Kuloloka
O kwila Jihova wamesena mwene kuloloka o athu?
Tanga we 2Ph 3:9
Misoso ya Bibidya itena kutukwatekesa:
Jis 78:40, 41; 106:36-46—Sumbala o akwa Izalayele aluwalesele Jihova mu veji javulu, mwene wa aloloka we mu ithangana yavulu
Lu 15:11-32—Jezú wate kifika kya tata mukwa henda waloloka mon’ê wabhange ima yayibha, maji kupholo dya kwenda wadyela. Mwene wate o kifika phala kulonga kwila Jihova wala polondo phala kutuloloka
Ihi yabhange Jihova phala kuloloka o ituxi yetu?
Misoso ya Bibidya itena kutukwatekesa:
Jih 9:22-28—Poxolo Phawulu wajimbulula kwila Jihova utena kuloloka o ituxi yetu mukonda dya Jezú kubhana o mwenyu wê kala sata phala kutubhulula
Dij 7:9, 10, 14, 15—Poxolo Nzwá wasoneka kwila Nzambi uloloka o ituxi ya “mundu wavulu” mukonda ene ala ni kixikanu ku sata ya Jezú
Kyoso akwetu kya tuluwalesa, ihi itwatokala kubhanga phala Jihova kuloloka o ituxi yetu?
Mat 6:14, 15; Mál 11:25; Lu 17:3, 4; Tiy 2:13
Misoso ya Bibidya itena kutukwatekesa:
Job 42:7-10—Ande dya Jihova kusaka ni kubesowala Jobe, Jihova wabhingi kwa Jobe phala kusamba phala o mbote ya kitatu kya mala exile mu mutatela
Mat 18:21-35—Jezú wate musoso ulondekesa kwila twatokala kuloloka akwetu se twamesena kwila Jihova uloloka o ituxi yetu
Mukonda dyahi twabhingi kufisala ni kudyela o ituxi yetu?
Misoso ya Bibidya itena kutukwatekesa:
Jis 32:1-5; 51:1, 2, 16, 17—Mukonda dya kuta ituxi ya makota, Sobha Davidi watoloka o muxima, maji wadyela o ituxi ni kidi kyoso
Tiy 5:14-16—Tiyaku wambe kwila se tuta kituxi kya dikota, twatokala kusota o kikwatekesu kya tufunga
Ima yahi itwabhingi kulungulula ku mwenyu se twamesena kwila Jihova utuloloka?
Ji 28:13; Iz 55:7; Ef 4:28
Misoso ya Bibidya itena kutukwatekesa:
1Ji 21:27-29; 2Mal 18:18-22, 33, 34; 19:1, 2—Sobha Akabe waluwalele kyoso kyevu kwila Jihova weji mukaxtikala. Maji mwene kadyela o ituxi yê mu kidi, mu kiki Jihova kamuloloka
2Mal 33:1-16—Sobha Manasa wabhange ima yavulu yayibha kinene, maji Jihova wamuloloka mukonda mwene wadyela mu kidi. Manasa walondekesa kiki mu kubhanga yoso ni yoso phala kuzubha o ubhezelu wa iteka ni kukwatekesa o akwa Izalayele kubheza Jihova
Se tudyela mu kidi, o kwila Jihova wanda lembalala dingi o ituxi yetu?
Jis 103:10-14; Iz 1:18; 38:17; Je 31:34; Mi 7:19
Misoso ya Bibidya itena kutukwatekesa:
2Sa 12:13; 24:1; 1Ji 9:4, 5—Sumbala Davidi watele ituxi ya makota, maji Jihova wamuloloka mukonda wadyela o ituxi yê, mu kusuluka Jihova wamutumbula kala muthu wafiyele
Kyebhi Jezú kyakayela o phangu ya Jihova ya kukala polondo phala kuloloka?
Jis 86:5; Lu 23:33, 34
Misoso ya Bibidya itena kutukwatekesa:
Mat 26:36, 40, 41—Tiyaku, Phetele ni Nzwá azeka mu kithangana kyoso Jezú kyabhindamene dingi o kikwatekesu kyâ, Jezú wejidile kwila sumbala amesenene kumukwatekesa maji ene atohokele kyavulu
Mat 26:69-75; Lu 24:33, 34; Ik 2:37-41—Mu veji jitatu Phetele wambe kwila kejidile Jezú, maji Jezú wamuloloka mukonda wadyela mu ima yazwela. Jezú kyoso kyamufukununa watukulukila Phetele, yu wamubhana kikalakalu kya katunda kya kukwatekesa o kilunga
Kyebhi kitwejiya kwila Jihova kanda loloka o athu oso?
Mat 12:31; Jih 10:26, 27; 1Nz 5:16, 17
Misoso ya Bibidya itena kutukwatekesa:
Mat 23:29-33—Jezú wambe ku jimesene ja kulonga o Kitumu ni ku Jifalizewu kwila Nzambi wanda kwabwikisa
Nz 17:12; Mál 14:21—Jezú wexana Juda dya Kadyota kala “mon’a kibwika”, yu wambe kwila kyeji kala kota se Juda kamuvwalele