СӘРЕ 12
Хорте Мерхас
Wәре әм пебьһʹәсьн дәрһәqа хортәки, йе кö әʹмьре хале хwә хьлаз кьр. Наве хале wи Паwлос бу. Әм наве ви хорти ньзаньн, ле әм заньн кö әwи тьштәки мерхаси кьр. Тö дьхwази пебьһʹәси wәки әwи чь кьр?~
Паwлос дь шәһәре Оршәлимеда, кәледа бу. Паwлос һатә гьртьне, чьмки әwи дәрһәqа Иса даннасин дькьр. Һьнә мәрьвед хьраб, Паwлос һʹьз нәдькьрьн, ләма жи әwана тьштәки хьраб сафи кьрьн бькьн. Wана гот: ‹Wәрен әм бежьнә мәзьне әскәра, wәки әскәред wи, Паwлос бьвьнә бал һакьм. Әме жи незики рʹе щики хwә вәшерьн. У чахе әwана ве рʹерʹа дәрбаз бьн, һьнге әме Паwлос бьгьрьн у бькöжьн!›
Кöрʹе хушка Паwлос, хале хwәрʹа у мәзьне әскәрарʹа дәрһәqа шьхöлед мәрьвед хьраб гьли дькә
Һьнге кöрʹе хушка Паwлос дәрһәqа шьхöле wанә хьраб бьһист. Әwи чь кьр? Әw чу кәле у Паwлосрʹа дәрһәqа ве йәке гьли кьр. Паwлос готә wи wәки һәрʹә щәм мәзьне әскәра у һʹәму тьшт wирʹа бежә. Ча тö дьшьрмиш дьби, әви хорте щаһьлрʹа һеса бу тʹәви мәзьне әскәра хәбәр да?~ На һеса нибу. Чьмки мәзьне әскәра йәки гьринг бу. Ле кöрʹе хушка Паwлос мерхас бу, у чу тʹәви мәзьне әскәра хәбәр да.
Мәзьне әскәра рʹьнд заньбу кö чь гәрәке бькә. Әwи wәкә 500 әскәр шандьн, wәки Паwлос хwәй кьн! Әwи готә әскәред хwә, кö ве шәве Паwлос һьлдьн у бьвьнә Qәйсәрийайе. Гәло Паwлос һатә хьлазкьрьне?~ Бәле, Паwлос хьлаз бу. У мәрьвед хьраб жи нькарьбун әw бьгьртана! Сафикьрьна wанә хьраб нәһатә сери.
Ле тö чь дькари жь ве сәрһатийе һин би?~ Тö жи дькари мина wи хорти, мерхас би. Чахе әм тʹәви мәрийа дәрһәqа Йаһоwа хәбәр дьдьн, мәрʹа лазьм ә wәки әм мерхас бьн. Тöйе мерхас би, у тʹьме дәрһәqа Йаһоwа тʹәви мәрийа хәбәр ди?~ Зани һәрге тö öса бьки, тö жи бькарьби әʹмьре кәсәки хьлаз ки.