe mu ku kolokota ku kixikinu kiê, kua Nzambi? (Jobe 42:10, 12; Jih. 6:10; Tiya. 1:2-4, 12; 5:11)

Musoso 27

O Sobha Iaiibha i Tumina mu Ijitu

1. Mu fikula, nanhi o diiala ua kuata o xikote, ni ua mu beta nanhi?

2. Kioso kiafú Zuze, ihi ia bhiti ni akua Izalaiele?

3. Mukonda diahi akua Ijitu akexile ni uôma ua akua Izalaiele?

4. Kitumu kiahi kia bhanene Falaó ku ahatu akexile mu vualesa ahatu akua Izalaiele?

Ibhuidisu ia mukuá:

1. Tanga Makatukilu 1:6-22.

   1. Kiebhi o kikanenu kia bhele Jihova kua Mbalahamu, kia mateka ku di kumbidila? (Mak. 1:7; Dim. 12:2; Ikalakalu 7:17)

   2. Kiebhi avuadixi a akua Jihebeleu edikisa ujitu ku muenhu? (Mak. 1:17; Dim. 9:6)

   3. Kisakidilu kiahi kia tambula avuadixi mu kixikinu kiâ, kua Jihova? (Mak. 1:20, 21; Jisa. 19:17)

   4. Ihi ia bhangele Satanaji phala ku fidisa o vondadi ia Jihova, ia lungu ni Mbutu ia kikanenu kia Mbalahamu? (Mak. 1:22; Mat. 2:16)

Musoso 28

Kiebhi Kia Bhuluka o Kamona Mozé

1. Nanhi o kamona mu fikula, o mulembu ua kuata ua nanhi?

2. Ihi ia bhangele mama ia Mozé phala ku mu bhulula o muenhu?

3. Nanhi o kilumba mu fikula, ni ihi ia bhangele muéne?

4. Kioso o mona Falaó kia sangele o kamona, ihi iambele Midiiana?

5. Ihi iambe o mon’a sobha kua manh’â Mozé?

Ibhuidisu ia mukuá:

1. Tanga Makatukilu 2:1-10.

   Thembu ahi ia kexile na-iu mama a Mozé phala ku mu longa mu u ndenge uê? Phangu iahi i bhana ku jitata lelu? (Mak. 2:9, 10; Dia. 6:6-9; Jisa. 22:6; Efe. 6:4; 2 Tim. 3:15)

Musoso 29

Mukonda Diahi Mozé ua Lenge

1. Kuebhi kua kudila Mozé, ni ihi iejidile ia lungu ni jitata jê?

2. Ihi ia bhangele Mozé kioso kia kexile ni 40 a mivu?

3. Ihi ia zuelele Mozé ku mukuá Izalaiele uakexile mu bhânga, ni kiebhi kia mu tambuijila o diiala?

4. Mukonda diahi Mozé ua lenge ku Ijitu?

5. Kuebhi kua lengela Mozé, kuenhoko uejidile-ko nanhi?

6. Ihi ia bhangele Mozé mu 40 a mivu, kioso kia lenge ku Ijitu?

Ibhuidisu ia mukuá:

1. Tanga Makatukilu 2:11-25.

   Sumbala Mozé a mu longo mu mivu iavulu mu unjimu ua akua Ijitu, kiebhi muéne kiedikisa ku zola kua Jihova ni mundu uê? (Mak. 2:11, 12; Jih. 11:24)

2. Tanga Ikalakalu 7:22-29.

   Disá diahi di tu longa Mozé, kia fikisa muéne ku bhulula akua Izalaiele mu ubhika mu Ijitu? (Ikalakalu 7:23-25; 1 Phe. 5:6, 10)

Musoso 30

O Kisasa Kia Uama

1. Kiebhi kiexana o mulundu uala mu fikula?

2. Jimbulula o madiuanu a mono Mozé kioso kiendele ku mulundu ni jimbudi jê.

3. Ihi iambe o dízui dia tundu mu kisasa kia uama, o dízui diexile dia nanhi?

4. Ihi ia tambuijila Mozé kioso kia mu ambela Nzambi kuma muéne ua-nda katula o muiji ua Nzambi bhu kanga dia Ijitu?

5. Ihi ia zuela Nzambi ieji tambuijila Mozé se a mu ibhula nanhi ua ku tumikisa?

6. Kiebhi Mozé kieji tena kuidikisa kuma Nzambi ua mu tumikisa?

Ibhuidisu ia mukuá:

1. Tanga Makatukilu 3:1-22.

   Kiebhi o kia bhitile ni Mozé ki tu bhana kidielelu, kuma né muene ki tu tena ku bhanga o kikalakalu, Jihova u tena ku tu kuatekesa (Mak. 3:11, 13; 2 Kol. 3:5, 6)

2. Tanga Makatukilu 4:1-20.

   1. Kibhilukilu kiahi kia bhitile mu ukexilu ua Mozé mu 40 a mivu, kioso kia kexile mu Midiiana, ni disá diahi ió a mesena ku tambula ikalakalu mu kilunga a tena ku dilonga? (Mik. 2:11, 12; 4:10, 13; Mik. 6:8; 1 Tim. 3:1, 6, 10)

   2. Né muene Jihova u tu bazela mu kaxaxi ka kilunga kiê, kidielelu kiahi ki tu bhana o phangu ia Mozé? (Mak. 4:12-14; Jisá. 103:14; Jih. 12:4-11)

Musoso 31

Mozé ni Alá a Zuela ni Falaó

1. O madiuanu a bhangele Mozé ni Alá, a bhangesa ihi ku akua Izalaiele?

2. Ihi iambe Mozé ni Alá kua Falaó, ni ihi ia tambuijila Falaó?

3. Kála kidikisa o fikula, ihi ia bhitile kioso Alá kia takula o mbangala iê bhoxi?

4. Disá diahi dia bhana Jihova kua Falaó, ni ihi ia bhange Falaó?

5. Ihi ia bhitile kioso kiabhu o dibhebhu dia kakuinhi?

Ibhuidisu ia mukuá:

1. Tanga Makatukilu 4:27-31 ni 5:1-23.

   Ihi ia-ndalele ku zuela Falaó kioso kiambe: “Eme Jihova ki nga mu ijiia”? (Mak. 5:2; 1 Sam. 2:12; Lom. 1:21)

2. Tanga Makatukilu 6:1-13, 26-30.

   1. Kiebhi Jihova ka di bhana kuijiia kua Mbalahamu ni Izake ni Jakobo? (Mak. 3:13, 14; 6:3; Dim. 12:8)

   2. Kiebhi ki tu divua mu kuijiia kuma Jihova ua tumina Mozé ku bhanga o kikalakalu, se Mozé ua kijidile kuma keji tena ku ki bhanga? (Mak. 6:12, 30; Luka 21:13-15)

3. Tanga Makatukilu 7:1-13.

   1. Phangu iahi ia xisa Mozé ni Alá phala o jiselevende ja Jihova lelu, kioso kia bokele ni ku suína kuoso o ufundisu ua Nzambi kua Falaó? (Mak. 7:2, 3, 6; Ikalakalu 4:29-31)

   2. Kiebhi kiedikisa Jihova o ku tena kuê, ku jinzambi ja Ijitu? (Mak. 7:12; 1 Mal. 29:12)

Musoso 32

O Dikuinhi Dia Mabhebhu

1. Tundé mu fikula iala bhabha, tanga hanji o mabhebhu atatu a dianga a bhekele Jihova ku Ijitu.

2. Ihi ki i difuile mu mabhebhu atatu a dianga, ni a kamúkua?

3. Mabhebhu ahi a kauana, a katanu, ni ia kasamanu?

4. Jimbulula o mabhebhu a kasambuadi, a kanake, ni a kavua.

5. Ihi ia tumina Jihova ku bhanga ku akua Izalaiele ande dia kuíza o dibhebhu dia kakuinhi?

6. O dibhebhu dia kakuinhi diexile diahi, ni ihi ia bhitile kioso kiabhu?

Ibhuidisu ia mukuá:

1. Tanga Makatukilu 7:19–8:23.

   1. Né muene o jinganga ja Ijitu, a tenene ku bhanga o mabhebhu aiadi a dianga a bhangele Jihova, ihi ia a bhangesa ku xikana kioso kia bhitile o dibhebhu dia katatu? (Mak. 8:18, 19; Mat. 12:24-28)

   2. Kiebhi kiedikisa o dibhebhu dia kauana o ku tena kua Jihova kua ku langa o mundu uê? Mu kuijiia o maka enhá, kiebhi kia divuile o mundu ua Nzambi mu ku kingila o “hadi ia dikota?” (Mak. 8:22, 23; Dij. 7:13, 14; 2 Mal. 16:9)

2. Tanga Makatukilu 8:24; 9:3, 6, 10, 11, 14, 16, 23-25; ni 10:13-15, 21-23.

   1. Ibuka iiadi iahi ki i difuile iedikisa o Dikuinhi dia Mabhebhu? Kiebhi kiki ki fikila o ukexilu uetu ua ku mona o ibuka íii lelu? (Mak. 8:10, 18, 19; 9:14)

   2. Kiebhi ki tu kuatekesa o divulu dia Makatukilu 9:16, mu kuijiia se mukonda diahi Jihova uehela Satanaji ku kala ni muenhu katé lelu? (Lom. 9:21, 22)

3. Tanga Makatukilu 12:21-32.

   Kiebhi o Phasu ia bhulula athu avulu, ni ihi o Phasu ia jimbuluile? (Mak. 12:21-23; Nzuá 1:29; Lom. 5:18, 19, 21; 1 Kol. 5:7)

Musoso 33

Kuzaúka mu Kalunga Kakusuka

1. Maiala akuxi ni ahatu ni ana-ndenge a tundu mu Ijitu, ni a nanhi ué endele nau?

2. Kiebhi kia divuile Falaó, kioso kiehela akua Izalaiele ku tunda, ni ihi ia bhangele muéne?

3. Ihi ia bhange Jihova phala ku fidisa akua Ijitu ku kuata o mundu uê?

4. Ihi ia bhitile kioso Mozé kia sununa o mbangala iê, ku Kalunga Kakusuka, ni ihi ia bhangele akua Izalaiele?

5. Ihi ia bhitile kioso akua Ijitu kia bokona mu kalunga mu ku kaiela akua Izalaiele?

6. Ihi ia bhangele akua Izalaiele phala kuidikisa kuma a sangulukile, ni kisakidilu kia Jihova mu ku a bhulula?

Ibhuidisu ia mukuá:

1. Tanga Makatukilu 12:33-36.

   Ihi ia bhangele Jihova phala o mundu uê ku tambula kisakidilu ku mivu ioso ia bhitile mu ubhika mu Ijitu? (Mak. 3:21, 22; 12:35, 36)

2. Tanga Makatukilu 14:1-31.

   Kiebhi o izuelu ia Mozé mu divulu dia Makatukilu 14:13, 14, i fikila o jiselevende ja Jihova a mu kingila o ita ia Alumajedone? (2 Mal. 20:17; Jisá. 91:8)

3. Tanga Makatukilu 15:1-8, 20, 21.

   1. Mukonda diahi o jiselevende ja Jihova, a tokala ku mu imbila kiximanu? (Mak. 15:1, 2; Jisá. 105:2, 3; Dij. 15:3, 4)

   2. Phangu iahi ia ku ximana Jihova ia xisa Midiiana ni ahatu bhu Kalunga Kakusuka phala ahatu Jikidistá ja lelu? (Mak. 15:20, 21; Jisá. 68:11)

Musoso 34

O Kúdia Kuobhe

1. Mu fikula, ihi athu ia mu bonga bhoxi, ni kiebhi kia ixanene?

2. Ilongesu iahi ia bhana Mozé ku mundu ia lungu ni maná ia tokalele ku bonga?

3. Ihi iambele Jihova ku mundu ia tokalele ku bhanga mu kizuua kia kasamanu, ni mukonda diahi?

4. Madiuanu ahi a bhangele Jihova, kioso athu kia bhakele o maná phala o kizuua kia kasambuadi?

5. Mu thembu ikuxi Jihova ua disá o mundu uê ni maná?

Ibhuidisu ia mukuá:

1. Tanga Makatukilu 16:1-36 ni Dialuilu 11:7-9.

   1. Ihi idikisa o divulu dia Makatukilu 16:8, ia lungu ni ku xila o ikalakalu mu kilunga kia Jikidistá? (Jih. 13:17)

   2. Mu kikangalakata, kiebhi akua Izalaiele akexile mu ku a lembalala izuua ioso kuma Jihova uakexile mu a tambula konda? (Mak. 16:14-16, 35; Mate. 8:2, 3)

   3. Kijimbuete kiahi kia bhele Jezú kia lungu ni maná, ni mbote iahi i tu kala na-iu ku “mbolo ia diulu”? (Nzuá 6:31-35, 40)

2. Tanga Nzuá 5:10-12.

   Mu mivu ikuxi ia dile akua Izalaiele o maná, ni kiebhi kiki kiexile polova phala ene? Ihi i tu longa o disá didi? (Mak. 16:35; Dia. 11:4-6; 1 Kol. 10:10, 11)

Musoso 35

Jihova u Bhana o Itumu Iê

1. Mu mbeji jiiadi kioso kia xisa Ijitu, kuebhi kua kexile akua Izalaiele?

2. Ihi ia mesenene Jihova ieji bhanga o mundu, ni kiebhi kia tambuijila ene?

3. Mukonda diahi Jihova ua bhana kua Mozé matadi aiadi a mabaia?

4. Kua kexile kiá o Dikuinhi dia Ijila, itumu ia kamúkua iahi dingi ia bhanene Jihova ku akua Izalaiele?

5. Itumu iiadi iebhi ia makota ia zuela Jezú Kristu?

Ibhuidisu ia mukuá:

1. Tanga Makatukilu 19:1-25; 20:1-21; 24:12-18; ni 31:18.

   Kiebhi o izuelu io soneke mu divulu dia Makatukilu 19:8, i tu kuatekesa o kuijiia ihi ia bhingi phala ku di bhakula kála Kidistá? (Mat. 16:24; 1 Phe. 4:1-3)

2. Tanga Matendelelu 6:4-6; Ijila 19:18; ni Matesu 22:36-40.

   Kiebhi o Jikidistá edikisa o ku zola Nzambi ni akuâ? (Mar 6:34; Ikalakalu 4:20; Lom. 15:2)

Musoso 36

O Kangombe ka Ulu

1. Mu fikula, ihi ia mu bhanga o mundu, ni mukonda diahi?

2. Mukonda diahi Jihova ua dizangala, ni ihi ia bhangele Mozé kioso kia mono iexile mu bhanga o mundu?

3. Ihi ia tumina Mozé ku maiala a kamúkua ku bhanga?

4. Disá diahi di tu longa o musoso iú?

Ibhuidisu ia mukuá:

1. Tanga Makatukilu 32:1-35.

   1. Kiebhi kidikisa o disá didi, o ukexilu ua Jihova ua lungu ni kufunga o ubhezelu ua kidi ni ua makutu? (Mak. 32:4-6, 10; 1 Kol. 10:7, 11)

   2. Mukonda diahi o Jikidistá a tokala kualuka kioso kia sola o u tonokenu kála ua ku kina mba ua kuimba? (Mak. 32:18, 19; Efe. 5:15, 16; 1 Nzuá 2:15-17)

   3. Kiebhi kia bhana o diembu dia Levi o phangu iambote ia lungu ni ku zokela o ku iuka? (Mak. 32:25-28; Jisá. 18:25)

Musoso 37

O Balaka ia Kubheza

1. Dijina diahi dia bhana ku inzo ia mu moneka mu fikula, ni ia sidivile phala ihi?

2. Mukonda diahi Jihova ua tumina Mozé phala ku tunga o balaka phala ki ibhonze ku isokomona?

3. Ihi o kaxa iala koxi ia balaka, ni ihi iala mu kaxa?

4. Nanhi a mu solo kua Jihova phala ku kala mukunji ua dikota, ni ihi i bhanga o mukunji ua dikota?

5. Zuela o majina a ima itatu iala mu sala ionene ia balaka.

6. Ima iiadi iahi iala mu kimbaka kia kalatódio, ni i sidivila phala’hi?

Ibhuidisu ia mukuá:

1. Tanga Makatukilu 25:8-40; 26:1-37; 27:1-8; ni Makatukilu28:1.

   Ihi idikisa o jixelube ku thandu dia “álaka ia umbangi”? (Mak. 25:20, 22; Dia. 7:89; 2 Jis. 19:15

2. Tanga Makatukilu 30:1-10, 17-21; 34:1, 2; ni Jihebeleu 9:1-5.

   1. Mukonda diahi Jihova ua tendelesa o ku zela kua mukutu ua akunji akexile mu sidivila mu balaka? Kiebhi kiki ki tu fikila lelu? (Mak. 30:18-21; 40:30, 31; Jih. 10:22)

   2. Kiebhi kiedikisa poxolo Phaulu kuma o balaka, ni Itumu ia kikutu ia bhuile kiá, mu thembu ia soneka o mukanda ku Jikidistá ja akua Jihebeleu? (Jih. 9:1, 9; 10:1)

Musoso 38

O 12 Kia Alondi

1. Mu fikula, ihi ia ku uabhela mu kisasa kiki kia jiuva, ni kiki kia tundu kuebhi?

2. Mukonda diahi Mozé ua tumikisa 12 kia alondi ku londa o ixi ia Kanana?

3. Kioso kia vutuka o dikuinhi dia alondi, ihi ia tangela kua Mozé?

4. Kiebhi kiedikisa o alondi kuma a dielela kua Jihova, ni kiebhi kia exanene?

5. Mukonda diahi Jihova ua dizangalele, ni ihi muéne iambela Mozé?

Ibhuidisu ia mukuá:

1. Tanga Dialuilu 13:1-33.

   1. Nanhi a mu solele phala ku londa o ixi, ni kithangana kiahi ene kia kexile na-kiu? (Dia. 13:2, 3, 18-20)

   2. Mukonda diahi Josuué ni Kalebe ka banzele kála alondi a kamúkua, ni íii i tu longa ihi? (Dia. 13:28-30; Mat. 17:20; 2 Kol. 5:7)

2. Tanga Dialuilu 14:1-38.

   1. Ngolokela iahi ia lungu ni ku longolola a tuameni mu kilunga kia Jihova tua tokala kuívua? (Dia. 14:2, 3, 27; Mat. 25:40, 45; 1 Kol. 10:10)

   2. Kiebhi o divulu dia Dialuilu 14:24, didikisa kuma Jihova u zola o jiselevende jê, kála muthu ni muthu? (1 Jis. 19:18; Jisa. 15:3)

