Kizukutisu
Mukonda dyahi o Jikidistá ejiya kwila anda kwazukutisa?
Kyoso kya mutuzukutisa, mukonda dyahi twatokala kubhinga kwa Jihova phala kutukolokotesa?
Jis 55:22; 2Ko 12:9, 10; 2Ti 4:16-18; Jih 13:6
Misoso ya Bibidya itena kutukwatekesa:
1Ji 19:1-18—Kyoso kyexile mu muzukutisa, polofeta Elija wajikula o muxima wê kwa Jihova, anga Jihova umuswinisa
Ik 7:9-15—Zuze amuzukutisa ku jiphange jê, maji Jihova wamubhulula, wamulange, anga ubhangesa kwila Zuze ubhulula o mwiji wê
Maukexilu ebhi adilungu ni kizukutisu?
Kyoso kya tulokalala
2Mal 36:16; Mat 5:11; Ik 19:9; 1Ph 4:4
Misoso ya Bibidya itena kutukwatekesa:
2Ji 18:17-35—Labesaki, mukwatekexi wa sobha ya Asídya, waxongwena Jihova ni mundu wê ku Jeluzaleme
Lu 22:63-65; 23:35-37—O athu exile muzukutisa Jezú, amuxongwena kyoso kyamukwata ni kyoso mwene kyexile ku taka
Kyoso o jindandu jetu kyatuzukutisa
Kyoso kyatuta mu kaleya ni kyatutuma phala kudizokela bhupholo dya afundixi
Kyoso kyatubeta
Kyoso kyatubeta ku kibuka kya athu ala ni njinda yavulu
Ujibhangânga
Ihi yatokala kubhanga o Jikidistá kyoso kyamwazukutisa?
Mat 5:44; Ik 16:25; 1Ko 4:12, 13; 1Ph 2:23
Misoso ya Bibidya itena kutukwatekesa:
Ik 7:57–8:1—Kyoso Xitevá kyexile phala kumujibha ku kibuka kya athu mwexile Sawulu mukwa Tálusu, Xitevá wabhingi kwa Nzambi phala kuloloka yó exile ku mujibha
Ik 16:22-34—Sumbala Phawulu amubeta ni kumukuta o inama ku dibaya, mwene walondekesa henda ku kasalelu. Kiki kyabhangesa o kasalelu ni mwiji woso kukituka Jikidistá
Ihi yabhiti ni amoxi ku Jikidistá ku hama ya dyanga?
Kyebhi kitwatokala kudivwa kyoso kyatuzukutisa?
Kyebhi o kidyelelu kyetu phala o hádya kituswinisa kyoso kyatuzukutisa?
Mukonda dyahi kitutokala kwehela o kizukutisu kutubhangesa kukala ni jisonyi, wôma mba kuluwala? Mukonda dyahi twatokala kusuluka mu kusidivila Jihova sumbala ni izukutisu?
Jis 56:1-4; Ik 4:18-20; 2Ti 1:8, 12
Misoso ya Bibidya itena kutukwatekesa:
2Mal 32:1-22—Kyoso Sobha Senakedibe kyabheka kifuxi kya masoladi avulu, o Sobha yafiyele Ezekiya wadyelela Jihova yu waswinisa o akwa Izalayele; mwene amubesowala lwavulu
Jih 12:1-3—O azukutisi asoto kukwatesa jisonyi kwa Jezú, maji kiki ki kyamuluwalesa
Ima yebhi yambote ibhita kyoso kyatuzukutisa?
Kyoso kitukolokota mu kizukutisu, tusangulukisa Jihova tuximanesa o dijina dyê
Misoso ya Bibidya itena kutukwatekesa:
Job 1:6-22; 2:1-10—Jobe kejidile kwila Satanaji mwéne wexile mu muzukutisa, maji né kiki wakolokota mu ufiyele wê kwa Jihova. Kiki kyalondekesa kwila Satanaji mukwa makutu, kyaximanesa we Jihova
Da 1:6, 7; 3:8-30—Hananiya, Mizayele, ni Azadiya (Sadalake, Mizake ni Abede-neko) exile polondo phala kufwa mu veji dya kubhukumukina Jihova, kiki kyabhangesa Sobha Nabukodonozolo kuxikina kwila Jihova, Suke-ku
O kizukutisu kitena kubhangesa o athu kwijiya Jihova
Misoso ya Bibidya itena kutukwatekesa:
Ik 11:19-21—O Jikidistá adimwange mukonda dya izukutisu, asuluka mu kuboka o njimbu yambote mu ididi yavulu
Fi 1:12, 13—Poxolo Phawulu wasangulukile mu kwijiya kwila mukonda dya kukala mu kaleya, athu avulu evu o njimbu yambote
Kyoso kitukolokota bhukaxi ka izukutisu, tuswinisa o jiphange jetu
Kyebhi o atwameni a jingeleja ni jinguvulu kyene mufunyisa o athu phala kuzukutisa o jiselevende ja Jihova?
Je 26:11; Mál 3:6; Nz 11:47, 48, 53; Ik 25:1-3
Misoso ya Bibidya itena kutukwatekesa:
Ik 19:24-29—Ku Efezu sayi athu exile mubhanga iteka, exile mubanza kwila o wenji wâ weji dibota mukonda dya njimbu yexile muboka o Jikidistá, mukonda dya kiki ene exile muzukutisa o Jikidistá
Ng 1:13, 14—Ande dya kukituka Kidistá, Phawulu (Sawúlu) wexile mukayela o ilongesu ya Jijudé ni kuswina kwoso, mukonda dya kiki wexile muzukutisa o Jikidistá