Тӧйе Ԛьрара Йаһоԝа Бьԛәдини?

Әм зәʹф жь тә рʹази нә, кӧ тә хԝәрʹа ԝәʹдә дит әва брошура хԝәнд, ԝәки дәрһәԛа Шәʹдед Йаһоԝа у шьхӧлед ԝан пебьһʹәси. Әм гӧман ьн, кӧ әва брошура ԝе али тә бькә, тӧ мә нас ки чаԝа мәрьвед кӧ иро ԛьрара Йаһоԝа дьԛәдиньн. Әм һелана дьдьнә тә, ԝәки тʹьме занәбуна дәрһәԛа Хԝәде бьстини, малбәт у һәвалед хԝәрʹа дәрһәԛа ве йәке гьли ки, ӧса жи тʹьме бейи сәр щьватед мә (Ибрани 10:23-25).

Һәрге тӧ дәрһәԛа Йаһоԝа һе зедә пебьһʹәси, те бьвини, ԝәки әԝ бь рʹасти жи тә һʹәз дькә. Паше те хԝәха бьхԝази һʹәму тьшти бьки, ԝәки һʹәзкьрьна хԝә һьндава Йаһоԝа нишан ки (1 Йуһʹәнна 4:8-10, 19). Ле тӧ ча дькари әʹмьре хԝәйи һәррʹожида, һʹәзкьрьна хԝә һьндава Хԝәде бьди кʹьфше? У чьрʹа хԝәйкьрьна принсипед нав-намусийе, бона тә кʹар ьн? Чь ԝе али тә бькә, ԝәки тӧ бьхԝази тʹәви мә ԛьрара Хԝәде бьԛәдини? Кʹи кӧ тʹәви тә һинбуна Кʹьтеба Пироз дәрбаз дькә, ԝе бь шабуне тʹәви тә щаба ван пьрса бьвинә, сәва кӧ тӧ у малбәта тә бькарьбьн «хԝә нава ԝе һʹәзкьрьна Хԝәде . . . хԝәй кьн», ԝәки әԝ «жийина һʹәта-һʹәтайе бьдә ԝә» (Щьһуда 21).

Әм бь дьл у щан тә тʹәглиф дькьн ԝәки бәрдәԝам ки рʹийа рʹастийеда һәрʹи, бь һинбуна ве әʹдәбйәте «Хԝә Нава Һʹьзкьрьна Хԝәдеда Хԝәй кә»