Musoso 39

O Mbangala ia Alá Isabhuka Ithulu

1. A nanhi a xibhakele o ungana ua Mozé ni Alá, ni ihi ia zuela kua Mozé?

2. Ihi ia tumina Mozé kua Kola ni 250 a akaiedi’ê ku bhanga?

3. Ihi ia zuelele Mozé ku mundu, ni ihi ia bhitile kioso kia zubha o ku zuela?

4. Ihi ia bhitile ni Kola ni 250 a akaiedi’ê?

5. Ihi ia bhange Eliiazale mona Alá, ni imuikinu ia uasu ia maiala afú, ni mukonda diahi?

6. Mukonda diahi Jihova ua bhangesa o mbangala ia Alá ku sabhuka ithulu? (Tala o fikula.)

Ibhuidisu ia mukuá:

1. Tanga Dialuilu 16:1-49.

   1. Ihi ia bhange Kola ni akaiedi’ê? Mukonda diahi íii iexile kima kia ku xibhakela Jihova? (Dia. 16:9, 10, 18; Iji. 10:1, 2; Jisa. 11:2)

   2. Ndunge iahi iaiibha ia kexile na-iu Kola ni 250 a “adiakimi a kiônge”? (Dia. 16:1-3; Jisa. 15:33; Iza. 49:7)

2. Tanga Dialuilu 17:1-11 ni 26:10.

   1. Ihi iedikisa o ku sabhuka kua mbangala ia Alá, ni mukonda diahi Jihova ua tumina ku ibhaka mu álaka? (Dia. 17:5, 8, 10)

   2. Disá diahi dia mbote di tua dilongo mu kijimbuete kia mbangala ia Alá? (Dia. 17:10; Ikalakalu 20:28; Fil. 2:14; Jih. 13:17)

Musoso 40

Mozé u Beta ku Ditadi

1. Kiebhi Jihova kia tambula konda ia akua Izalaiele kioso kia kexile hanji mu kikangalakata?

2. Ihi akexile ku dikola akua Izalaiele kioso kia kexile hanji mu Kadexi?

3. Ihi ia bhange Jihova phala ku bhana menha ku mundu ni ku iama?

4. Mu fikula, nanhi o diiala dia mu didikisa, ni mukonda diahi muéne ua mu bhanga kiki?

5. Mukonda diahi Jihova ua dizangala ni Mozé ni Alá, ni kiebhi kia a kaxtikala?

6. Ihi ia bhitile ku Mulundu ua Hole? Nanhi ua kituka o mukunji ua dikota mu Izalaiele?

Ibhuidisu ia mukuá:

1. Tanga Dialuilu 20:1-13, 22-29 ni Matendelelu 29:5.

   1. Ihi i tua dilongo ku ukexilu ua Jihova ua ku tambula konda ia akua Izalaiele mu kikangalakata? (Mate. 29:5; Mat. 6:31; Jih. 13:5; Tiya. 1:17)

   2. Kiebhi Jihova kia mono o ku lueza kua Mozé ni Alá mu ku kamba ku mu bhana kijingu bhu pholo ia akua Izalaiele? (Dia. 20:12; 1 Kol. 10:12; Dij. 4:11)

   3. Ihi i tu longa o ukexilu ua Mozé, kioso kia mu kaxtikala kua Jihova? (Dia. 12:3; 20:12, 27, 28; Mate. 32:4; Jih. 12:7-11)

Musoso 41

O Nhoka ia Kóbidi

1. Mu fikula, ihi ia dinhingi ku muxi, ni mukonda diahi Jihova ua tumina Mozé ku i tula ku muxi?

2. Kiebhi kiedikisa o mundu o ku kamba o kisakidilu mu ioso ia kexile mu ku a bhangela Nzambi?

3. Ihi ia bhingi o mundu kua Mozé kioso kia tumikisa Jihova o jinhoka ja madiuta phala ku a kaxtikala?

4. Mukonda diahi Jihova ua tumina Mozé ku bhanga o nhoka ia kóbidi?

5. Disá diahi di tu longa o musoso iú?

Ibhuidisu ia mukuá:

1. Tanga Dialuilu 21:4-9.

   1. Kiebhi o ku dikola kua akua Izalaiele kua lungu ni kúdia kua kexile ku a bhana Jihova, ku sidivila phala ku tu dimuna? (Dia. 21:5, 6; Lom. 2:4)

   2. Mu ukulu, ihi ia kexile mu bhanga akua Izalaiele ni nhoka ia kóbidi, ni ihi ia bhange o Sobha Ezekiia? (Dia. 21:9; 2 Jis. 18:1-4)

2. Tanga Nzuá 3:14, 15.

   Kiebhi o nhoka ia kóbidi io tudile ku muxi, ia sidivila phala ku tu dimuna, ilondekesa kiambote Jezú Kristu a mu phaphela ku taka? (Nga. 3:13; 1 Phe. 2:24)

Musoso 42

O Bulu Izuela

1. Nanhi uexile Balake, ni mukonda diahi muéne uexana Balamu?

2. Mukonda diahi o bulu ia Balamu ia zeka bhoxi?

3. Ihi iévu Balamu o bulu ku zuela?

4. Ihi ia zuela o anju kua Balamu?

5. Ihi ia bhitile kioso Balamu kia fikisa ku ta mázui ku akua Izalaiele?

Ibhuidisu ia mukuá:

1. Tanga Dialuilu 21:21-35.

   Mukonda diahi akua Izalaiele a nganhala o Sobha Sihone ia akua Amone ni Sobha Hoke ia akua Basane? (Dia. 21:21, 23, 33, 34)

2. Tanga Dialuilu 22:1-40.

   Mukonda diahi Balamu ua fikisa ku ta mázui ku akua Izalaiele, ni disá diahi di tua dilongo mumu? (Dia. 22:16, 17; Jisa. 6:16, 18; 2 Phe. 2:15; Juda 11)

3. Tanga Dialuilu 23:1-30.

   Sumbala Balamu ua zuelele kála mubhezi ua Jihova, kiebhi kiedikisa o kuiibha kuê? (Dia. 23:3, 11-14; 1 Sam. 15:22)

4. Tanga Dialuilu 24:1-25.

   Kiebhi o musoso iu ua Bibidia u kolokotesa o kixikinu k’etu mu ki kumbidilu kia vondadi ia Jihova (Dia. 24:10; Iza. 54:17)

Musoso 43

Josuué ua Kituka Mutuameni

1. Mu fikula, a nanhi o maiala aiadi ala ni Mozé?

2. Ihi ia zuela Jihova kua Josuué?

3. Mukonda diahi Mozé ua bande ku Mulundu ua Nebo, ni ihi ia mu zuelela Jihova?

4. Mivu ikuxi ia kexile na-iu Mozé kioso kiafú?

5. Mukonda diahi o mundu ua luualele, maji mukonda diahi ene a tokalele ku sanguluka dingi?

Ibhuidisu ia mukuá:

1. Tanga Dialuilu 27:12-23.

   Kikalakalu kiahi kia bhonzo kia tambula Josuué kua Jihova? Kiebhi Jihova kiene mu tambula konda ia mundu Uê lelu? (Dia. 27:15-19; Ikalakalu 20:28; Jih. 13:7)

2. Tanga Matendelelu 3:23-29.

   Mukonda diahi Jihova kehela Mozé ni Alá ku bokona mu ixi ia kikanenu, ni disá diahi di tua dilongo mumu? (Mate. 3:25-27; Dia. 20:12, 13)

3. Tanga Matendelelu 31:1-8, 14-23.

   Kiebhi kiedikisa o kizuelu kia Mozé, kuma muéne ua xikanene o kibazelu kia Jihova? (Mate. 31:6-8, 23)

4. Tanga Matendelelu 32:45-52.

   Kiebhi o Maka a Nzambi a tokala ku fikila o muenhu uetu? (Mate. 32:47; Iji. 18:5; Jih. 4:12)

5. Tanga Matendelelu 34:1-12.

   Tuejiia kuma Mozé nuka ua muene Jihova, kiebhi kidikisa o divulu dia Matendelelu 34:10, maka alungu ni ukamba uê ni Jihova? (Mak. 33:11, 20; Dia. 12:8)

Musoso 44

Lahaba u Sueka Alondi

1. Kuebhi kua tungile Lahaba?

2. A nanhi o maiala aiadi mu fikula, ni mukonda diahi ene ala mu Jedikó?

3. Ihi o sobha ia Jedikó ia tumina Lahaba ku bhanga, ni ihi ia tambuijila muéne?

4. Kiebhi Lahaba kia kuatekesa o maiala aiadi, ni ihi ia bhingi muéne?

5. Kikanenu kiahi kia bhangele o alondi aiadi kua Lahaba?

Ibhuidisu ia mukuá:

1. Tanga Josuué 2:1-24.

   Kiebhi o kikanenu kia Jihova kio soneke mu divulu dia Makatukilu 23:28, ia di kumbidila kioso akua Izalaiele kia bhânge ni akua Jedikó? (Josu. 2:9-11)

2. Tanga Jihebeleu 11:31.

   Kiebhi o phangu ia Lahaba i bandekesa o ku beta-kota kia kixikinu? (Lom. 1:17; Jih. 10:39; Tiya. 2:25)

Musoso 45

Kuzaúka mu Ngiji ia Njolodá

1. Madiuanu ahi a bhange Jihova phala akua Izalaiele kuzaúka mu Ngiji ia Njolodá?

2. Kima kiahi kia kixikinu kia tokalele ku bhanga akua Izalaiele phala kuzaúka o Ngiji ia Njolodá?

3. Mukonda diahi Jihova ua tumina Mozé ku bonga 12 ia matadi onene mu kaxaxi ka ngiji?

4. Ihi ia bhitile kioso akunji kia tundu mu kaxaxi ka Njolodá?

Ibhuidisu ia mukuá:

1. Tanga Josuué 3:1-17.

   1. Kala kiedikisa o musoso iu, ihi i tua tokala ku bhanga phala ku tambula o kikuatekesu ni mabesá a Jihova? (Josu. 3:13, 15; Jisa. 3:5; Tiya. 2:22, 26)

   2. Kiebhi kiexile o Ngiji ia Njolodá kioso akua Izalaiele kia zaúka phala ku bokona mu Ixi ia Kikanenu? Kiebhi kiki kia bhana kijingu ku dijina dia Jihova? (Josu. 3:15; 4:18; Jisá. 66:5-7)

2. Tanga Josuué 4:1-18.

   O 12 kia matadi a katula mu Njolodá ni a emika ku Jidingale, a sidivila phala’hi? (Josu. 4:4-7)

Musoso 46

Ilumbu ia Jedikó

1. Ihi Jihova ia tumina o masoladi ni akunji ku bhanga mu izuua isamanu ia muvimba?

2. Ihi ia tokalele ku bhanga o maiala mu kizuua kia kasambuadi?

3. Kála ki ua mu mona mu fikula, ihi ia mu bhita ni ilumbu ia Jedikó?

4. Mukonda diahi a kutila o ngoji ia kusuka mu njanela?

5. Ihi ia tumina Josuué o masoladi ku bhanga ku athu ni ku mbanza, maji ihi ia tokalele ku bhanga ni phalata, ni ulu, ni kóbidi ni felu?

6. Ihi ia tokalele ku bhanga o alondi aiadi?

Ibhuidisu ia mukuá:

1. Tanga Josuué 6:1-25.

   1. Kiebhi o ku kondoloka kua akua Izalaiele mu Jedikó mu izuua isamanu kua sokela ni kikalakalu kia kuboka kia Jimbangi ja Jihova mu izuua íii ia sukina? (Josu. 6:15, 16; Iza. 60:22; Mat. 24:14; 1 Kol. 9:16)

   2. Kiebhi o kikanenu kio soneke mu divulu dia Josuué 6:26, kia di kumbidila mu 500 ja mivu ku pholo? Ihi íii i tu longa ia lungu ni kizuelu kia Jihova? (1 Jis. 16:34; Iza. 55:11)

Musoso 47

O Muii mu Izalaiele

1. Mu fikula, nanhi o diiala dia mu funda o imbamba iambote io katule mu Jedikó, ni a nanhi ala ku mu kuatekesa?

2. Mukonda diahi o ia bhangele Akane, ni muiji uê, kiexile kituxi?

3. Ihi ia tambuijila Jihova kioso Josuué kia mu ibhula se mukonda diahi akua Izalaiele ka nganhala o ita kioso kia bhânge ni akua Hai?

4. Ihi ia bhitile ni Akane ni muiji uê, kioso kia ambatele kua Josuué?

5. Disá diahi dia beta-kota ku tu longa dia ufundisu ua Akane?

Ibhuidisu ia mukuá:

1. Tanga Josuué 7:1-26.

   1. Ihi idikisa o musambu ua Josuué ua lungu ni ukamba uakexile nau ni Mubhangi uê? (Josu. 7:7-9; Jisá. 119:145; 1 Nzuá 5:14)

   2. Ihi idikisa o phangu ia Akane, ni kiebhi íii i sidivila phala ku tu dimuna? (Josu. 7:11, 14, 15; Jisa. 15:3; 1 Tim. 5:24; Jih. 4:13)

2. Tanga Josuué 8:1-29.

   Kikalakalu kiahi ki tuala na-kiu kala muthu mu kilunga kia Jikidistá lelu? (Josu. 7:13; Iji. 5:1; Jisa. 28:13)

Musoso 48

O Jinjimu ja akua Ngibiione

1. Kiebhi o mundu ua Ngibiione ka difuile ni akua Kanana ni jimbanza ja zukamene?

2. Kála kiedikisa o fikula, ihi ia mu bhanga akua Ngibiione, ni mukonda diahi?

3. Ihi ia kanena Josuué ni atuameni a Izalaiele ku akua Ngibiione, maji mu ku bhita izuua itatu, ihi ia tungununa?

4. Ihi ia bhitile kioso o jisobha ja jimbanza ja mukuá evu kuma Ngibiione a bhange paze ni akua Izalaiele?

Ibhuidisu ia mukuá:

1. Tanga Josuué 9:1-27.

   1. Tundé kia bhanene Jihova o ilongesu ku diembu dia akua Izalaiele phala ku buika athu oso mu ixi, ukexilu uahi uedikisa mu ku loloka akua Ngibiione? (Josu. 9:22, 24; Mat. 9:13; Ikalakalu 10:34, 35; 2 Phe. 3:9)

   2. Mu ku kumbidila o kikutu kiê, kia bhangele ni Ngibiione, kiebhi Josuué ua xisa phangu iambote phala o Jikidistá ja lelu? (Josu. 9:18, 19; Mat. 5:37; Efe. 4:25)

2. Tanga Josuué 10:1-5.

   Kiebhi o mundu ua dikota lelu, u kaiela akua Ngibiione, kienhiki ene a kituka jinguma ja nanhi? (Josu. 10:4; Zak. 8:23; Mat. 25:35-40; Dij. 12:17)

Musoso 49

O Muanha Uemanene

1. Mu fikula, ihi Josuué ua mu bhinga, ni mukonda diahi?

2. Kiebhi Jihova kia kuatekesa Josuué ni masoladi mê?

3. Sobha jikuxi ja nganhala Josuué, ni thembu ikuxi ia bhangele kiki?

4. Mukonda diahi Josuué ua uane o ixi ia Kanana?

5. Mivu ikuxi ia kexile na-iu Josuué kioso kiafú, ni ihi ia bhitile ni mundu ku pholo?

Ibhuidisu ia mukuá:

1. Tanga Josuué 10:6-15.

   O kuijiia kuma Jihova ua bhangesa o muanha ni dieji kuimana, i tu bhana kidielelu kiahi lelu? (Josu. 10:8, 10, 12, 13; Jisá. 18:3; Jisa. 18:10)

2. Tanga Josuué 12:7-24.

   Mu kidi, nanhi ua buikisa o 31 ua jisobha ja Kanana? Mukonda diahi kiki kima kiambote phala etu lelu? (Josu. 12:7; 24:11-13; Mate. 31:8; Luka 21:9, 25-28)

3. Tanga Josuué 14:1-5.

   Kiebhi kia uane o ixi mu madiembu a akua Izalaiele? Ihi idikisa ia lungu ni ku lundula o Palaízu? (Josu. 14:2; Iza. 65:21; Ize. 47:21-23; 1 Kol. 14:33)

4. Tanga Afundixi 2:8-13.

   Kála Josuué mu Izalaiele, nanhi ua mu kalakala lelu, phala ku zubha ni ilongesu ia makutu? (Afun. 2:8, 10, 11; Mat. 24:45-47; 2 Tes. 2:3-6; Tito 1:7-9; Dij. 1:1; 2:1, 2)

Musoso 50

Ahatu Aiadi sé Uôma

1. A nanhi exile afundixi, ni kiebhi kiexanene akamukuá diâ?

2. Kikalakalu kiahi kiexile na-kio Debola, ni ihi ilombolola?

3. Kioso o Sobha Jabine ni kabhitangu kê ka masoladi, Xixela, akexile mu kuatesa uôma ku akua Izalaiele, njimbu iahi ia tangela Debola kua mufundixi Balake ia tundile kua Jihova? Nanhi Muéne uambe kuma, ua tokalele ku tambula o kijingu?

