Чар Сийар Нишана Һатьна Рʹожед Ахьрийе нә

Әwана пеш дькʹәвьн у дәнге гьрмә-гьрма wан те! Чар һәспед зор у сийаред wан, шькләкә öса зәлал чедькьн кö те бежи ньһа әwана wе жь рʹупʹелед Кʹьтеба Пироз дәркʹәвьн! Һәспе пешийе, бь рʹәнге боз ә (сьпи) у сийаре wи йәки qәwи у һежа те кʹьфше у әw пʹадше кʹьфшкьри йә. Пьшт wи һәспәки дьн бь рʹәнге сор дәрдькʹәвә, сийаре кʹижани кö әʹдьлайе сәр тʹәмамийа дьнйайе һьлдьдә. Һәспе сьсийа, һәспәки рʹәш ә у дәсте сийаре wида мезинәк ә, йе кö тʹәви хwә хәлайи-щәлайе тинә. Һәспе чара, һәспе шиноqи демәк спичʹолки йә, йе кö тʹәви хwә тинә кöл-дәрда, һʹәму тьштед хьраб у мьрьне жи, йе кö жийина мәрийа мина зәвийа дьчьнә! (Әʹйанти 6:1-8).

«Чахе щара пешийе мьн дәрһәqа чар сийара хwәнд, әз гәләк тьрсийам. Мьн тʹәхмин кьр, кö Рʹожа Диwане ида незик дьбә у жь бо ве йәке кö әз һазьр нибум, мьн тʹьре әзе хьлаз нәбьм» (Кристал).

«Мьнрʹа гәләк һʹәwас бу пебьһʹәсьм дәрһәqа чар сийара, йед кö ль сәр һәспед рʹәнгани рʹуньштьбун. У чахе әз мәʹна ве хәwн-хәйале пеһʹәсийам, һʹәму тьшт ида фәʹмдари бу» (Ед).

Дәрһәqа чар сийаред Рʹожа Диwане, тö мина Кристале дьфькьри? Йан жи тö тʹәви гьлийед Ед qайил и? Чь жи һәбә, дәркʹәтьна wан сийара шькләкә нас чедькьн, дәрһәqа кʹижани кö дь кʹьтеба Әʹйантида ньвисар ә у әв кʹьтеба пашьн ә дь Кʹьтеба Пирозда. Ле бь рʹасти һун заньн, кö фәʹмкьрьна ве хәwн-хәйале дькарә хут wәрʹа кʹаре бинә? Гәло чаwа? Хwәде соз дьдә, wәки һун дькарьн бәхтәwарийа рʹаст бьвиньн, һәрге бьхуньн, пебьһʹәсьн у бьжин ль гора ве йәке, чь кö дь ве кʹьтеба пʹехәмбәртийеда ньвисар ә (Әