Чь Әм Дькарьн Һин бьн жь Хәбәра Хԝәде?

Рʹожа иройин Хԝәде тʹәви мә хәбәр дьдә бь Кʹьтеба Пироз. Әԝ мә һин дькә ча гәрәке бьжин Ԝәки бәхтәԝар бьн, ӧса жи Ԝәки qәбулкьрьна Ԝи бьстиньн. Кʹьтеба Пироз ӧса жи щаба Ԝан пьрса дьдә, йед кӧ жере ньвисар ьн:

ЧАԜА БЬВИНЬН РʹЕЗЕД ЖЬ КʹЬТЕБА ПИРОЗ

Кʹьтеба Пироз бь 66 кʹьтеба һатийә тʹопкьрьне. Әԝ һатә пʹарәвәкьрьне ль сәр дӧ пʹара: Ньвисаред Ибранийа («Пәймана Кәвьн») у Ньвисаред Йунанийа, йане Мьзгини («Пәймана Ну»). Һәр йәк жь ԝан 66 кʹьтеба те пʹарәвәкьрьне ль сәр сәрийа у рʹеза. Чахе әʹдәбйәтеда рʹезәк жь Кʹьтеба Пироз ньвисар ә, паши наве кʹьтебе һʹәсаба пешьн әԝ сәри йә, паше жи те кʹьфшкьрьне рʹез. Мәсәлә, Дәстпебун 1:1, те һʹәсабе кʹьтеба Дәстпебун сәре 1 рʹеза 1.