4. Kiebhi kiedikisa Jaiele kuma muhatu ua suína?

5. Ihi ia bhiti kioso kiafú Sobha Jabine?

Ibhuidisu ia mukuá:

1. Tanga Afundixi 2:14-22.

   Kiebhi akua Izalaiele a di sotela o njinda ia Jihova, ni disá diahi di tu dilonga ni íii? (Afun. 2:20; Jisa. 3:1, 2; Ize. 18:21-23)

2. Tanga Afundixi 4:1-24.

   Disá diahi dia kixikinu ni ku kolokota kua ahatu a Jikidistá ja lelu a tena ku dilonga ku phangu ia Debola ni Jaiele? (Afun. 4:4, 8, 9, 14, 21, 22; Jisa. 31:30; 1 Kol. 16:13)

3. Tanga Afundixi 5:1-31.

   Mukonda diahi tuamba kuma, o muimbu ua kikoué ua Balake ni Debola, u tena ku kala kála musambu ua lungu ni ita ia Alu–Majedone ia-nda kuíza? (Afun. 5:3, 31; 1 Mal. 16:8-10; Dij. 7:9, 10; 16:16; 19:19-21)

Musoso 51

Lute ni Nouemi

1. Mukonda diahi Nouemi uai ku ixi ia Mouabhe?

2. A nanhi exile Lute ni Olofa?

3. Kiebhi kia tambuijila Lute ni Olofa kioso Nouemi kia ambela phala ku vutuka ku jindandu jâ?

4. Nanhi uexile Bouaji, ni kiebhi kia kuatekesa Lute ni Nouemi?

5. Kiebhi kiexanene o mon’a Bouaji ni Lute, ni mukonda diahi tua tokala ku mu lembalala?

Ibhuidisu ia mukuá:

1. Tanga Lute 1:1-17.

   1. Ihi ia zuela Lute iedikisa o kuzola kua kidi? (Lute 1:16, 17)

   2. Kiebhi o ukexilu ua Lute, uedikisa kiambote o ukexilu ua “jimbudi ja kamúkua” ua lungu ni iâ a undu, ala hanji mu ixi? (Nzuá 10:16; Zak. 8:23)

2. Tanga Lute 2:1-23.

   Kiebhi o ia bhange Lute phangu iambote phala o ilumba ia lelu? (Lute 2:17, 18; Jisa. 23:22; 31:15)

3. Tanga Lute 3:5-13.

   1. Kiebhi Bouaji kia mono o ukexilu ua Lute, ua ku kazala nê, mu veji ia diiala dia muzangala?

   2. Ihi i tu longa o ukexilu ua Lute ua lungu ni kuzola kua kidi? (Lute 3:10; 1 Kol. 13:4, 5)

4. Tanga Lute 4:7-17.

   Kiebhi kia tena o maiala a Jikidistá lelu ku kála kala Bouaji? (Lute 4:9, 10; 1 Tim. 3:1, 12, 13; 5:8)

Musoso 52

Ngidiione ni 300 ja Maiala

1. Mukonda diahi akua Izalaiele ala mu ibhidi?

2. Mukonda diahi Jihova uambela Ngidiione kuma muéne uala ni maiala avulu mu kifuxi kiê kia masoladi?

3. Maiala akuxi a subhuka kioso Ngidiione kia tumina o maiala akexile ni uôma ku vutuka kubhata?

4. Tonginina kiambote o fikula, ihi ia bhangele Jihova phala ku sosolola o masoladi a Ngidiione, ni bhu xale ngó 300 ja maiala?

5. Kiebhi kia longo Ngidiione o 300 ja maiala mê, ni kiebhi akua Izalaiele kia nganhala o ita?

Ibhuidisu ia mukuá:

1. Tanga Afundixi 6:36-40.

   1. Ihi ia bhange Ngidiione phala kuijiia iebhi o vondadi ia Jihova?

   2. Lelu, kiebhi ki tu tena kuijiia o vondadi ia Jihova? (Jisá. 2:3-6; Mat. 7:7-11; 2 Tim. 3:16, 17)

2. Tanga Afundixi 7:1-25.

   1. Disá diahi di tu dilonga ku 300 ja maiala a dimukine, ni ió a landukile? (Afun. 7:3, 6; Lom. 13:11, 12; Efe. 5:15-17)

   2. Kála kia dilongo o 300 ja maiala mu ku tala Ngidiione, kiebhi tu dilonga mu ku tala o Ngidiione ia Dikota, Jezú Kristu? (Afun. 7:17; Mat. 11:29, 30; 28:19, 20; 1 Phe. 2:21)

   3. Kiebhi o divulu dia Afundixi 7:21, di tu kuatekesa mu ku sanguluka mu ku sidivila kuoso-kuoso kua tu tumina mu kilunga kia Jihova? (1 Kol. 4:2; 12:14-18; Tiya. 4:10)

3. Tanga Afundixi 8:1-3.

   Kioso ki bhu kala maka mu kaxaxi ka jiphange, kiebhi kia tu longo Ngidiione mu ku batula o maka ni akua Ifraime? (Jisa. 15:1; Mat. 5:23, 24; Luka 9:48)

Musoso 53

O Kikanenu Kia Jefete

1. Nanhi uexile Jefete, ni ua tungile thembu kuxi?

2. Kikanenu kiahi kia bhangele Jefete kua Jihova?

3. Mukonda diahi Jefete ua luualele kioso kia tundu ku ita mu bhânga ni akua Amone?

4. Ihi ia zuela o mon’a Jefete kioso kiévu o kikanenu kia bhangele tat’ê?

5. Mukonda diahi athu a zolele o mon’a Jefete?

Ibhuidisu ia mukuá:

1. Tanga Afundixi 10:6-18.

   Ku dimuka kuahi ku tua tokala ku kaiela, kioso ki tu dilonga kia lungu ni ku kamba o kixikinu kia Izalaiele kua Jihova? (Afun. 10:6, 15, 16; Lom. 15:4; Dij. 2:10)

2. Tanga Afundixi 11:1-11, 29-40.

   1. Kiebhi tuejiia kuma, kioso kia bhana Jefete o mon’ê kála sata, ka mu bhanene kála sata ia kuoha mu túbhia? (Afun. 11:31; Iji. 16:24; Mate. 18:10, 12)

   2. Kiebhi-phe kia bhana Jefete o mon’ê kála sata?

   3. Ihi i tua dilongo ni ukexilu ua Jefete ua lungu ni kikanenu kiê kua Jihova? (Afun. 11:35, 39; Ndo. 5:4, 5; Mat. 16:24)

   4. Kiebhi o mona a Jefete ua xisa phangu iambote phala o mizangala ia Jikidistá ja lelu, a mesena ku bokona mu sidivisu ia thembu ioso? (Afun. 11:36; Mat. 6:33; Fil. 3:8)

Musoso 54

O Diiala Dia Beta-Kota ku Nguzu

1. Kiebhi kiexanene o diiala dia betele kota ku nguzu uakexile ku muenhu? Nanhi ua mu bhele o nguzu íii?

2. Mu kizuua kimoxi, ihi ia bhangele Sansau ku hoji ionene, kála kidikisa o fikula?

3. Mu fikula, kikutu kiahi Sansau kia tangela Dalila? Kiebhi kiki kia bhangesa ku mu kuata ku akua Fidíxia?

4. Kiebhi Sansau kia jibhile 3.000 ja jinguma ja akua Fidíxia mu kizuua kiafú?

Ibhuidisu ia mukuá:

1. Tanga Afundixi 13:1-14.

   Kiebhi Manoua ni muhatu uê, a xisa phangu iambote phala o jitata ku sasa an’ê? (Afun. 13:8; Jisá. 127:3; Efe. 6:4)

2. Tanga Afundixi 14:5-9 ni 15:9-16.

   1. Kiebhi o ima ia bhange Sansau, kála ku jibha o hoji, ni ku batula o ji ngoji ja mu kasele na-ju, ni ku kuata o kifuba kia bulu phala ku jibha 1.000 ia maiala, idikisa o kikalakalu kia nzumbi ikôla ia Jihova?

   2. Kiebhi ki tu kuatekesa o nzumbi ikôla lelu? (Afun. 14:6; 15:14; Zak. 4:6; Ikalakalu 4:31)

3. Tanga Afundixi 16:18-31.

   Kiebhi o ku dilunga ni athu iaiibha kua nganala Sansau, ni ihi i tua dilongo ku musoso iu? (Afun. 16:18, 19; 1 Kol. 15:33)

Musoso 55

Mona-ndenge u Sidivila Nzambi

1. Diebhi o dijina dia mona mu fikula, a mukuá a nanhi?

2. Kizuua kimoxi, ihi ia bhingi Hana ku musambu kioso kiendele mu kunda o balaka ia Jihova, ni kiebhi kia mu tambuijila Jihova?

3. Mivu ikuxi ia kexile na-iu Samuuele kiai mu sidivila mu balaka ia Jihova, ni ihi ia kexile ku mu bhangela manh’â mivu ioso?

4. Kiebhi kiexanene an’a Eli, ni exile maiala a kífua kiahi?

5. Kiebhi Jihova kiexanene Samuuele, ni njimbu iahi Muéne ia mu bhele?

6. Ihi ia bhange Samuuele kioso kia kulu, ni ihi ia bhitile kioso kia kuka?

Ibhuidisu ia mukuá:

1. Tanga 1 Samuuele 1:1-28.

   1. Phangu iahi iambote ia xisa Elikana ku jitata ia lungu ni ku tuamena ku ubhezelu ua kidi? (1 Sam. 1:3, 21; Mat. 6:33; Fil. 1:10)

   2. Disá diahi dia tu longo Hana kia kexile ni maka a bhonzele ku a batula? (1 Sam. 1:10, 11; Jisa. 55:22; Lom. 12:12)

2. Tanga 1 Samuuele 2:11-36.

   Mukonda diahi tu zuela kuma Eli uabhele dingi kijingu kua an’ê, kua Jihova ndenge, ni kiebhi íii i sidivila phala ku tu dimuna lelu? (1 Sam. 2:22-24, 27, 29; Mate. 21:18-21; Mat. 10:36, 37)

3. Tanga 1 Samuuele 4:16-18.

   Njimbu iahi ia tundu ku ita ia tange o malamba auana, ni kiebhi kia divu Eli?

4. Tanga 1 Samuuele 8:4-9.

   Ihi ia bhange akua Izalaiele ia xingi Jihova, ni kiebhi tu tena kuidikisa kuila tua mesena o Utuminu uê lelu? (1 Sam. 8:5, 7; Nzuá 17:16; Tiya. 4:4)

Musoso 56

Saúlu—o Sobha ia Dianga ia Izalaiele

1. Mu fikula, ihi ia mu bhanga Samuuele, ni mukonda diahi?

2. Mukonda diahi Jihova ua zolele Saúlu, muéne uexile muthu uahi?

3. Diebhi o dijina dia mon’a Saúlu, ni ihi ia bhange o mona iú?

4. Mukonda diahi Saúlu ua bhana sata, sé ku kingila dingi Samuuele phala ku i bhana?

5. Disá diahi di tu longa o musoso ua lungu ni Saúlu?

Ibhuidisu ia mukuá:

1. Tanga 1 Samuuele 9:15-21 ni 10:17-27.

   Kiebhi o ukexilu ua Saúlu ua mu kuatekesa kuehela ku bhanga ima iaiibha kioso o maiala a kamúkua a zuela nê, sé ku mu xila? (1 Sam. 9:21; 10:21, 22, 27; Jisa. 17:27)

2. Tanga 1 Samuuele 13:5-14.

   Kituxi kiahi kia tele Saúlu mu Jidingale? (1 Sam. 10:8; 13:8, 9, 13)

3. Tanga 1 Samuuele 15:1-35.

   1. Kituxi kiahi kia dikota kia tele Saúlu kia lungu ni Akake o sobha ia Amaleke? (1 Sam. 15:2, 3, 8, 9, 22)

   2. Kiebhi kia fikisa Saúlu ku jimbulula o kituxi kiê, ni ku lenga o kikuma kiê? (1 Sam. 15:24)

   3. Itendelelu iahi i tua tokala ku di lembalala kioso kia tu bhana o mulongi? (1 Sam. 15:19-21; Jisá. 141:5; Jisa. 9:8, 9; 11:2)

Musoso 57

Nzambi u Sola Davidi

1. Diebhi o dijina dia muzangala mu fikula, ni kiebhi tuejiia kuma muéne ua suínine?

2. Kuebhi kua tungile Davidi, ni kiebhi kiexanene tat’ê ni kuku’ê?

3. Mukonda diahi Jihova uambela Samuuele phala kuia ku dibhata dia Jese mu Beleme?

4. Ihi ia bhitile kioso Jese kia bhekele o sambuadi dia an’ê kua Samuuele?

5. Kioso kia bhekele Davidi ihi ia zuela Jihova kua Samuuele?

Ibhuidisu ia mukuá:

1. Tanga 1 Samuuele 17:34, 35.

   Kiebhi o musoso iu, u bandekesa o ku suína kua Davidi ni ku dielela kuê kua Jihova? (1 Sam. 17:37)

2. Tanga 1 Samuuele 16:1-14.

   1. Kiebhi o izuelelu ia Jihova mu divulu dia 1 Samuuele 16:7 di tu kuatekesa ku xisa o katômbo? (Ikalakalu 10:34, 35; 1 Tim. 2:4)

   2. Kiebhi o phangu ia Saúlu idikisa kuma kioso Jihova kia katula o nzumbi iê ikôla ku muthu, o muthu u kala ni nzumbi iaiibha mba u bhanga ima iaiibha? (1 Sam. 16:14; Mat. 12:43-45; Nga. 5:16)

Musoso 58

Davidi ni Ngoliia

1. Kiebhi kia sombola Ngoliia akua Izalaiele phala ku bhânga nê?

2. Kitala kiahi kiexile na-kiu Ngoliia, ni kisakidilu kiahi kia kanena o Sobha Saúlu ku diiala dieji mu jibha?

3. Kiebhi kia tambuijila Davidi kioso Saúlu kia mu ambela kuma muéne ka tokalele ku bhânga ni Ngoliia, mukonda Davidi uexile hanji muzangala?

4. Mu ku tambuijila Ngoliia, kiebhi Davidi kiedikisa o kidielelu kiê kua Jihova?

5. Kála ki ua mu mona mu fikula, ihi ia kuata Davidi phala ku jibha na-iu Ngoliia, ni ihi ia bhitile ni akua Fidíxia kia bhiti o ima íii?

Ibhuidisu ia mukuá:

1. Tanga 1 Samuuele 17:1-54.

   1. Ihi iexile o kikutu kia ku suína kua Davidi, ni kiebhi tu tena ku kaiela o ku suína kuê? (1 Sam. 17:37, 45; Efe. 6:10, 11)

   2. Mukonda diahi o Jikidistá a tokala kueha o ukexilu ua ku beta-kota kála Ngoliia, mu ma tonokenu mâ? (1 Sam. 17:8; Nga. 5:26; 1 Tim. 4:8)

   3. Kiebhi o izuelelu ia Davidi iedikisa kuma muéne uakexile ni kixikinu ku kikuatekesu kia Nzambi? (1 Sam. 17:45-47; 2 Mal. 20:15)

   4. Mu veji ia ku tanga ngó o ku disokesa mu masoladi a jinguma jiiadi, kiebhi o musoso iú uidikisa kuma, o ita mu kidi iexile ia jinzambi ja makutu ni Nzambi ia kidi, Jihova? (1 Sam. 17:43, 46, 47)

   5. Kiebhi o a undu, a kaiela o phangu ia Davidi ia ku dielela kua Jihova? (1 Sam. 17:37; Jel. 1:17-19; Dij. 12:17)

Musoso 59

Mukonda Diahi Davidi ua Lenge

1. Mukonda diahi Saúlu uakexile ni difuba dia Davidi, maji kiebhi o mon’a Saúlu Jonata ka difuanganene ni tat’ê?

2. Kizuua kimoxi ihi ia bhitile kioso Davidi kia kexile mu xika o alapha phala Saúlu?

3. Ihi ia zuela Saúlu phala Davidi ku bhanga ande dia ku kazala ni mon’ê, Mikala, ni mukonda diahi Saúlu uambele kiki?

4. Kioso Davidi kia xikile o alapha phala Saúlu, ihi ia bhitile mu veji ia katatu kála kidikisa o fikula?

5. Kiebhi Mikala kia kuatekesa mu bhulula o muenhu ua Davidi, ni ihi ia tokalele ku bhanga Davidi mu sambuadi dia mivu?

Ibhuidisu ia mukuá:

1. Tanga 1 Samuuele 18:1-30.

   1. Kiebhi o ku di zola kua Jonata, ni Davidi, kuedikisa o ku di zola kua “jimbudi ja kamúkua” ni ka “kilunga kofele”? (1 Sam. 18:1; Nzuá 10:16; Luka 12:32; Zak. 8:23)

   2. Tuejiia kuma Jonata muene ueji lundula Saúlu, kiebhi kiedikisa 1 Samuuele 18:4, kuma Jonata ua belesele ió a mu solele phala ku kala sobha?

   3. Kiebhi o phangu ia Saúlu idikisa kuma, o difuba di bhangesa kuta ituxi, ni kiebhi kiki ki tu dimuna? (1 Sam. 18:7-9, 25; Tiya. 3:14-16)

2. Tanga 1 Samuuele 19:1-17.

   Kiebhi Jonata kia tele o muenhu uê mu ibhidi, kioso kia zuela o maka o soneke mu divulu dia 1 Samuuele 19:4, 5? (1 Sam. 19:1, 6)

Musoso 60

Abingaíle ni Davidi

1. Kiebhi kiexanene o muhatu uala mu fikula, ua múia mu disanga ni Davidi, muéne muthu uahi?

2. Nanhi uexile Nabale?

3. Mukonda diahi Davidi ua tumikisa o maiala mê ku bhinga favolo kua Nabale?

4. Ihi iambe Nabale ku maiala a Davidi, ni kiebhi kia tambuijila Davidi?

5. Kiebhi Abingaíle kiedikisa kuma muhatu ua unjimu?

Ibhuidisu ia mukuá:

1. Tanga 1 Samuuele 22:1-4.

   Kiebhi o muiji ua Davidi phangu iambote i tua tokala ku kaiela mu ku di kuatekesa mu ilunga ietu ia Jikidistá? (Jisa. 17:17; 1 Tes. 5:14)

2. Tanga 1 Samuuele 25:1-43.

   1. Mukonda diahi Nabale a mu tange kála muthu uaiibha? (1 Sam. 25:2-5, 10, 14, 21, 25)

   2. Kiebhi ahatu a Jikidistá lelu a tokala ku dilonga o phangu ia Abingaíle? (1 Sam. 25:32, 33; Jisa. 31:26; Efe. 5:24)

   3. Abingaíle ua fidisa Davidi ku bhanga ima iiadi iahi iaiibha? (1 Sam. 25:31, 33; Lom. 12:19; Efe. 4:26)

   4. Kiebhi o kuívua Davidi o dízui dia Abingaíle ki kuatekesa o maiala ku talatala ahatu kála ki bhanga Jihova? (Ikalakalu 21:8, 9; Lom. 2:11; 1 Phe. 3:7)

Musoso 61

Davidi a mu Bhange Sobha

1. Ihi ia bhangele Davidi ni Abisai kioso Saúlu kia kexile mu zeka mu kilombo kiê?

2. Ihi iebhula Davidi kua Saúlu?

3. Kioso kia xisa Saúlu, kuebhi kuendele Davidi?

4. Ihi ia luualesa kiavulu Davidi, ia mu bhangesa ku soneka o muimbu ua uabha?

5. Mivu ikuxi ia kexile na-iu Davidi kioso kia mu bhange sobha mu Hebolone? Kiebhi kiexanene o majina a an’ê?

6. Kuebhi Davidi kua tumine ué kála sobha?

Ibhuidisu ia mukuá:

1. Tanga 1 Samuuele 26:1-25.

   1. O izuelelu ia Davidi io soneke mu divulu dia 1 Samuuele 26:11, idikisa o ukexilu uahi ua lungu ni ku iuka kua kilunga kia jikidistá? (Jisá. 37:7; Lom. 13:2)

   2. Kioso ki tu suína mu ku bhanga o mbote, maji tu sanga o ku kamba o kisakidilu, kiebhi o izuelu ia Davidi mu divulu dia 1 Samuuele 26:23 i tu kuatekesa ku kolokota o ku bhanga o mbote? (1 Jis. 8:32; Jisá. 18:20)

2. Tanga 2 Samuuele 1:26.

   Kiebhi o Jikidistá ja lelu a tena ‘“ku di zola mudiâ”’ kala kia kexile Davidi ni Jonata? (1 Phe. 4:8; Kol. 3:14; 1 Nzuá 4:12)

3. Tanga 2 Samuuele 5:1-10.

   1. Mivu ikuxi Davidi ia tumina kála sobha, ni kiebhi kia uane o mivu íii? (2 Sam. 5:4, 5)

   2. Nanhi ua tokalele ku mu bhana o kijingu kia ku tena kua Davidi, ni kiebhi kiki ki sidivila phala ku tu lembalala lelu? (2 Sam. 5:10; 1 Sam. 16:13; 1 Kol. 1:31; Fil. 4:13)

Musoso 62

Ibhidi mu Dibhata dia Davidi

1. Ni kikuatekesu kia Jihova, ihi ia bhitile ni ixi ia Kanana?

2. Kizuua kimoxi mu usuku, ihi ia bhitile kioso Davidi kia kexile ku thandu dia sabhalalu ia mbonge iê?

3. Mukonda diahi Jihova ua temene kiavulu ni Davidi?

4. Mu fikula, Jihova ua tumikisa nanhi phala ku zuela ni Davidi ia lungu ni ituxi iê, ni ihi ia zuela o diiala ieji bhita ni Davidi?

