ПʹАРА 4
Жь пʹадше Исраеле пешьн һʹәта дилтйа ль Бабилоне
Пʹадше Исраеле пешьн Шаԝул бу. Ле Йаһоԝа жь ԝи ԛайил нибу у дәԝса ԝи Даԝьд да кʹьвш кьрьне ча пʹадша. Дь пʹара чарада дәрһәԛа Даԝьд әме гәлә тьшт пебьһʹәсьн. Әме пебьһʹәсьн ча әԝи чахе һе щаһьл бу, тʹәви әскәре тәрʹьки бь наве Голйатʹ шәрʹ кьрьбу. Паше ча әԝ жь Шаԝуле һʹәвсуд дьрʹәвә, у ча Абигаила сәрԝахт нәһишт кӧ Даԝьд нәһәԛийа бькә.
Әме ӧса жи гәлә тьшт дәрһәԛа кӧрʹе Даԝьд Сьлеман пебьһʹәсьн, йе кӧ паши Даԝьд бу пʹадша. Һәр йәк жь се пʹадшед Исраелийә пешьн, ԝәкә 40 сали пʹадшати кьрьн. Паши мьрьна Сьлеман Исраел ль сәр дӧ пʹадшатийа пʹарчә бу. Ль сәр пʹадшатийа 10 бәрәка у дӧ бәрәка.
Пʹадшатийа 10 бәрәка, демәк Исраел, 257 сала пʹадшати кьрьн, ле паше ашурийа ԝана зәфт кьрьн. Пашԝәхтийе, чахе ԝәкә 133 сал дәрбаз бун, пʹадшатийа дӧ бәрәкед Щьһуда у Бьнйамин жи һатә һьлшандьне. Ԝи чахи исраелийа бьрьн ль Бабилоне дилти. Дә хԝандкʹаред хԝәрʹа бежьм дь Пʹара ЧАРАДА гәлә сәрһатийед һʹәԝас һәнә, йе кӧ нава 510 сале тʹәрихийе ԛәԝьмин.