ТʹЕМА ЖЬ РʹУЙЕ ЖУРНАЛЕ | КʹИ НӘ ШӘʹДЕД ЙАҺОԜА?
Чьрʹа әм даннасин дькьн?
Дьбәкә ԝә тʹәхмин кьрийә кӧ әм жь религийед дьн щӧдә дьбьн, чьмки нав тʹәмамийа дьнйайеда әм даннасин дькьн, мәсәлә мал бь мал, щийед кӧ гәләк мәрьв ьн, дькарьн бежьн һʹәму дәра. Ле гәло чьрʹа әм әԝи шьхӧли дькьн?
Шәʹдед Йаһоԝа даннасин дькьн бона рʹумәткьрьна Хԝәде у сәва кӧ наве ԝи мәрьварʹа әʹйан кьн (Ибрани 13:15). Әм ӧса жи дьхԝазьн гӧрʹа ве тʹәмийа Иса бькьн: «Ньһа һәрʹьн һʹәму мьләта һин кьн . . . ԝан һʹәму тʹәмийед кӧ мьн данә ԝә . . . , ԝәки әԝ хԝәй кьн» (Мәтта 28:19, 20).
Әм ӧса жи даннасин дькьн, чьмки мәрьва һʹьз дькьн (Мәтта 22:39). Рʹаст ә әм фәʹм дькьн кӧ религийа гәләк мәрьва һәйә у кӧ һʹәԝаса нә һʹәму мәрьва мьзгинийа мәрʹа те. Ле әм заньн кӧ чь кӧ Кʹьтеба Пироз һин дькә дькарә әʹмьр хьлаз кә. Ләма жи әм бәрдәԝам дькьн «тʹьме» мьзгинийа хере даннасин кьн у һин кьн дәрһәԛа Мәсиһ. Әԝ йәк Мәсиһийед бәре жи дькьрьн (Кʹаред Шандийа 5:41, 42).
Сосиоложист Антонио Кова Мадуро ньвисийә дәрһәԛа «ԝи щәфайи у ԛәԝате кӧ Шәʹдед Йаһоԝа хәрщ дькьн у ԝан чәтьнайа йед кӧ әԝана дәрбаз дькьн . . . , сәва кӧ ньвисаре пироз бьгьһижә һʹәму дәра» (Рʹожнамә «Ел Йуниверсал», Венесуела).
Һʹәчʹи зәʹф кʹе әʹдәбйәтед мә дьхуньн Шәʹдед Йаһоԝа ниньн. У гәләк жь ԝан йед кӧ әм тʹәви ԝан һинбуна Кʹьтеба Пироз дәрбаз дькьн, религийед ԝан һәнә. Ле йәкә әԝана рʹази нә кӧ Шәʹдед Йаһоԝа рʹасти ԝан тен.
Һьлбәт, пьрсед ԝәйә дьн жи һәнә дәрһәԛа Шәʹдед Йаһоԝа. Әм ԝә һелан дькьн кӧ пьрсед хԝә ӧса бьвиньн
Жь Шәʹдед Йаһоԝа кәсәки бьпьрсьн.
Бькʹәвьнә малпәра мә www.jw.org.
Ԝәрен сәр щьватед мә, кʹижан кӧ бона һʹәмуйа нә у бе пʹәрә йә.