5. Ibhidi iahi ia kexile na-iu Davidi?

6. Mu kididi kia Davidi, nanhi uexile o sobha ia Izalaiele?

Ibhuidisu ia mukuá:

1. Tanga 2 Samuuele 11:1-27.

   1. Kiebhi o ku kalakala mu sidivisu ia Jihova i tu langa?

   2. Ihi ia bhangesa Davidi ku ta kituxi, ni kiebhi kiki ki sidivila phala ku dimuna o jiselevende ja Jihova lelu? (2 Sam. 11:2; Mat. 5:27-29; 1 Kol. 10:12; Tiya. 1:14, 15)

2. Tanga 2 Samuuele 12:1-18.

   1. Disá diahi adiakimi ni jitata a tena ku dilonga kua Jonata kioso kia bhixila kua Davidi phala ku mu bhana mulongi? (2 Sam. 12:1-4; Jisa. 12:18; Mat. 13:34)

   2. Mukonda diahi Jihova ua loloka Davidi? (2 Sam. 12:13; Jisá. 32:5; 2 Kol. 7:9, 10)

Musoso 63

O Njimu Sobha Solomá

1. Ihi iebhula Jihova kua Salomá, ni kiebhi muéne kia tambuijila?

2. Mukonda muéne ua sangulukile ni ia bhingile Salomá, ihi ia kanena Jihova ku mu bhana?

3. Maka ahi a bhonzele ambatele ahatu kiiadi kua Solomá?

4. Kála ki ua mu mona mu fikula, kiebhi kia batula Solomá o maka?

5. O utuminu ua Solomá, ua difuangana ni ua nanhi, ni mukonda diahi?

Ibhuidisu ia mukuá:

1. Tanga 1 Jisobha 3:3-28.

   1. Ihi ia dilonga o maiala a tambula o ikalakalu mu kilunga kia Nzambi lelu, ia lungu ni izuelu ia kidi kia Solomá kio soneke mu divulu dia 1 Jisobha 3:7? (Jisá. 119:105; Jisa. 3:5, 6)

   2. Mukonda diahi o ia bhingi Solomá i tu bhana phangu iambote ia lungu ni ima ia soko i tua tokala ku bhinga mu misambu? (1 Jis. 3:9, 11; Jisa. 30:8, 9; 1 Nzua 5:14)

   3. O ukexilu ua Solomá, ua ku batula o maka mu kaxaxi ka ahatu aiadi, i tu bhana kidielelu kiahi kia lungu ni sobha ia-nda kuíza-ku, o Solomá ia Dikota Jezú Kristu? (1 Jis. 3:28; Iza. 9:6, 7; 11:2-4)

2. Tanga 1 Jisobha 4:29-34.

   1. Kiebhi kia tambuijila Jihova o musambu ua Solomá, kia bhingi o muxima ua belesela? (1 Jis. 4:29)

   2. Mu ku mona o nguzu ia kexile mu bhanga athu phala kuívua o unjimu ua Solomá, ukexilu uahi u tua tokala ku kala nau ua lungu ni ilongesu ia Maka a Nzambi? (1 Jis. 4:29, 34; Nzuá 17:3; 2 Tim. 3:16)

Musoso 64

Solomá u Tunga o Tembulu

1. Thembu ikuxi ia bhange Solomá phala ku tunga o tembulu ia Jihova? Mukonda diahi ia bhingile kitadi kiavulu?

2. Sala jikuxi jonene ja kexile mu tembulu? Ihi io tule koxi dia sala?

3. Ihi ia zuela Solomá mu musambu, kioso kia zubha o tembulu?

4. Kiebhi kiedikisa Jihova kuma o musambu ua Solomá ua mu uabhele?

5. Ahatu a Solomá a mu bhangesa ku bhanga ihi? Ni ihi ia bhitile ni Solomá?

6. Mukonda diahi Jihova ua dizangele ni Solomá? Ni ihi ia mu zuelela Jihova?

Ibhuidisu ia mukuá:

1. Tanga 1 Malunda 28:9, 10.

   Mu ku xinganeka mu izuelelu ia Davidi io soneke mu divulu dia 1 Malunda 28:9, 10, ihi i tua tokala ku kolokota ku bhanga ku muenhu uetu izuua ioso? (Jisá. 19:14; Fil. 4:8, 9)

2. Tanga 2 Malunda 6:12-21, 32-42.

   1. Kiebhi Solomá kiedikisa kuma ki bhuala inzo ia tunga athu i soka phala o Nzambi Muteni-a-Ioso? (2 Mal. 6:18; Ikalakalu 17:24, 25)

   2. Ihi idikisa o izuelu ia Solomá io soneke mu divulu dia 2 Malunda 6:32, 33, ia lungu ni Jihova? (Ikalakalu 10:34, 35; Nga. 2:6)

3. Tanga 2 Malunda 7:1-5.

   Kála an’a Izalaiele kia ximana Jihova mu ku mona o fuma iê, kiebhi ki tua tokala ku bhanga lelu, kioso ki tu mona o mabesá a Jihova ku mundu uê? (Mene zaya Yave tulenda mpe kala se tu nkembo andi 2 Mala 7:3; Jisá. 22:22; 34:1; 96:2)

4. Tanga 1 Jisobha 11:9-13.

   Kiebhi ukexilu ua Solomá ku muenhu, uidikisa o valolo ia ku kolokota katé ku disukilu? (1 Jis. 11:4, 9; Mat. 10:22; Dij. 2:10)

Musoso 65

O Diuanenu Dia Utuminu

1. Kiebhi kiexanene o maiala aiadi ala mu fikula? Ene a nanhi?

2. Ihi ia bhangele Ahiia ni izuatu ia tandujuka, ni ihi ilombolola íii ia mu bhanga?

3. Ihi Solomá ia fikisa ku bhanga kua Jelobouamu?

4. Mukonda diahi athu a bhange Jelobouamu sobha ia dikuinhi dia madiembu?

5. Mukonda diahi Jelobouamu ua bhange tu ngombe tu iiadi tua ulu? Mukonda dia kiki, ihi ia bhitile ni ixi?

6. Ihi ia bhitile ni utuminu ua madiembu aiadi, ni tembulu ia Jihova mu Jeluzaleme?

Ibhuidisu ia mukuá:

1. Tanga 1 Jisobha 11:26-43.

   Muthu uahi uexile Jelobouamu? Ihi ia mu kanene Jihova se muéne ua kumbidile o itumu ia Nzambi? (1 Jis. 11:28, 38)

2. Tanga 1 Jisobha 12:1-33.

   1. Ihi o jitata ni adiakimi a kilunga a tena ku dilonga ni phangu iaiibha ia Jelobouamu, ia lungu ni ungana? (1 Jis. 12:13; Ndo. 7:7; 1 Phe. 5:2, 3

   2. Kua nanhi o mizangala ia lelu a tokala kuia mu takana milongi kioso kia mesena ku bhanga kima kioso-kioso ku muenhu? (1 Jis. 12:6, 7; Jisa. 1:8, 9; 2 Tim. 3:16, 17; Jihe. 13:7)

   3. Ihi ia bhangesa Jelobouamu ku bhanga ididi iiadi ia ubhezelu ua tu ngombe, ni kiebhi kiki kidikisa o ku kamba o kixikinu kua Jihova? (1 Jis. 11:37; 12:26-28)

   4. Nanhi ua bhangesa o mundu ua utuminu ua dikuinhi-dia diembu ku bhukumukina o ubhezelu ua kidi? (1 Jis. 12:32, 33)

Musoso 66

Jezabele—Sobha Iaiibha

1. Nanhi uexile Jezabele?

2. Mukonda diahi o Sobha Akabe kizuua kimoxi ua luualele?

3. Ihi ia bhangele Jezabele phala ku tambula o mividi ia Nabote phala muadi uê Akabe?

4. Nanhi a mu tumikisa kuala Jihova phala ku kaxtikala Jezabele?

5. Kála ki ua mu mona mu fikula, ihi ia bhitile kioso kia bhixila Jehú ku mbonge ia Jezabele?

Ibhuidisu ia mukuá:

1. Tanga 1 Jisobha 16:29-33 ni 18:3, 4.

   Ukexilu uahi uaiibha uakexile mu Izalaiele mu thembu ia Sobha Akabe? (1 Jis. 14:9)

2. Tanga 1 Jisobha 21:1-16.

   1. Kiebhi kiedikisa Nabote o ku suína ni kixikinu kua Jihova? (1 Jis. 21:1-3; Iji. 25:23-28)

   2. Ihi i tua di longo ni phangu ia Akabe, ia lungu ni kikote? (1 Jis. 21:4; Lom. 5:3-5)

3. Tanga 2 Jisobha 9:30-37.

   Ihi i tua di longo ku muanhu ua Jehú mu ku bhanga o vondadi ia Jihova? (2 Jis. 9:4-10; 2 Kol. 9:1, 2; 2 Tim. 4:2)

Musoso 67

Jozafate u Dielela Kua Jihova

1. Nanhi uexile Jozafate, ni mu thembu iebhi muéne ia tungile?

2. Mukonda diahi akua Izalaiele akexile ni uôma, ni ihi ia bhangele avulu mudiâ?

3. Kiebhi Jihova kia tambuijila o musambu ua Jozafate?

4. Ihi ia bhangele Jihova ande dia ita?

5. Disá diahi di tu dilonga dia lungu ni Jozafate?

Ibhuidisu ia mukuá:

1. Tanga 2 Malunda 20:1-30.

   1. Kála kiedikisa Jozafate, ihi ia tokala ku bhanga o jiselevende ja fiiele ja Nzambi, kia kala ni maka a kuatesa o uôma? (2 Mal. 20:12; Jisá. 25:15; 62:1)

   2. Mu ukulu Jihova uakexile mu zuela ni mundu uê mu kaxaxi ka athu, mu kaxaxi ka nanhi muéne u zuela lelu? (2 Mal. 20:14, 15; Mat. 24:45-47; Nzuá 15:15)

   3. Kioso Nzambi kia-nda mateka o “ita ia kizuua kia dikota kia Nzambi Muteni-a-Ioso,” kiebhi o ukexilu uetu ua-nda kala kála ua Jozafate? (2 Mal. 20:15, 17; 32:8; Dij. 16:14, 16)

   4. Mu ku kaiela o ji Levita, kiebhi o aboki ia thembu ioso ni alongixi a kuatekesa mu kikalakalu kia ku bokela o mundu lelu? (2 Mal. 20:19; Lom. 10:13-15; 2 Tim. 4:2)

Musoso 68

Mizangala Iiadi a Vutuka ku Muenhu

1. A nanhi athu kitatu ala mu fikula, ni ihi ia bhitile ni muzangala?

2. Musambu uahi ua bhangele Elija phala o muzangala, ni ihi ia bhitile?

3. iebhi kia di xanene o múkuatekexi ua Elija?

4. Mukonda diahi Elija a mu ixanene mu dibhata dia muhatu ua Suneme?

5. hi ia bhangele Elija, ni ihi ia bhitile ni mona ua fuile?

6. Ku tena kuahi kuala na-ku Jihova, kála kiedikisa mu kaxi ka Elija ni Ilizeu?

Ibhuidisu ia mukuá:

1. Tanga 1 Jisobha 17:8-24.

   1. Kiebhi o ku belesela ni kixikinu kia Elija kio polovale? (1 Jis. 17:9; 19:1-4, 10)

   2. Mukonda diahi o kixikinu kia mutudi ua Seleta kiexile kionene? (1 Jis. 17:12-16; Luka 4:25, 26)

   3. Kiebhi o kia bhitile ni mutudi ua Seleta, kidikisa o kidi kia izuelelu ia Jezú mu divulu dia Matesu 10:41, 42? (1 Jis. 17:10-12, 17, 23, 24)

2. Tanga 2 Jisobha 4:8-37.

   1. Ihi i tu longa o muhatu ua Suneme ia lungu ni ku tambulula ajitu? (2 Jis. 4:8; Luka 6:38; Lom. 12:13; 1 Nzuá 3:17)

   2. Kiebhi tu tena ku londekesa o henda ku jiselevende ja Nzambi lelu? (Ikalakalu 20:35; 28:1, 2; Nga. 6:9, 10; Jih. 6:10)

Musoso 69

O Kilumba u Kuatekesa Diiala Dia Nguzu

1. Mu fikula, ihi ia mu zuela o kilumba kua ngana iê?

2. Nanhi o muhatu mu fikula, ni ihi ia mu bhanga o kilumba ku dibhata dia ngana iê?

3. Ihi ia tumina Ilizeu ku selevende iê ku zuela kua Naamane, ni mukonda diahi Naamane ua dizangalele?

4. Ihi ia bhitile kioso Naamane kiévu o jiselevende jê?

5. Mukonda diahi Ilizeu ua ditunine o ujitu ua Naamane, ni ihi ia bhangele Jeazí?

6. Ihi ia bhitile ni Jeazí, ni ihi i tu tena ku dilonga?

Ibhuidisu ia mukuá:

1. Tanga 2 Jisobha 5:1-27.

   1. Kiebhi o phangu ia kilumba kia Izalaiele i kolokotesa o mizangala ia lelu? (2 Jis. 5:3; Jisá. 8:2; 148:12, 13)

   2. Mukonda diahi tua tokala ku kaiela o phangu ia Naamane kioso ki tu tambula o mulongi ua Mikanda ikôla? (2 Jis. 5:15; Jih. 12:5, 6; Tiya. 4:6)

   3. Disá diahi tu dilonga mu ku mona o phangu ia Ilizeu ki ia difuanganene ni ia Jeazí? (2 Jis. 5:9, 10, 14-16, 20; Mat. 10:8; Ikalakalu 5:1-5; 2 Kol. 2:17)

Musoso 70

Jona ni Mbiji Ionene

1. Nanhi uexile Jona, ni ihi ia mu tumine Jihova ku bhanga?

2. Ihi ia bhangele Jona kioso kia ditunine kuia kua mu tumine Jihova?

3. Ihi iambele Jona ia tokalele ku bhanga o a endexi a baluku phala ku tululukisa o kitembu?

4. Kála ki ua mu mona mu fikula, ihi ia bhitile ni Jona kioso kia mu takula mu menha?

5. Thembu ikuxi ia bhitile Jona mu mala dia mbiji ionene, ni ihi ia bhangele-mu?

6. Kuebhi kuendele Jona kioso kia tundu mu mala dia mbiji, ni ihi i tu longa?

Ibhuidisu ia mukuá:

1. Tanga Jona 1:1-17.

   Kiebhi kia divuile Jona, kia lungu ni kikalakalu kiê, kia kubokela akua Ninive? (Jona 1:2, 3; Jisa. 3:7; Ndo. 8:12)

2. Tanga Jona 2:1, 2, 10.

   Kiebhi o kia bhitile ni Jona ki tu bhana kidielelu, kuma Jihova ua-nda tambuijila o misambu ietu? (Jisá. 22:24; 34:6; 1 Nzuá 5:14)

3. Tanga Jona 3:1-10.

   1. Kikolokotesu kiahi ki tu tambula mu kuijiia kuma Jihova ua sulukile mu ku tumina Jona, sumbala muéne mu dimatekenu ua luezele mu kikalakalu kiê? (Jisá. 103:14; 1 Phe. 5:10)

   2. O ia bhitile ni Jona ni akua Ninive, i tu longa ihi ia lungu ni ku diangela ku fundisa athu mu diembu dietu? (Jona 3:6-9; Ndo. 11:6; Ikalakalu 13:48)

Musoso 71

Nzambi ua Kanena o Palaízu

1. Nanhi uexile Izaia, ni thembu kuxi ia tungile, ni ihi ia mu idikisa Jihova?

2. Ihi ilombolola o kizuelu, “palaízu” ni ihi íii i tu lembalala?

3. Ihi ia tumina Jihova kua Izaia phala ku soneka ia lungu ni Palaízu iobhe?

4. Mukonda diahi Adá ni Eva a texi o dibhata diâ, dia uabha?

5. Ihi ia kanena Jihova ku iá oso a mu zolo?

Ibhuidisu ia mukuá:

1. Tanga Izaia 11:6-9.

   1. Kiebhi o Kizuelu kia Nzambi kidikisa o paze ia-nda kala mu’axaxi ka iama ni athu ku mundu uobhe? (Jisá. 148:10, 13; Iza. 65:25; Ize. 34:25)

   2. Kiebhi o kizuelu kia Izaia kia mu di kumbidila mu nzumbi lelu, mu kaxaxi ka mundu ua Jihova? (Lom. 12:2; Efe. 4:23, 24)

   3. Nanhi u bhanga athu lelu, ni ku mundu ubhe ku xisa o ukexilu ua xitu? (Iza. 48:17, 18; Nga. 5:22, 23; Fil. 4:7)

2. Tanga Dijingunuinu 21:3, 4.

   1. Kiebhi o Mikanda ikôla idikisa kuma o ku kala Nzambi ni athu, ki kilombolola kuma muéne ua-nda tunga-na kumoxi mu ixi? (Iji. 26:11, 12; 2 Mal. 6:18; Iza. 66:1; Dij. 21:2, 3, 22-24)

   2. Masoxi ahi ni jindolo, ki kua-nda kala dingi? (Luka 8:49-52; Lom. 8:21, 22; Dij. 21:4)

Musoso 72

Nzambi u Kuatekesa Sobha Ezekiia

1. Nanhi o diiala mu fikula, ni mukonda diahi muéne uala mu ibhidi iavulu?

2. Mikanda iahi Ezekiia ia mu kuidikisa kua Nzambi, ni ihi Ezekiia ia mu bhinga mu musambu?

3. Ezekiia uexile sobha iahi, ni njimbu iahi ia tumikisa Jihova ku polofeta Izaia phala ku mu tudila?

4. Ihi ia bhangele o anju ia Jihova ku akua Sídia, kála kiedikisa o fikula?

5. Sumbala o utuminu ua madiembu-aiadi akexile ni paze mu kithangana kofele, ihi ia bhitile kioso kiafú Ezekiia?

Ibhuidisu ia mukuá:

1. Tanga 2 Jisobha 18:1-36.

   1. Kiebhi kia mesene Labesake o mukunji ua akua Sídia, ku zozesa o kixikinu kia akua Izalaiele? (2 Jis. 18:19, 21; Mak. 5:2; Jisá. 64:3)

   2. Kioso kia kala ni jinguma, kiebhi o Jimbangi ja Jihova a kaiela o phangu ia Ezekiia? (2 Jis. 18:36; Jisá. 39:1; Jisa. 26:4; 2 Tim. 2:24)

2. Tanga 2 Jisobha 19:1-37.

   1. Kiebhi o mundu ua Jihova lelu a kaiela o ukexilu ua Ezekiia kia kala mu ibhidi? (2 Jis. 19:1, 2; Jisa. 3:5, 6; Jih. 10:24, 25; Tiya. 5:14, 15)

   2. Mu ita itatu iahi, ia sofelele o Sobha Senakedibe, ni nanhi muéne ua difuanganene? (2 Jis. 19:32, 35, 37; Dij. 20:2, 3)

3. Tanga 2 Jisobha 21:1-6, 16.

   Mukonda diahi tuamba kuma, Manasa uexile sobha iaiibha kinene ua tumine mu Jeluzaleme? (2 Mal. 33:4-6, 9)

Musoso 73

O Sobha Iambote ia Sukina mu Izalaiele

1. Joziia uakexile ni mivu ikuxi kioso kia kexile sobha, ni ihi ia mateka ku bhanga kioso kiexile kiá sobha mu sambuadi dia mivu?

2. Mu fikula ia dianga, Ihi ia mu bhanga Joziia?

3. Ihi ia sangele o mukunji ua dikota kioso o maiala akexile mu iudika o tembulu?

4. Mukonda diahi Joziia ua mu tandujula o izuatu iê?

5. Njimbu iahi ia tundu kua Jihova ia bhanene o polofeta Hulda kua Joziia?

Ibhuidisu ia mukuá:

1. Tanga 2 Malunda 34:1-28.

   1. Phangu iahi ia xisa Joziia, phala o mizangala a kulu ni ibhidi iavulu? (2 Mal. 33:21-25; 34:1, 2; Jisá. 27:10)

   2. Ima iahi iambote ia bhangele Joziia phala ku kolokotesa o ubhezelu ua kidi mu utuminu uê mu 8, 12 ni 18 dia mivu? (2 Mal. 34:3, 8)

   3. Disá diahi dia tu xisa o Sobha Joziia ni Mukunji ua Dikota Hilikiia, dia lungu ni ku iudika o ididi ietu ia ubhezelu? (2 Mal. 34:9-13; Jisa. 11:14; 1 Kol. 10:31)

Musoso 74

O Diiala sé Uôma

1. Nanhi o muzangala mu fikula?

2. Ihi ia banzele Jelemiia kioso kiévu kuma ua-nda kala polofeta, ni ihi ia mu tangela Jihova?

3. Njimbu iahi ia kolokota Jelemiia ku zuelela o mundu?

4. Kiebhi o akunji a jingeleja a fikisa ku fidisa Jelemiia, maji kiebhi muéne kiedikisa kuma ka kexile ni uôma?

5. Ihi ia bhitile ni akua Izalaiele kioso kia ditunine o ku xisa o ukexilu uâ, uaiibha?

Ibhuidisu ia mukuá:

1. Tanga Jelemiia 1:1-8.

   1. Kála kiedikisa o phangu ia Jelemiia, ihi i bhangesa o muthu ku kala hete phala o sidivisu ia Jihova? (2 Kol. 3:5, 6)

   2. Kikolokotesu kiahi ki bhana o phangu ia Jelemiia ku mizangala ia Jikidistá lelu? (Ndo. 12:1; 1 Tim. 4:12)

2. Tanga Jelemiia 10:1-5.

   Kifika kiahi kia nguzu kia bhangele Jelemiia phala kuidikisa kuma, ku dielela ku iteka kutobha? (Jel. 10:5; Iza. 46:7; Hab. 2:19)

3. Tanga Jelemiia 26:1-16.

   1. Kioso ki xika o njimbu ia ku dimuna lelu, kiebhi o ió a a undu a kolokota mu belesela ni muxima, o kitumu kia Jihova kia bhele kua Jelemiia ‘sé ku katula-mu kizuelu’? (Jel. 26:2; Mate. 4:2; Ikalakalu 20:27)

   2. Phangu iahi iambote ia xisa Jelemiia ku Jimbangi ja Jihova lelu mu ku tula o ngolokela ia Jihova ku ifuxi? (Jel. 26:8, 12, 14, 15; 2 Tim. 4:1-5)

4. Tanga 2 Jisobha 24:1-17.

   Ima iahi iaiibha ia bhitile ni Jijudé mukonda dia ku kamba o kixikinu kua Jihova? (2 Jis. 24:2-4, 14)

Musoso 75

Mizangala Iuana mu Babilonha

1. A nanhi o mizangala iuana mu fikula, ni mukonda diahi ala mu Babilonha?

2. Kikutu kiahi kiexile na-kiu Nabukodonozolo phala o mizangala iuana, ni kitumu kiahi kia bhele ku jiselevende jê?

3. Ihi ia bhingile Daniiele ia lungu ni kúdia ni kunuá phala muéne ni makamba mê atatu?

4. Mu ku sokesa ni mizangala ia mukuá, kiebhi kia kexile Daniiele ni makamba mê atatu, kioso kia dile o makúdia ma mábhia mu dikuinhi dia izuua?

5. Mukonda diahi Daniiele ni makamba mê atatu a ambatele mu mbonge ia sobha, ni mukonda diahi ene a betele kota, akunji ni jinganga ndenge?

Ibhuidisu ia mukuá:

1. Tanga Daniiele 1:1-21.

   1. Ihi i tua tokala ku bhanga, phala ku bhânga ni ji tendasá, phala tu kale ni nguzu? (Dan. 1:8; Dim. 39:7, 10; Nga. 6:9)

   2. Mu ukexilu uahi o mizangala lelu, nange a a tendala mba a a jijidika mu xikana íii i tu ixana “makúdia” phala ku bhanga o vondadi iâ? (Dan. 1:8; Jisa. 20:1; 2 Kol. 6:17–7:1)

   3. Kiebhi o musoso ua Bibidia ua lungu ni mizangala iuana ia Jihebeleu i tu kuatekesa, kioso ki tu tambula o kuijiia kua xikola? (Dan. 1:20; Iza. 54:13; 1 Kol. 3:18-20)

Musoso 76

O Kubuika mu Jeluzaleme

1. Kála ki idikisa o fikula, ihi ia mu bhita mu Jeluzaleme ni akua Izalaiele?

2. Nanhi uexile Izekiiele, ni ima iahi ia madiuanu ia mu idikisa Jihova?

3. Mukonda dia akua Izalaiele a kambe ku xila Jihova, ihi muéne ia kanena?

4. Ihi ia bhangele o Sobha Nabukodonozolo kioso akua Izalaiele kia mu bhukumukine?

5. Mukonda diahi Jihova uehela o kibuikilu kiki ku bhita ni akua Izalaiele?

6. Mukonda diahi o ixi ia Izalaiele ia xala sé muthu, ni mu thembu ikuxi?

Ibhuidisu ia mukuá:

1. Tanga 2 Jisobha 25:1-26.

   1. Nanhi uexile Zedekiia, ni ihi ia bhitile ni muéne, ni kiebhi kiki kia kumbidila o kikanenu kia Bibidia? (2 Jis. 25:5-7; Ize. 12:13-15)

   2. Jihova ua tatela nanhi mu ituxi ioso ia bhangele Izalaiele? (2 Jis. 25:9, 11, 12, 18, 19; 2 Mal. 36:14, 17)

2. Tanga Izekiiele 8:1-18.

   Kiebhi o Kidistándade a kaiela akua Izalaiele a xisa o ubhezelu ua kidi, phala kubheza o muanha? (Ize. 8:16; Iza. 5:20, 21; Nzuá 3:19-21; 2 Tim. 4:3)

Musoso 77

Ene ka Fukamene

1. Kitumu kiahi o sobha ia Babilonha, Nabukodonozolo, ua bhele ku mundu?

2. Mukonda diahi o makamba atatu a Daniiele ka fukamene ku kiteka kia ulu?

3. Kioso Nabukodonozolo kia bhele o kithangana kia mukuá ku Jihebeleu jitatu phala o ku fukama, kiebhi ene edikisile o kidielelu kiâ, kua Jihova?

4. Ihi ia tumina Nabukodonozolo ku maiala mê ku bhanga kua Sadalake, Mizake ni Abede-neko?

5. Ihi ia mono Nabukodonozolo kioso kia tale moxi dia kijiku kia túbhia?

6. Mukonda diahi o sobha ua ximanene o Nzambi ia Sadalake, Mizake ni Abede-neko, ni phangu iahi ia xisa ene phala etu?

Ibhuidisu ia mukuá:

1. Tanga Daniiele 3:1-30.

   1. Ukexilu uahi uedikisa o mizangala itatu ia Jihebeleu, ia tokala ku i kaiela o jiselevende ja Nzambi kioso kia kala ni polova ia ku iuka kua muxima? (Dan. 3:17, 18; Mat. 10:28; Lom. 14:7, 8)

   2. Disá diahi dionene dia longo Jihova Nzambi kua Nabukodonozolo? (Dan. 3:28, 29; 4:34, 35)

Musoso 78

O Kisoneku ku Phalelu

1. Ihi ia bhitile kioso o sobha ia Babilonha kia bhangele o fesa ionene ni a nuine mu jikopho, ni adile mu jibasia ja katuile mu tembulu ia Jihova mu Jeluzaleme?

2. Ihi ia zuela Belxazale ku jinjimu jê, maji ihi ene ka tenene ku i bhanga?

3. Ihi o manh’â sobha ia mu ambela ku bhanga?

4. Kála kia zuelele Daniiele kua sobha, mukonda diahi Nzambi ua tumikisa lukuaku phala ku soneka ku phalelu?

5. Kiebhi kia jimbulula Daniiele o dilombuelelu dia kisoneku ku phalelu?

6. Ihi ia bhitile kioso Daniiele kia kexile hanji mu zuela?

Ibhuidisu ia mukuá:

1. Tanga Daniiele 5:1-31.

   1. Ihi ki i difuangana ni uôma ua Nzambi, ni uôma uakexile nau Belxazale kia mono o kisoneku ku phalelu. (Dan. 5:6, 7; Jisá. 19:9; Lom. 8:35-39)

   2. Kiebhi Daniiele kiedikisa o ku suína ni nguzu mu zuela ni Belxazale ni jinguvulu ja utuminu uê? (Dan. 5:17, 18, 22, 26-28; Ikalakalu 4:29)

   3. Kiebhi o divulu dia Daniiele, kibatulu 5 kibandekesa o utuminu ua Jihova mu ngongo ioso? (Dan. 4:17, 25; 5:21)

Musoso 79

Daniiele mu Dikungu Dia Jihoji

1. Nanhi uexile Ndala, ni ihi ia banzele ia lungu ni Daniiele?

2. Ihi o maiala a luímbi a fuinhisa Ndala ku bhanga?

3. Ihi ia bhangele Daniiele kioso kiévu kia lungu ni kitumu kiobhe?

4. Mukonda diahi Ndala ua thandanganhele kiavulu sé ku tena kuzeka, ni ihi muéne ia bhangele mu kimene kia mukuá?

5. Kiebhi kia tambuijila Daniiele kua Ndala?

6. Ihi ia bhitile ni athu aiibha a fikisa ku jibha Daniiele, ni ihi ia soneka Ndala phala athu oso mu utuminu uê?

Ibhuidisu ia mukuá:

1. Tanga Daniiele 6:1-28.

   1. Kiebhi o kikutu kia bhangele kua Daniiele ki tu lembalala ioso iene mu bhanga o jinguma phala ku fidisa o kikalakalu kia Jimbangi ja Jihova lelu? (Dan. 6:7; Jisá. 94:20; Iza. 10:1; Lom. 8:31)

   2. Kiebhi o jiselevende ja Nzambi lelu, a kaiela o phangu ia Daniiele, mu ku kolokota mu belesela “o maungana”? (Dan. 6:5, 10; Lom. 13:1; Ikalakalu 5:29)

   3. Kiebhi tu tena ku kaiela o phangu ia Daniiele mu sidivila Jihova mu “ithangana ioso”? (Dan. 6:16, 20; Fil. 3:16; Dij. 7:15)

Musoso 80

O Mundu ua Nzambi o Xisa Babilonha

1. Kála kidikisa o fikula, ihi akua Izalaiele ia mu bhanga?

2. Kiebhi kia kumbidila Silu o kikanenu kia tumine Jihova kua Izaia ku soneka?

3. Ihi ia zuelele Silu ku akua Izalaiele ka tenene ku vutuka mu Jeluzaleme?

4. Ihi ia bhanene Silu ku mundu phala ku iambata mu Jeluzaleme?

5. Thembu ikuxi ia bhangele Izalaiele mu njila phala ku bhixila mu Jeluzaleme?

6. Mivu ikuxi ia bhitile o ixi sé athu?

Ibhuidisu ia mukuá:

1. Tanga Izaia 44:28 ni 45:1-4.

   1. Kiebhi Jihova kia tendelela kuma ueji kumbidilu o kikanenu kia lungu ni Silu? (Iza. 55:10, 11; Lom. 4:17)

   2. Ihi idikisa o kikanenu kia Izaia kia lungu ni Silu, o ku tena kua Jihova Nzambi kua ku xinda o hádia? (Iza. 42:9; 45:21; 46:10, 11; 2 Phe. 1:20)

2. Tanga Ejidala 1:1-11.

   Mu ku kaiela o phangu ia ió ka tenene ku vutuka mu Jeluzaleme, kiebhi etu lelu tu tena ku kuatekesa ió a tena ku bhanga o sidivisu ia thembu ioso? (Ejidala 1:4, 6; Lom. 12:13; Kol. 4:12)

Musoso 81

Kidielelu ku Kikuatekesu Kia Nzambi

1. Ki kuxi kia athu a tundile mu Babilonha endele mu Jeluzaleme, maji ihi ene ia sangele kioso kia bhixila?

2. Kioso kia bhixila, ihi akua Izalaiele ia mateka ku tunga, maji ihi ia bhangele o jinguma jâ?

3. A nanhi exile Ajeu ni Zakadiia, ni ihi ene ia zuelele ku mundu?

4. Mukonda diahi Tetenai ua tumikisa mukanda mu Babilonha, ni kiebhi kia mu tambuijila?

5. Ihi ia bhangele Ejidala kioso kiévu kia lungu ni ku iudika o tembulu ia Nzambi?

6. Mu fikula, ihi ia mu bhinga Ejidala mu musambu, ni kiebhi kia mu tambuijila, ni ihi i tu longa?

Ibhuidisu ia mukuá:

1. Tanga Ejidala 3:1-13.

   Se kizuua tu kala mu kididi ki muala kilunga kia mundu ua Nzambi, ihi i tua tokala ku kolokota mu ku bhanga? (Ejidala 3:3, 6; Ikalakalu 17:16, 17; Jih. 13:15)

2. Tanga Ejidala 4:1-7.

   Phangu iahi ia xisa Zolobabele phala o mundu ua Jihova, ia lungu ni ku difunga ni jingeleja? (Mak. 34:12; 1 Kol. 15:33; 2 Kol. 6:14-17)

3. Tanga Ejidala 5:1-5, 17 ni 6:1-22.

   1. Mukonda diahi o jinguma katenene ku fidisa o kikalakalu kia ku tunga o tembulu? (Ejidala 5:5; Iza. 54:17)

   2. Kiebhi o ikalakalu ia kexile mu bhanga adiakimi a Jijudé, i kuatekesa adiakimi a Jikidistá lelu mu ku sota o ilongesu ia Jihova kia zoka ni jinguma? (Ejidala 6:14; Jisá. 32:8; Lom. 8:31; Tiya. 1:5)

4. Tanga Ejidala 8:21-23, 28-36.

   Ande dia ku mateka ku bhanga kikalakalu kioso-kioso, phangu iahi iambote ia Ejidala ia tokala tu i kaiela? (Ejidala 8:23; Jisá. 127:1; Jisa. 10:22; Tiya. 4:13-15)

Musoso 82

Moledekai ni Estere

1. A nanhi exile Moledekai ni Estere?

2. Mukonda diahi o Sobha Asuuelu ua mesene muhatu uéngi, ni nanhi muéne ua solo?

3. Nanhi uexile Hamane, ni ihi ia mu bhangesa ku dizangala kiavulu?

4. Kitumu kiahi kia bhangele, ni ihi ia bhangele Estere kioso kiévu o njimbu ia Moledekai?

5. Ihi ia bhitile ni Hamane, ni Moledekai?

6. Kiebhi akua Izalaiele a a bhulula ku jinguma jâ?

Ibhuidisu ia mukuá:

1. Tanga Estere 2:12-18.

   Kiebhi kiedikisa Estere o valolo ia ku kala ni “kutululuka kua muxima”? (Estere 2:15; 1 Phe. 3:1-5)

2. Tanga Estere 4:1-17.

   Kála kia bhangele Estere mu ku zokela o ubhezelu ua kidi, kiebhi ki tua tokala lelu kuidikisa o henda ni kixikinu kua Jihova? (Estere 4:13, 14; Mat. 5:14-16; 24:14)

3. Tanga Estere 7:1-6.

   Kiebhi o mundu ua Nzambi lelu, ene ué mu di bhakula o muenhu kála kia bhitile ni Estere? (Estere 7:4; Mat. 10:16-22; 1 Phe. 2:12)

Musoso 83

O Jipalelu ja Jeluzaleme

1. Kiebhi kia divuile akua Izalaiele mukonda dia ku kamba o jipalelu mu mbanza ia Jeluzaleme?

2. Nanhi uexile Nehemiia?

3. Nehemiia uakexile ni kikalakalu kiahi, ni mukonda diahi kiexile kia valolo?

4. Njimbu iahi ia luualesa Nehemiia, ni ihi ia bhangele muéne?

5. Kiebhi kiedikisa o Sobha Artaxexe o mbote kua Nehemiia?

6. Ihi ia bhange Nehemiia phala o jinguma ja akua Izalaiele ka a palalesa o kikalakalu kia ku tunga?

Ibhuidisu ia mukuá:

