Тʹема йа Кʹьтеба Пироз
Йаһоԝа Адәм у Һеԝа әʹфьранд у хԝәст кӧ әʹмьре һʹәта-һʹәтайе Щьнәтеда бьдә ԝан. Шәйтʹан Мире-щьна наве Хԝәде Йаһоԝа беһӧрмәт дькә у изьна Ԝийә кӧ сәрԝертийе бькә дькә бьн шьке. Адәм у Һеԝа тʹәви Шәйтʹане мьԛабьл бун йәк, у бь ве йәке ԝана хԝәрʹа у зӧрʹәтед хԝәрʹа гӧнә у мьрьн анин
Йаһоԝа йед мьԛабьл сущдар дькә, у соз дьдә ԝәки Хьлазкʹар йан жи Зӧрʹәт ԝе бе, Мире-щьна кʹӧта кә, ӧса жи һʹәму тьштед кӧ жь бо мьԛабьлийа ԝи пешда һатьн, мәсәлә гӧнә бьдә һьлдане
Йаһоԝа соз дьдә Бьраһим у Даԝьд, ԝәки жь ԝана Зӧрʹәт, йан Мәсиһ пешда бе, йе кӧ ԝе бьбә Пʹадша у һʹәта-һʹәтайе сәрԝертийе бькә
Пʹехәмбәра жь бина бәр Йаһоԝа пʹехәмбәрти дькьрьн, ԝәки Мәсиһ ԝе мәрийа жь гӧнә у мьрьне хьлаз кә. Әԝ ԝе тʹәви 144 000 Пʹадшатийа Хԝәдеда пʹадшатийе бькә у шәрʹа, нәхԝәшийе у мьрьне бьдә һьлдане
Йаһоԝа Кӧрʹе хԝә дьшинә сәр әʹрде у дьдә кʹьфше, кӧ Иса Мәсиһе создайи йә. Иса дәрһәԛа Пʹадшатийа Хԝәде шәʹдәтийе дьдә у әʹмьре хԝә дькә ԛӧрбан. Паше, Йаһоԝа ԝи ча кәсе рʹӧһʹани сах дькә
Йаһоԝа Кӧрʹе хԝә сәр тʹәхте Пʹадшатийа әʹзмана кʹьфш дькә у нишана рʹожед кʹӧтасийа ве дьнйа хьраб дәстпедьбә. Иса рʹебәрийе шагьртед хԝәйә сәр әʹрде дькә, йед кӧ мьзгинийа Пʹадшатийа Хԝәде нав тʹәмамийа дьнйайеда бәла дькьн
Йаһоԝа рʹебәрийе дьдә Кӧрʹе хԝә, ԝәки сәр әʹрдерʹа Пʹадшатийе бькә. Әв Пʹадшати ԝе һʹәму сәрԝеред дьнйайейә хьраб ԛьрʹ кә, әʹрде бькә Щьнәт у мәри ԝе бьбьнә беԛьсур. Ԝе изьна сәрԝертийа Хԝәде избат бә у наве ԝи һʹәта-һʹәтайе пироз бә