1. Tanga Nehemiia 1:4-6 ni 2:1-20.

   Kiebhi Nehemiia kia soto o ilongesu ia Jihova? (Neh. 2:4, 5; Lom. 12:12; 1 Phe. 4:7)

2. Tanga Nehemiia 3:3-5.

   Ihi a tena ku dilonga o adiakimi ni madiiakono ia lungu ni akua Tékoua ka difuanganene ni “makota a jingana”? (Neh. 3:5, 27; 2 Tes. 3:7-10; 1 Phe. 5:5)

3. Tanga Nehemiia 4:1-23.

   1. Ihi ia bhana o nguzu ku akua Izalaiele phala ku kolokota o ku tunga, sumbala akexile ni kizukutisu? (Neh. 4:6, 8, 9; Jisá. 50:15; Iza. 65:13, 14)

   2. Kiebhi o phangu ia akua Izalaiele i tu suínisa lelu?

4. Tanga Nehemiia 6:15.

   Kiebhi kidikisa o nguzu ia kixikinu, mu ku tunga o jipalelu ja Jeluzaleme sé ku tenesa mbeji jiiadi? (Jisá. 56:3, 4; Mat. 17:20; 19:26)

Musoso 84

O Anju i Kunda Madiia

1. Nanhi o muhatu mu fikula?

2. Ihi ia zuela Ngabidiiele kua Madiia?

3. Kiebhi kia jimbulula Ngabidiiele kua Madiia kuma muéne ua-nda vuala mona, se muéne ka kexile ni diiala?

4. Ihi ia bhitile kioso Madiia kiai mu kunda ndandu iê Nzebele?

5. Ihi ia banzele Zuze kiévu kuma Madiia ua-nda vuala mona, ni mukonda diahi muéne ua bhilula o kilunji kiê?

Ibhuidisu ia mukuá:

1. Tanga Luka 1:26-56.

   1. Ihi idikisa o divulu dia Luka 1:35, kuma o ku kamba o kuiuka kua Adá mu mala dia Madiia, ki ku bhangesa kima kioso kia tumikisa o muenhu ua Mon’a Nzambi tundé ku diulu? (Aje. 2:11-13; Nzuá 6:69; Jih. 7:26; 10:5)

   2. Kiebhi Jezú kia tambula o kijingu ande dia ku mu vuala? (Luka 1:41-43)

   3. Phangu iahi iambote ia xisa Madiia ku Jikidistá ja lelu a tambula kikalakalu kionene mu kilunga? (Luka 1:38, 46-49; 17:10; Jisa. 11:2)

2. Tanga Matesu 1:18-25.

   Tuejiia kuma Jezú ka mu ixanene mu dijina dia Imanuuele, kiebhi o kikalakalu kiê kála muthu, kia lungile ni dijimbuluilu dia dijina didi? (Mat. 1:22, 23; Nzuá 14:8-10; Jih. 1:1-3)

Musoso 85

Jezú a mu Vualela mu Kibhanga

1. Nanhi o mona mu fikula, ni kuebhi kua mu mu zekesa Madiia?

2. Mukonda diahi Jezú a mu vualela mu kibhanga ni ibhaku?

3. Mu fikula, a nanhi o maiala a mu bokona mu kibhanga, ni ihi ia a zuelela o anju?

4. Mukonda diahi Jezú mona ua kazola?

5. Mukonda diahi Jezú a mu ixana Mon’a Nzambi?

Ibhuidisu ia mukuá:

1. Tanga Luka 2:1-20.

   1. Ihi ia bhangele Sézalu Nguxi mu ki kumbidilu kia lungu ni kikanenu kia uvualukilu ua Jezú? (Luka 2:1-4; Mik. 5:2)

   2. Kiebhi o muthu u tena ku kala mu kaxaxi ka ió a exana “athu oso a mu uabhela”? (Luka 2:14; Mat. 16:24; Nzuá 17:3; Ikalakalu 3:19; Jih. 11:6)

   3. Se abhidi a Jijudé a sangulukile ni uvualukilu ua Mubhuludi, o jiselevende ja Nzambi lelu ki ja tokalele ku sanguluka kiavulu? (Luka 2:10, 11; Efe. 3:8, 9; Dij. 11:15; 14:6)

Musoso 86

Maiala a Endesa ku Théthembua

1. A nanhi o maiala ala mu fikula, ni mukonda diahi umoxi diâ ua mu kuidikisa o théthembua ia bhenha?

2. Mukonda diahi o Sobha Helode ua thandanganhele, ni ihi muéne ia bhange?

3. Katé kuebhi o théthembua i bhenha iendesa o maiala, ni mukonda diahi ene a vutuka ku ixi iâ, mu njila iéngi?

4. Kitumu kiahi kia bhele Helode, ni mukonda diahi?

5. Ihi Jihova ia tumina Zuze ku bhanga?

6. Nanhi ua bhangesa o théthembua ku bhenha, ni mukonda diahi?

Ibhuidisu ia mukuá:

1. Tanga Matesu 2:1-23.

   Mivu ikuxi ia kexile na-iu Jezú kioso kia mu kundu ku maiala a dilonga o jithéthembua, ni kuebhi kua kexile? (Mat. 2:1, 11, 16)

Musoso 87

Jezú mu Tembulu

1. Mu fikula, Jezú uala ni mivu ikuxi, ni kuebhi kuala muéne?

2. Ihi iexile mu bhanga Zuze ni muiji uê, mivu ioso?

3. Kia bhitile kizuua kia muvimba mu njila mu vutuka kubhata, mukonda diahi Zuze ni Madiia a vutukile dingi mu Jeluzaleme?

4. Kuebhi Zuze ni Madiia kua sangele Jezú, ni mukonda diahi athu bhenhobho a diuanene?

5. Ihi ia zuela Jezú kua manh’â, Madiia?

6. Kiebhi tu tena ku kaiela Jezú mu ku dilonga ia lungu ni Nzambi?

Ibhuidisu ia mukuá:

1. Tanga Luka 2:41-52.

   1. Sumbala o Ijila ia zuelele kuma o maiala ngó a tokalele kuia mu ji fesa mivu ioso, phangu iahi ia xisa Zuze ni Madiia ku jitata ja lelu? (Luka 2:41; Mate. 16:16; 31:12; Jisa. 22:6)

   2. Kiebhi Jezú kia xisa phangu iambote ku mizangala ia lelu ia ku belesela o jitata? (Luka 2:51; Mate. 5:16; Jisa. 23:22; Kol. 3:20

2. Tanga Matesu 13:53-56.

   A nanhi o jiphange jiuana ja Jezú a tange o majina mâ mu Bibidia, ni kiebhi kiiadi kiá a kalakalele mu kilunga kia Jikidistá? (Mat. 13:55; Ikalakalu 12:17; 15:6, 13; 21:18; Nga. 1:19; Tiya. 1:1; Juda 1:1)

Musoso 88

Nzuá u Batizala Jezú

1. A nanhi o maiala aiadi mu fikula?

2. Kiebhi kia batizala o muthu?

3. Athu ahi akexile mu batizala Nzuá?

4. Kima kiahi kia beta-kota kia bhangesa Jezú ku bhinga Nzuá ku mu batizala?

5. Kiebhi kiedikisa Nzambi kuma kia Mu uabhela o batizu ia Jezú?

6. Ihi ia bhitile kioso Jezú kia sondoloka iu uai bhu kididi kio bheka mu 40 a izuua?

7. A nanhi exile akaiedi a dianga mba maxibulu a Jezú, ni madiuanu ahi ia dianga ku bhanga?

Ibhuidisu ia mukuá:

1. Tanga Matesu 3:13-17.

   Phangu iahi ia xisa Jezú ia lungu ni batizu ia maxibulu mê? (Jisá. 40:7, 8; Mat. 28:19, 20; Luka 3:21, 22)

2. Tanga Matesu 4:1-11.

   Kiebhi o u hete ua Jezú ua ku tanga o Mikanda ikôla u tu kolokotesa ku dilonga o Bibidia izuua ioso? (Mat. 4:5-7; 2 Phe. 3:17, 18; 1 Nzuá 4:1)

3. Tanga Nzuá 1:29-51.

   Kua nanhi kua tumina Nzuá dia Batizu o maxibulu mê, ni kiebhi tu tena ku mu kaiela lelu? (Nzuá 1:29, 35, 36; 3:30; Mat. 23:10)

4. Tanga Nzuá 2:1-12.

   Kiebhi kiedikisa o madiuanu a dianga a Jezú, kuma Jihova ka sueka kima kiambote ku jiselevende Jê? (Nzuá 2:9, 10; Jisá. 84:11; Tiya. 1:17)

Musoso 89

Jezú u Zelesa o Tembulu

1. Mukonda diahi akexile mu sumbisa o ibhaku mu tembulu?

2. Ihi ia bhangesa Jezú ku tema?

3. Kála ki tua mu mona mu fikula, ihi ia bhange Jezú, ni ihi ia tumina ku maiala akexile mu sumbisa o madiembe?

4. Kioso o akaiedi a Jezú kia mono ioso ia kexile mu bhanga, ihi ia di lembalala?

5. Kiebhi kiexana o mbanza mua bhitile Jezú kioso kia kexile mu vutuka mu Ngalileia?

Ibhuidisu ia mukuá:

1. Tanga Nzuá 2:13-25.

   Ki tu xinganeka o njinda ia Jezú ia lungu ni akua uenji mu tembulu, ihi tua tokala ku banza ia lungu ni ku ta uenji mu Kilunga? (Nzuá 2:15, 16; 1 Kol. 10:24, 31-33)

Musoso 90

Ni Muhatu Bhu Fixi

1. Mukonda diahi Jezú uemanene bhu fixi mu Samádia, ni ihi muéne ia mu zuela ku muhatu bhenhobho?

2. Mukonda diahi o muhatu ua diuanene, ihi ia mu zuelela Jezú, ni mukonda diahi?

3. Menha ahi a banzele o muhatu akexile mu zuela Jezú, maji mu kidi menha ahi akexile mu zuela muéne?

4. Mukonda diahi o muhatu ua diuana ni ima iejidile Jezú ia lungu ni muéne, ni kiebhi muéne kiejidile o ima íii?

5. Disá diahi di tu longa o musoso ua lungu ni muhatu bhu fixi?

Ibhuidisu ia mukuá:

1. Tanga Nzuá 4:5-43.

   1. Mu ku kaiela o phangu ia Jezú, ukexilu uahi u tua tokala ku kala nau ua lungu ni ku dibhana ni athu a ixi iéngi, ni ukexilu uéngi? (Nzuá 4:9; 1 Kol. 9:22; 1 Tim. 2:3, 4; Tito 2:11)

   2. Mabesá ahi a tambula o muthu u kituka dixibulu dia Jezú? (Nzuá 4:14; Iza. 58:11; 2 Kol. 4:16)

   3. Kiebhi ki tu tena kuidikisa o kiximanu kála kia bhangele o muhatu mukuá Samádia, kia mesenene ku tangela akuâ, ioso ia dilongele? (Nzuá 4:7, 28; Mat. 6:33; Luka 10:40-42)

Musoso 91

Jezú u Longa ku Mulundu

1. Mu fikula, Jezú ua mu longa kuebhi, ni a nanhi a xikama bhu mbandu iê?

2. Kiebhi kiexanene o 12 kia jipoxolo?

3. O Utuminu ihi ua bokele Jezú?

4. Ihi ia longele Jezú ku athu ku bhinga mu musambu?

5. Kiebhi kiambe Jezú kia tokalele athu ku dibhana ni akuâ?

Ibhuidisu ia mukuá:

1. Tanga Matesu 5:1-12.

   Kiebhi ki tu idikisa o kibindamu kietu kia nzumbi? (Mat. 5:3; Lom. 10:13-15; 1 Tim. 4:13, 15, 16)

2. Tanga Matesu 5:21-26.

   Kiebhi o divulu dia Matesu 5:23, 24 di tendelesa kuma, o ku di bhana ni jiphange jetu ki fikila o ukamba uetu ni Jihova? (Mat. 6:14, 15; Jisá. 133:1; Kol. 3:13; 1 Nzuá 4:20)

3. Tanga Matesu 6:1-8.

   Ima iahi iaiibha ia ku di mona o kuiuka o Jikidistá a tokala ku ieha? (Luka 18:11, 12; 1 Kol. 4:6, 7; 2 Kol. 9:7)

4. Tanga Matesu 6:25-34.

   Ihi ia tu longo Jezú ia lungu ni ku dielela kua Jihova phala ku tu bhana o ima i tua bhindamena? (Mak. 16:4; Jisá. 37:25; Fil. 4:6)

5. Tanga Matesu 7:1-11.

   Ihi i tu longa o kifika ki tu sanga mu divulu dia Matesu 7:5? (Jisa. 26:12; Lom. 2:1; 14:10; Tiya. 4:11, 12)

Musoso 92

Jezú ua Fukununa Athu

1. Mu fikula, nanhi o tata ia kilumba, ni mukonda diahi muéne ni muhatu’ê a tandanganha kiavulu?

2. Ihi ia bhangele Jailu kioso kia sangele Jezú?

3. Ihi ia bhitile kioso Jezú kia kexile múia ku dibhata dia Jailu, ni njimbu iahi ia tambula Jailu mu njila?

4. Mukonda diahi athu mu dibhata dia Jailu elela Jezú?

5. Kioso kiendele ni jipoxolo jitatu ni tata ni manh’â kilumba mu dixilu dia kilumba, ihi ia bhangele Jezú?

6. Nanhi dingi a mu bhekele ku muenhu kuala Jezú, ni ihi i tu longa?

Ibhuidisu ia mukuá:

1. Tanga Luka 8:40-56.

   Kiebhi kiedikisa Jezú o henda ku muhatu uakexile ni kibhubhe kia manhinga? Kiebhi adiakimi Jikidistá lelu a tena ku dilonga ku phangu íii? (Luka 8:43, 44, 47, 48; Iji. 15:25-27; Mat. 9:12, 13; Kol. 3:12-14)

2. Tanga Luka 7:11-17.

   Kiebhi athu afundu jindandu a tena o ku sanga kikuatekesu ku íii ia bhangele Jezú ku mutudi ua Naini? (Luka 7:13; 2 Kol. 1:3, 4; Jih. 4:15)

3. Tanga Nzuá 11:17-44.

   Kiebhi kiedikisa Jezú kuma ku dila athu afú u tua zolo ki kiaiibha kana? (Nzuá 11:33-36, 38; 2 Sam. 18:33; 19:1-4)

Musoso 93

Jezú u Disa Athu Avulu

1. Kima kiahi kiaiibha kia bhitile ni Nzuá dia Batizu, ni kiebhi kia divuile Jezú kioso kiévu?

2. Kiebhi Jezú kia disa o mundu uakexile ku mu kaiela, ni makúdia akuxi a subhukile?

3. Mukonda diahi o maxibulu akexile ni uôma mu usuku, ni ihi ia bhitile ni Phetele?

4. Kiebhi Jezú kia disa jimidi ja athu mu luiadi?

5. Mukonda diahi kia-nda uabha kioso Jezú kia-nda tumina kala Sobha ia Nzambi mu ixi?

Ibhuidisu ia mukuá:

1. Tanga Matesu 14:1-32.

   1. O kizuelu mu divulu dia Matesu 14:23-32, ki tu longa ihi ia lungu ni kífua kia Phetele?

   2. Kiebhi o kisoneku kia Mikanda ikôla kidikisa kuma Phetele uakexile ni kilunji, iu ua xisa o kífua kiê kia ku thathamana? (Mat. 14:27-30; Nzuá 18:10; 21:7; Ikalakalu 2:14, 37-40; 1 Phe. 5:6, 10)

2. Tanga Matesu 15:29-38.

   Kiebhi kiedikisa Jezú o ku xila ku ima i bhana Tat’ê? (Mat. 15:37; Nzuá 6:12; Kol. 3:15)

3. Tanga Nzuá 6:1-21.

   Kiebhi o Jikidistá ja lelu a tena ku kaiela o phangu ia Jezú ia lungu ni ku xila o maungana? (Nzuá 6:15; Mat. 22:21; Lom. 12:2; 13:1-4)

Musoso 94

Muéne u Zola Ana-ndenge

1. Ihi ia kexile mu zokela o jipoxolo, kioso kia kexile mu vutuka mu njila?

2. Mukonda diahi Jezú uexana o mona-ndenge iu ua mu emanesa bhu kaxaxi ka jipoxolo?

3. Ukexilu uahi o jipoxolo a tokalele ku dilonga ia lungu ni ana-ndenge?

4. Mu ji mbeji ja kaiela, kiebhi kiedikisa Jezú kuma muéne ua zolele ana-ndenge?

Ibhuidisu ia mukuá:

1. Tanga Matesu 18:1-4.

   Mukonda diahi Jezú uakexile mu longa ni ifika? (Mat. 13:34, 36; Marku 4:33, 34)

2. Tanga Matesu 19:13-15.

   Ifua iahi ia ana-ndenge i tua tokala ku kaiela, se tua-ndala ku tambula o mabesá a Utuminu? (Jisá. 25:9; 138:6; 1 Kol. 14:20)

3. Tanga Marku 9:33-37.

   Ihi ia longo Jezú ku maxibulu mê, ia lungu ni ku mesena ku dibandesa ku thandu dia akuâ? (Marku 9:35; Mat. 20:25, 26; Nga. 6:3; Fil. 2:5-8)

4. Tanga Marku 10:13-16.

   Mukonda diahi tu zuela kuma Jezú uexile muthu uambote, ni kiebhi o adiakimi a Jikidistá a tokala ku dilonga ku phangu iê? (Mar. 6:30-34; Fil. 2:1-4; 1 Tim. 4:12)

Musoso 95

Kiebhi Jezú Kia Kexile mu Longa

1. Ihi iebhula o diiala kua Jezú, ni mukonda diahi?

2. Mu ithangana ia mukuá kiebhi Jezú kia kexile mu longa, ni ihi i tua dilongo ia lungu ni Jijudé, ni akua Samádia?

3. Mu musoso ua tangele Jezú, ihi ia bhitile ni mukuá Judé mu njila ia Jedikó?

4. Ihi ia bhitile kioso o mukunji Judé ni mukuá Levita kia bhitile mu njila?

5. Mu fikula, nanhi ua mu kuatekesa o Judé ua kumbama?

6. Kioso kia zubha Jezú ku tanga o musoso, ihi iebhula muéne, ni kiebhi kia tambuijila o diiala?

Ibhuidisu ia mukuá:

1. Tanga Luka 10:25-37.

   1. Mu veji dia ku tambuijila ngó, kiebhi kia kuatekesa Jezú o mesene ia Kitumu ku xinganeka o maka? (Luka 10:26; Mat. 16:13-16)

   2. Kiebhi o ilongesu ia Jezú, ni ifika ia kuatekesa athu ku xisa o kathombo? (Luka 10:36, 37; 18:9-14; Tito 1:9)

Musoso 96

Jezú u Saka o Jihaxi

1. Ihi ia bhangele Jezú kioso kia kexile mu kuenda mu ixi?

2. Kia bhiti mivu itatu ia batizu, ihi Jezú ia zuela ku jipoxolo?

3. A nanhi athu mu fikula, ni ihi Jezú ia bhangela ku muhatu?

4. Mukonda diahi o i tambuijilu ia Jezú ku ibhuidisu ia atuameni a jingeleja ia a bhangesa ku kuata jisonhi?

5. Kioso Jezú ni jipoxolo jê kia kexile mu zukama mu Jedikó, ihi ia bhange Jezú ku jingadiama jiiadi ja ifofo?

6. Mukonda diahi Jezú ua bhangele madiuanu?

Ibhuidisu ia mukuá:

1. Tanga Matesu 15:30, 31.

   Ku tena kuahi kua Jihova kuedikisa mu kaxaxi ka Jezú, ni kiebhi kiki ki tu kuatekesa kuijiia ia kanena Jihova phala o mundu uobhe? (Jisá. 37:29; Iza. 33:24)

2. Tanga Luka 13:10-17.

   Mu ku bhanga o madiuanu mu Sábhalu, kiebhi Jezú kiedikisa o paze ia-nda bheka ku mundu mu Utuminu uê ua Midi ia mivu? (Luka 13:10-13; Jisá. 46:9; Mat. 12:8; Kol. 2:16, 17; Dij. 21:1-4)

3. Tanga Matesu 20:29-34.

   Kiebhi o musoso iú, uedikisa kuma o kikalakalu kia Jezú ki ki mu bhuidisile mu kuatekesa athu? Ihi i tua dilongo ni íii? (Mate. 15:7; Tiya. 2:15, 16; 1 Nzuá 3:17)

Musoso 97

Jezú Uíza Kála Sobha

1. Kioso kia bhixila Jezú mu sanzala ia zukamene mu Jeluzaleme, ihi ia tumina o maxibulu mê ku bhanga?

2. Mu fikula, ihi ia bhitile kioso Jezú kia zukamene mu mbanza ia Jeluzaleme?

3. Ihi ia bhangele ana-ndenge kioso kia mono Jezú ku saka athu exile ifofo ni inema?

4. Ihi ia zuela Jezú ku akunji a dizangalele?

5. Kiebhi tu tena ku kala kála ana-ndenge a ximanene Jezú?

6. Ihi ia-ndalele kuijiia o maxibulu?

Ibhuidisu ia mukuá:

1. Tanga Matesu 21:1-17.

   1. Kiebhi o ku bokona kua Jezú mu Jeluzaleme kála Sobha, ki kua difuangana ni ji kabhitangu ja tambuile Loma mu ukulu? (Mat. 21:4, 5; Zak. 9:9; Fil. 2:5-8; Kol. 2:15)

   2. Disá diahi o mizangala a tena ku dilonga dia mizangala akua Izalaiele kioso kiembile o 118 dia Jisálamu, kioso kia bokona Jezú mu tembulu? (Mat. 21:9, 15; Jisá. 118:25, 26; 2 Tim. 3:15; 2 Phe. 3:18)

2. Tanga Nzuá 12:12-16.

   Ihi ilombolola o isalale ia maie ambatele athu phala ku menekena Jezú? (Nzuá 12:13; Fil. 2:10; Dij. 7:9, 10)

Musoso 98

Ku Mulundu ua Midiva

1. Mu fikula, Jezú nanhi, iá ala nê a nanhi?

2. Ihi akunji ia fikisa ku bhanga kua Jezú mu tembulu, ni ihi ia ambela muéne?

3. Ihi iebhula o jipoxolo kua Jezú?

4. Mukonda diahi Jezú ua tangela o jipoxolo o ima ia-nda bhita mu ngongo, kioso kia-nda mateka ku tumina kála Sobha ku diulu?

5. Ihi iambe Jezú ia-nda bhita ande dia ku zubha ni kuiibha kuoso mu ixi?

Ibhuidisu ia mukuá:

1. Tanga Matesu 23:1-39.

   1. Sumbala o Mikanda ikôla idikisa kuma ku kala ni majina a ujitu ki maka, o izuelu ia Jezú mu divulu dia Matesu 23:8-11, idikisa ihi ia lungu ni ku kala ni majina a unvuama mu kilunga kia Jikidistá? (Ikalakalu 26:25; Lom. 13:7; 1 Phe. 2:13, 14)

   2. Ihi ia bhangele o Jifalizeu phala ku fidisa athu ku kala Jikidistá, ni kiebhi atuameni a jingeleja a bhanga ué kienhiki mu thembu ietu? (Mat. 23:13; Luka 11:52; Nzuá 9:22; 12:42; 1 Tes. 2:16)

2. Tanga Matesu 24:1-14.

   1. Kiebhi o valolo ia ku kolokota kia i tendelesa mu divulu dia Matesu 24:13?

   2. Ihi ilombolola o kizuelu “dizubhilu” mu divulu dia Matesu 24:13? (Mat. 16:27; Lom. 14:10-12; 2 Kol. 5:10)

3. Tanga Marku 13:3-10.

   Kizuelu kiahi mu divulu dia Marku 13:10, kidikisa kuma tua tokala kuboka o njimbu iambote ni lusolo, ni kiebhi o kizuelu kiki kia Jezú tua tokala tu ki kumbidila? (Lom. 13:11, 12; 1 Kol. 7:29-31; 2 Tim. 4:2)

Musoso 99

Mu Sala ia Sabhalalu

1. Kála kidikisa o fikula, mukonda diahi Jezú ni 12 kia jipoxolo ala mu sala ia sabhalalu?

2. Nanhi o diiala dia mu tunda-mu, ni ihi muéne ia múia mu bhanga?

3. Kúdia kuahi kuatokala kua mateka Jezú kioso kia zubha o kudia o Phasu?

4. O Phasu iexile mu lembalala ihi ku akua Izalaiele, ni ihi i lembalala o seialu ia ngana ku akaiedi a Jezú?

5. Kioso kia zubha o Kudia o Seialu ia Ngana, ihi ia zuela Jezú ku akaiedi’ê, ni ihi ene a bhangele?

Ibhuidisu ia mukuá:

1. Tanga Matesu 26:14-30.

   1. Kiebhi kidikisa o divulu dia Matesu 26:15, kuma kioso Juda kia bhakuile Jezú, ua ki bhangele muene mu vondadi iê?

   2. Mu ima iahi iiadi ia sidivila o manhinga a Jezú? (Mat. 26:27, 28; Jel. 31:31-33; Efe. 1:7; Jih. 9:19, 20)

2. Tanga Luka 22:1-39.

   Kiebhi kia bokona Satanaji mu muxima ua Juda? (Luka 22:3; Nzuá 13:2; Ikalakalu 1:24, 25)

3. Tanga Nzuá 13:1-20.

   1. Kála kiedikisa o divulu dia Nzuá 13:2, o kuila Juda uakexile ni ki kuma? Disá diahi dia tena ku di dilonga o jiselevende ja Nzambi? (Dim. 4:7; 2 Kol. 2:11; Nga. 6:1; Tiya. 1:13, 14)

   2. Disá diahi dia nguzu dia tu bhana Jezú? (Nzuá 13:15; Mat. 23:11; 1 Phe. 2:21)

4. Tanga Nzuá 17:1-26.

   Mu ukexilu uahi ua sambela Jezú phala akaiedi’ê a “kale umoxi”? (Nzuá 17:11, 21-23; Lom. 13:8; 14:19; Kol. 3:14)

Musoso 100

Jezú mu Jaludim

1. Kuebhi kuendele Jezú ni jipoxolo jê kia tundile mu sala ia sabhalalu, ni ihi ia a bhingile phala ku bhanga?

2. Ihi ia sangele Jezú kioso kia vutuka bhu kididi kia kexile o jipoxolo jê, o íii ia bhitile mu veji jikuxi?

3. Nanhi ua bokona mu jaludim, ni ihi ia bhangele Juda dia Kadiota, kála kidikisa o fikula?

4. Mukonda diahi Juda ua bejala Jezú, ni ihi ia bhangele Phetele?

5. Ihi ia zuela Jezú kua Phetele, maji mukonda diahi Jezú ka bhingile kua Nzambi phala ku mu tumikisa ji-anju?

Ibhuidisu ia mukuá:

1. Tanga Matesu 26:36-56.

   1. Kiebhi o milongi ia Jezú ku maxibulu mê, phangu iambote phala adiakimi a Jikidistá ja lelu ku i kaiela? (Mat. 20:25-28; 26:40, 41; Nga. 5:17; Efe. 4:29, 31, 32)

   2. Ihi ia banzele Jezú ia lungu ni ku kuata mauta phala ku jibha akuenu? (Mat. 26:52; Luka 6:27, 28; Nzuá 18:36)

2. Tanga Luka 22:39-53.

   Kioso kia moneka o anju kua Jezú mu jaludim ia Ngetesemane phala ku mu kolokotesa, o kuila kiki kiedikisa kuma Jezú uexile mu bhuila mu kixikinu? Jimbulula-kiu. (Luka 22:41-43; Iza. 49:8; Mat. 4:10, 11; Jih. 5:7)

3. Tanga Nzuá 18:1-12.

   Kiebhi kia lange Jezú o maxibulu mê ku jinguma jê, ni ihi tu tena ku dilonga ku phangu íii? (Nzuá 10:11, 12; 18:1, 6-9; Jih. 13:6; Tiya. 2:25

Musoso 101

Jezú a mu Jibha

1. Nanhi uexile o mukuá kikuma ku u fuilu ua Jezú?

2. Ihi ia bhangele o jipoxolo kioso o atuameni a jingeleja kiambatele Jezú?

3. Ihi ia bhitile mu dibhata dia Kaiafa, o mukunji ua dikota?

4. Mukonda diahi Phetele ua tundile ni ku didila?

5. Kioso kia vutuka ni Jezú kua Pilatu, ihi ia kexile mu dikola o akunji a dikota?

6. Ihi ia bhitile ni Jezú kia Sesa mu ngoloxi, ni kikanenu kiahi kia bhangele ku kifumbe uakexile mu taka bhu mbandu iê?

7. Kuebhi kua-nda kala o Palaízu ia zuelele Jezú?

Ibhuidisu ia mukuá:

1. Tanga Matesu 26:57-75.

   Kiebhi o adiakimi a kiônge kia dikota kia Jijudé edikisa kuma akexile ni mixima iaiibha? (Mat. 26:59, 67, 68)

2. Tanga Matesu 27:1-50.

   Mukonda diahi tu tena ku zuela kuma o ku diela kua Juda ki kuexile kua kidi? (Mat. 27:3, 4; Marku 3:29; 14:21; 2 Kol. 7:10, 11)

3. Tanga Luka 22:54-71.

   Disá diahi di tu dilonga kioso Phetele kia ditunine Jezú mu usuku kia mu kutile ni kia mu ambatele mu kaleia? (Luka 22:60-62; Mat. 26:31-35; 1 Kol. 10:12)

4. Tanga Luka 23:1-49.

   Ihi ia bhangele Jezú mu ima ioso iaiibha ia bhitile na-iu, ni ihi i tu dilonga ni íii? (Luka 23:33, 34; Lom. 12:17-19; 1 Phe. 2:23)

5. Tanga Nzuá 18:12-40.

   Sumbala Phetele uakexile ni uôma ua athu mu kithangana kieniókio, ihi idikisa kuma muéne ua kituka poxolo iambote? (Nzuá 18:25-27; 1 Kol. 4:2; 1 Phe. 3:14, 15; 5:8, 9)

6. Tanga Nzuá 19:1-30.

   1. Kiebhi kiedikisa Jezú kuma uakexile ni ukexilu uambote ua lungu ni jimbote? (Nzuá 2:1, 2, 9, 10; 19:23, 24; Mat. 6:31, 32; 8:20)

   2. Kiebhi kiedikisa o izuelelu ia sukina ia Jezú kuma muéne ua zokela o utuminu ua Jihova? (Nzuá 16:33; 19:30; 2 Phe. 3:14; 1 Nzuá 5:4)

Musoso 102

Jezú u Kala ni Muenhu

1. Nanhi o muhatu mu fikula, a nanhi o maiala aiadi, ene ala kuebhi?

2. Mukonda diahi Pilatu ua zuela ku akunji a jingeleja phala a tumikise masoladi ku langa o mbila ia Jezú?

3. Ihi ia bhangele o anju mu kimene kia selu, mu kizuua kia katatu kia u fuilu ua Jezú, ni ihi ia bhangele akunji a jingeleja?

4. Mukonda diahi ahatu endele ku mbila a Jezú a diuanene?

5. Mukonda diahi Phetele ni Nzuá a lengela katé ku mbila ia Jezú, ni ihi ene ia sange-mu?

6. Ihi ia bhitile ni kimbi kia Jezú, maji ihi muéne ia bhange phala kuidikisa ku maxibulu mê kuma muéne uala ku muenhu?

Ibhuidisu ia mukuá:

1. Tanga Matesu 27:62-66 ni 28:1-15.

   Kiebhi atuameni a jingeleja o Jifalizeu, ni adiakimi, a te kituxi ku nzumbi ikôla mu difukunukinu dia Jezú? (Mat. 12:24, 31, 32; 28:11-15)

2. Tanga Luka 24:1-12.

   Kiebhi o musoso ua lungu ni difukunukinu dia Jezú, uidikisa kuma Jihova u mona ahatu kala jimbangi ja tokala kidielelu? (Luka 24:4, 9, 10; Mat. 28:1-7)

3. Tanga Nzuá 20:1-12.

   Kiebhi o divulu dia Nzuá 20:8, 9 di tu kuatekesa ku mona kuma tua tokala ku tululuka, se ki tua ki tendela o kikumbidilu kia kikanenu kia Bibidia? (Jisa. 4:18; Mat. 17:22, 23; Luka 24:5-8; Nzuá 16:12)

Musoso 103

Mu Dixilu Dio Jike

1. Ihi iambe Madiia ku diiala dia banzele kuila mukalakadi ua jaludim, maji ihi ia mu bhangesa ku tendela kuma mu kidi Jezú?

2. Ihi ia bhitile ni maxibulu aiadi kioso kia kexile múia mu sanzala ia Emaú?

3. Madiuanu ahi a bhitile kioso o maxibulu aiadi akexile mu tangela o jipoxolo kuma a mono Jezú?

4. Veji jikuxi Jezú ua monekena ku akaiedi’ê?

5. Ihi iambe Tomé kiévu kuma o maxibulu a mono Ngana, maji ihi ia bhiti mu dinake dia izuua ku pholo?

Ibhuidisu ia mukuá:

1. Tanga Nzuá 20:11-29.

   Mu divulu dia Nzuá 20:23, o kuila Jezú uambe kuma athu a tena ku loloka o ituxi? Jimbulula-kiu. (Jisá. 49:2, 7; Iza. 55:7; 1 Tim. 2:5, 6; 1 Nzuá 2:1, 2)

2. Tanga Luka 24:13-43.

   Kiebhi tu tena ku iudika o muxima uetu phala ku xikina o kidi kia Bibidia? (Luka 24:32, 33; Ejidala 7:10; Mat. 5:3; Ikalakalu 16:14; Jih. 5:11-14)

Musoso 104

Jezú u Vutuka ku Diulu

1. Mu kizuua kimoxi maxibulu akuxi a monene Jezú, ni ihi ia a tangela muéne?

2. O Utuminu ua Nzambi ihi, ni kiebhi kia-nda kala o ixi kioso kia-nda tumina Jezú kála Sobha mu midi ia mivu?

3. Mu izuua ikuxi ia monekena Jezú ku maxibulu mê, maji kindala ola ia ku bhanga ihi?

4. Ande dia ku xisa o maxibulu mê, ihi Jezú ia a tumina ku bhanga?

5. Ihi ia mu bhita mu fikula, ni kiebhi Jezú kia jimbidila mu kaxaxi ka athu?

Ibhuidisu ia mukuá:

1. Tanga 1 Kolindu 15:3-8.

   Mukonda diahi o poxolo Phaulu ua tenene ku zuela ni kidielelu kioso kia lungu ni difukunukinu dia Jezú? Lelu o Jikidistá a tokala ku zuela ia lungu ni ihi ni kidielelu kioso? (1 Kol. 15:4, 7, 8; Iza. 2:2, 3; Mat. 24:14; 2 Tim. 3:1-5)

2. Tanga Ikalakalu 1:1-11.

   Katé kuebhi kua bhixila o kikalakalu kia kuboka, kála kia ki tange mu divulu dia Ikalakalu 1:8? (Ikalakalu 6:7; 9:31; 11:19-21; Kol. 1:23)

Musoso 105

A Kingila mu Jeluzaleme

1. Kála kidikisa o fikula, ihi ia bhitile ni akaiedi a Jezú akexile mu kingila mu Jeluzaleme?

2. Mukonda diahi ajitu mu Jeluzaleme a diuanene?

3. Ihi ia jimbulula Phetele ku athu?

4. Kiebhi kia divuile athu kioso kiévu Phetele, ni ihi ia ambela muéne ia tokalele ku bhanga?

5. Athu akuxi a a batizala mu kizuua kia Pendekoxi ia 33 mu K.K. (Kithangana kia Kristu)?

Ibhuidisu ia mukuá:

1. Tanga Ikalakalu 2:1-47.

   1. Kiebhi o izuelu ia Phetele mu divulu dia Ikalakalu 2:23, 36, idikisa kuma o diembu dioso dia akua Judé akexile ni kikuma mu kufuá kua Jezú? (1 Tes. 2:14, 15)

   2. Kiebhi Phetele ua tu xisa phangu iambote mu ku tongolola ia lungu ni Mikanda ikôla? (Ikalakalu 2:16, 17, 29, 31, 36, 39; Kol. 4:6)

   3. Kiebhi Phetele kia dianga ku kalakala ni “jisabhi ja utuminu ua diulu,” ja kanena Jezú ku mu bhana? (Ikalakalu 2:14, 22-24, 37, 38; Mat. 16:19)

Musoso 106

A a Jitula mu Kaleia

1. Ihi ia bhitile ni Phetele ni Nzuá mu ngoloxi kioso kia kexile múia mu tembulu?

2. Ihi ia zuela Phetele ku diiala dia nemana, ni ihi ia mu bhana ia beta-kota, o kitadi ndenge?

3. Mukonda diahi atuameni a jingeleja a dizangalele, ni ihi ia bhangele kua Phetele ni Nzuá?

4. Ihi iambe Phetele ku a tuameni a jingeleja, ni kiebhi kia tendelesa o jipoxolo?

5. Mukonda diahi atuameni a jingeleja akexile ni difuba, maji ihi ia bhiti kioso o jipoxolo kia a tele mu kaleia mu veji ia kaiadi?

6. Ihi ia tambuijila o jipoxolo kioso kia ambatele mu sala ia ku Fundisa?

Ibhuidisu ia mukuá:

1. Tanga Ikalakalu 3:1-10.

   Sumbala ki tu tena ku bhanga madiuanu lelu, kiebhi ki tu kuatekesa o izuelu ia Phetele mu divulu dia Ikalakalu 3:6, ku mona o valolo ia njimbu ia Utuminu? (Nzuá 17:3; 2 Kol. 5:18-20; Fil. 3:8)

2. Tanga Ikalakalu 4:1-31.

   Kioso ki tu kala ni jinguma mu kikalakalu kia kuboka, kiebhi ki tu tena ku kaiela o jiphange jetu ja Jikidistá ja dianga? (Ikalakalu 4:29, 31; Efe. 6:18-20; 1 Tes. 2:2)

3. Tanga Ikalakalu 5:17-42.

   Kiebhi a mukuá kexile Jimbangi mu ukulu ni lelu, edikisa o mbote iâ, mu kikalakalu kia kuboka? (Ikalakalu 5:34-39)

Musoso 107

Xitevá a mu Takula Matadi

1. Nanhi uexile Xitevá, ni ihi Nzambi ia mu kuatekesa ku bhanga?

2. Ihi ia zuela Xitevá ia bhangesa atuameni a jingeleja ku dizangala kiavulu?

3. Kioso o maiala a kokela Xitevá bhu kanga dia mbanza, ihi ene ia mu bhangele?

4. Mu fikula, nanhi o muzangala uemana bhu mbandu ia izuatu?

5. Ande dia kufuá, ihi ia bhingi Xitevá kua Jihova mu musambu?

6. Mu ku kaiela o phangu ia Xitevá, ihi i tua tokala ku bhanga kioso kia tu bhanga kiaiibha ku athu?

Ibhuidisu ia mukuá:

1. Tanga Ikalakalu 6:8-15.

   Ima iahi iaiibha iene mu bhanga o atuameni a jingeleja phala ku fidisa o kikalakalu kia kuboka kia Jimbangi ja Jihova? (Ikalakalu 6:9, 11, 13)

2. Tanga Ikalakalu 7:1-60.

   1. Ihi ia kuatekesele Xitevá mu ku zokela o njimbu iambote mu sala ia ku Fundisa, ni ihi tu tena ku dilonga ku phangu iê? (Ikalakalu 7:51-53; Lom. 15:4; 2 Tim. 3:14-17; 1 Phe. 3:15)

   2. Ukexilu uahi u tua tokala ku kala nau ua lungu ni ió a tatela o kikalakalu kietu? (Ikalakalu 7:58-60; Mat. 5:44; Luka 23:33, 34)

Musoso 108

Mu Njila ia Damásku

1. Ihi ia bhangele Saúlu kioso kiafú Xitevá?

2. Kima kiahi kia madiuanu kia bhitile kioso Saúlu kia kexile mu njila ia Damásku?

3. Ihi Jezú ia tumina Saúlu ku bhanga?

4. Ilongesu iahi ia bhele Jezú kua Ananiia, ni kiebhi Saúlu kia tenene dingi ku mona?

5. Saúlu a muijidile mu dijina diebhi, ni kikalakalu kiahi kia tambuile?

Ibhuidisu ia mukuá:

1. Tanga Ikalakalu 8:1-4.

   Kiebhi o kizukutisu kia kilunga kia Jikidistá kia ubhe kia sidivila phala ku muangana o kixikinu kia Jikidistá, ni kima kiahi kia difuangana iene mu bhita mu izuua ia lelu? (Ikalakalu 8:4; Iza. 54:17)

2. Tanga Ikalakalu 9:1-20.

   Ikalakalu iahi itatu ieji tambula Saúlu kála kia mu tangele Jezú? (Ikalakalu 9:15; 13:5; 26:1; 27:24; Lom. 11:13)

3. Tanga Ikalakalu 22:6-16.

   Kiebhi tu tena ku kala kála Ananiia, ni mukonda diahi kiki kia beta-kota? (Ikalakalu 22:12; 1 Tim. 3:7; 1 Phe. 1:14-16; 2:12)

4. Tanga Ikalakalu 26:8-20.

   Kiebhi o ku xikina kua Saúlu kala Kidistá ki sidivila phala ku suínisa lelu oso a kala ni maiala mba ahatu ki jikidistá? (Ikalakalu 26:11; 1 Tim. 1:14-16; 2 Tim. 4:2; 1 Phe. 3:1-3)

Musoso 109

Phetele u Kunda Koloneliu

1. Mu fikula, nanhi o diiala dia mu fukama?

2. Ihi iambe o anju kua Koloneliu?

3. Ihi iedikisa Nzambi kua Phetele kioso kia kexile ku thandu dia’nzo ia Ximá mu Jopa?

4. Mukonda diahi Phetele ua fidisa Koloneliu ku mu fukamena ni ku mu bheza?

5. Mukonda diahi o maxibulu Jijudé akexile ni Phetele a di uanene?

6. Disá diahi di tua tokala ku dilonga dia ujitu ua Phetele kua Koloneliu?

Ibhuidisu ia mukuá:

1. Tanga Ikalakalu 10:1-48.

   Ihi idikisa o izuelu ia Phetele mu divulu dia Ikalakalu 10:42, ia lungu ni kikalakalu kia kuboka o njimbu ia mbote ia Utuminu? (Mat. 28:19; Marku 13:10; Ikalakalu 1:8)

2. Tanga Ikalakalu 11:1-18.

   Ukexilu uahi uedikisa Phetele kioso o ilongesu ia Jihova ia lungu ni akua Jixi jengi ka kexile luua Jikidistá, ni kiebhi tua tokala ku kaiela o phangu iê? (Ikalakalu 11:17, 18; 2 Kol. 10:5; Efe. 5:17)

Musoso 110

Timote—Múkuatekixi ua Phaulu

1. Nanhi o muzangala mu fikula, kuebhi kua tungila, ni kiebhi kiexanene manh’â, ni kuku’ê?

2. Kiebhi kia tambuijila Timote kioso Phaulu kia mu ibhula se ua mesenene kuia ni Sila, ni Phaulu, mu kubokela athu mu ididi ia dikanga?

3. Kididi kiebhi kia diangela ku xana o akaiedi a Jezú kála Jikidistá?

4. Kioso Phaulu ni Barnabe kia xisa Andiioka, jimbanza jebhi ja kundile?

5. Kiebhi Timote kia kuatekesa Phaulu, ni o mizangala ia lelu a tokala a di bhuidisa kiebhi?

Ibhuidisu ia mukuá:

1. Tanga Ikalakalu 9:19-30.

   Kiebhi o poxolo Phaulu kiedikisa o unjimu, kioso kia mu zukutisa mukonda dia njimbu iambote? (Ikalakalu 9:22-25, 29, 30; Mat. 10:16)

2. Tanga Ikalakalu 11:19-26.

   Kiebhi kidikisa o musoso mu divulu dia Ikalakalu 11:19-21, 26, kuma o nzumbi ia Jihova iendesa o kikalakalu kia kuboka?

3. Tanga Ikalakalu 13:13-16, 42-52.

   Kiebhi o divulu dia Ikalakalu 13:51, 52, didikisa kuma o maxibulu kehela o kizukutisu kua bhuila? (Mat. 10:14; Ikalakalu 18:6; 1 Phe. 4:14)

4. Tanga Ikalakalu 14:1-6, 19-28.

   Kiebhi ki tu tululukisa o kizuelu “ku mi bakula kua Jihova” kia lungu ni hele i tu kala na-iu mu ku kuatekesa o mizangala? (Ikalakalu 14:21-23; 20:32; Nzuá 6:44

5. Tanga Ikalakalu 16:1-5.

   Kiebhi o vondadi ia Timote ia ku xikina ku mu saia, ilondekesa kuma o “ima ioso tu i bhanga mukonda dia njimbu iambote”? (Ikalakalu 16:3; 1 Kol. 9:23; 1 Tes. 2:8)

6. Tanga Ikalakalu 18:1-11, 18-22.

   Ihi idikisa o divulu dia Ikalakalu 18:9, 10, ia lungu ni Jezú ku tuamena o kikalakalu kia ku tula o njimbu, ni kidielelu kiahi ki tu bhana lelu? (Mat. 28:20)

Musoso 111

O Muzangala ua Zeka

1. Mu fikula, nanhi o muzangala ua zeka bhoxi, ni ihi ia bhiti ni muéne?

2. Ihi ia bhangele Phaulu kioso kia mono kuma o muzangala uafú?

3. Kuebhi kua múia Phaulu ni Timote ni iâ ala nê mu njila, ni ihi ia bhitile ni ene kioso kia bhixila ku Miletu?

4. Ngolokela iahi ia bhanene polofeta Akabo kua Phaulu, ni kiebhi o ima ia bhitile muene kála kia i tangele?

Ibhuidisu ia mukuá:

1. Tanga Ikalakalu 20:7-38.

   1. Kiebhi tu tena ku kolokota mu ku ‘zela ku mienhu ia athu oso,’ kala kiedikisa o izuelelu ia Phaulu io soneke mu divulu dia Ikalakalu 20:26, 27? (Ize. 33:8; Ikalakalu 18:6, 7)

   2. Mukonda diahi o adiakimi a tokala ku ‘kaiela ni kidielelu kioso o maka ma fiiele’ kioso kia longa? (Ikalakalu 20:17, 29, 30; Tito 1:7-9; 2 Tim. 1:13)

2. Tanga Ikalakalu 26:24-32.

   Mukonda dia Phaulu ku kala mukuá Loma, kiki kia mu kuatekesa kiebhi mu ku kumbidila kiambote o kikalakalu kiê, kia tambula kua Jezú? (Ikalakalu 9:15; 16:37, 38; 25:11, 12; 26:32; Luka 21:12, 13)

Musoso 112

Kuboba mu Kizanga

1. Ihi ia bhitile ni naviio mua kexile Phaulu, kioso kia kexile mu bhita mu kizanga kia Keleta?

2. Ihi ia zuela Phaulu kua ió akexile nê mu naviio?

3. Mukonda diahi o naviio ia kexile mu bukujuka?

4. Ihi ia tumina ku bhanga o kabhitangu ka masoladi, ni athu akuxi a bhulukile?

5. Kiebhi kiexanene o kizanga kua kexile, ni ihi ia bhitile ni Phaulu kioso o kitembu ki kia tululuka?

Ibhuidisu ia mukuá:

1. Tanga Ikalakalu 27:1-44.

   Kiebhi o kidielelu kietu ki kolokota mu kidi kia Bibidia kioso ki tu tanga o musoso ua lungu ni njila ia Phaulu mu Loma? (Ikalakalu 27:16-19, 27-32; Luka 1:3; 2 Tim. 3:16, 17)

2. Tanga Ikalakalu 28:1-14.

   Se akua ixi ia Melita, a tenene ku bhanga o mbote kua poxolo Phaulu ni ió akexile nê, ni ‘henda ioso,’ o Jikidistá lelu a tokala ué kuidikisa ihi, ni kiebhi? (Ikalakalu 28:1, 2; Jih. 13:1, 2; 1 Phe. 4:9)

Musoso 113

Phaulu mu Loma

1. Phaulu ua bokela nanhi kioso kia kexile mu kaleia mu Loma?

2. Mu fikula, nanhi o mujitu ua xikama bhu meza, ni ihi muéne ia mu bhangela Phaulu?

3. Nanhi uexile Epafrodito, ni ihi iambatele muéne kioso kia vutukile mu Filipe?

4. Mukonda diahi Phaulu ua soneka mukanda phala kamba diê, Filimone?

5. Ihi ia bhange Phaulu kioso kia tubhuka mu kaleia, ni ihi ia bhitile nê ku pholo?

6. Nanhi a mu tumina kuala Jihova ku soneka o madivulu a sukina a Bibidia, ni ihi i zuela o divulu dia Dijingunuinu?

Ibhuidisu ia mukuá:

1. Tanga Ikalakalu 28:16-31 ni Filipe 1:13.

   Ihi ia bhangele Phaulu kioso kiexile mu kaleia mu Loma, ni kiebhi kiki kia kuatekesa o kixikinu kia Jikidistá mu kilunga? (Ikalakalu 28:23, 30; Fil. 1:14)

2. Tanga Filipe 2:19-30.

   Kizuelelu kiahi kiauabha kia Phaulu kiedikisa o henda iê kua Timote ni Epafrodito, ni kiebhi tua tokala ku kaiela o phangu ia Phaulu? (Fil. 2:20, 22, 25, 29, 30; 1 Kol. 16:18; 1 Tes. 5:12, 13)

3. Tanga Filimone 1-25.

   1. Ihi ia kuatekesa Phaulu phala ku suínisa Filimone ku bhanga ima iambote, ni kiebhi kiki ki sidivila kala ilongesu phala adiakimi lelu? (Filim. 9; 2 Kol. 8:8; Nga. 5:13)

   2. Kiebhi o kizuelu kia Phaulu ki tua sange mu divulu dia Filimone 13, 14, kidikisa kuma muéne uakexile mu xila o kitongoluelu kia akuâ mu kilunga? (1 Kol. 8:7, 13; 10:31-33)

4. Tanga 2 Timote 4:7-9.

   Kála poxolo Phaulu, kiebhi tu tena ku kala ni kidielelu, kuma Jihova ua-nda tu futa se tu kolokota mu kixikinu katé ku dizubhilu? (Mat. 24:13; Jihe. 6:10)

Musoso 114

O Dizubhilu Dia Kuiibha Kuoso

1. Mukonda diahi o Bibidia izuela ia lungu ni jikabalu ku diulu?

2. Diebhi o dijina dia ita ia Nzambi ia-nda kuíza phala ku buika athu oso aiibha mu ixi, o ita íii ia-nda bhanga ihi?

3. Kála kidikisa o fikula, Nanhi ua-nda tuamena o ita, ni mukonda diahi muéne uala ni kitundu, ni ihi ijimbulula o xibhata iê?

4. Vutuka ku Misoso ia 10 ni 15 ku dima, mukonda diahi ki tua tokala ku sasumuka kuma Nzambi ua-nda buika athu aiibha?

5. Kiebhi kidikisa o Misoso ua 33, 36 ni 76, kuma Nzambi ua-nda buika athu aiibha né muene ene amba kuma ene ku mu bheza?

Ibhuidisu ia mukuá:

1. Tanga Dijingunuinu 19:11-16.

   1. Kiebhi kidikisa o Mikanda ikôla kuma Jezú Kristu muéne ua mu kuendesa o kabalu ka zele? (Dij. 1:5; 3:14; 19:11; Iza. 11:4)

   2. Kiebhi kidikisa o manhinga ku izuatu ia Jezú kuma o kikoué kiê kia tenena? (Dij. 14:18-20; 19:13; Iza. 63:1-6)

   3. A nanhi ala mu kifuxi kia mu kaiela Jezú ku kabalu kê ka zele? (Dij. 12:7; 19:14; Mat. 25:31, 32)

Musoso 115

O Palaízu ia Ubhe mu Ixi

1. Kála ki zuela o Bibidia, ima iahi iambote i tua-nda kala na-iu mu Palaízu?

2. Ihi i kanena o Bibidia phala athu a-nda tunga mu Palaízu?

3. Mu thembu kuxi Jezú ua-nda bhanga o madiuanu enhá?

4. Kioso Jezú kia kexile mu ixi, ihi ia bhangele phala kuidikisa ioso ia-nda bhanga kála Sobha ia Utuminu ua Nzambi?

5. Ihi Jezú ni ji nguvulu jê ja diulu a kanena kuila ia-nda bhita kioso kia-nda tumina o ixi tundé ku diulu?

Ibhuidisu ia mukuá:

1. Tanga Dijingunuinu 5:9, 10.

   Mukonda diahi tu tena ku kala ni kidielelu kuma ió a-nda tumina mu ixi, mu Utuminu ua Midi ia mivu, a-nda kala jisobha ni akunji ambote ni akua henda? (Efe. 4:20-24; 1 Phe. 1:7; 3:8; 5:6-10)

2. Tanga Dijingunuinu 14:1-3.

   Ihi i jimbulula o kisoneku kia dijina dia Tata ni dia Kambudi bhu mabhômo a 144.000? (1 Kol. 3:23; 2 Tim. 2:19; Dij. 3:12)

Musoso 116

Kiebhi tu Tena ku Kala ni Muenhu ua Kalelaku

1. Ihi i tua tokala kuijiia phala ku kala ni muenhu ua kalelaku?

2. Kiebhi tu tena ku dilonga ia lungu ni Jihova Nzambi ni Jezú, kála kidikisa o mona-ndenge ni makamba mê mu fikula?

3. Divulu diebhi dia mukuá di ua mu mona mu fikula, ni mukonda diahi tua tokala ku di tanga izuua ioso?

4. O ku dilonga kia lungu ni Jihova ni Jezú ki kisoko, ihi i tua tokala ku bhanga dingi se tua mesena ku nganhala o muenhu ua kalelaku?

5. Disá diahi tua dilongo mu Musoso ua 69?

6. Phangu iahi iambote ia Samuuele iedikisa o Musoso ua 55?

7. Kiebhi tu tena ku kaiela o phangu ia Jezú Kristu, se tu bhanga kiki ihi tua-nda nganhala ku hádia?

Ibhuidisu ia mukuá:

1. Tanga Nzuá 17:3.

   Kiebhi kiedikisa o Mikanda ikôla kuma o kuijiia Jihova Nzambi ni Jezú Kristu, ilombolola dingi kuila ki ki soko ngó o kuijiia o misoso? (Mat. 7:21; Tiya. 2:18-20; 1 Nzuá 2:17)

2. Tanga Jisálamu 145:1-21.

   1. Mukonda diahi tua tokala ku ximana Jihova? (Jisá. 145:8-11; Dij. 4:11)

   2. Kiebhi Jihova “u bhanga mbote ku athu uoso,” ni mukonda diahi kiki kia tokala ku tu zukamesa dingi kua muéne? (Jisá. 145:9; Mat. 5:43-45)

   3. Se tu zola Jihova ni muxima, ihi tua tokala ku bhanga? (Jisá. 119:171, 172, 175; 145:11, 12, 21)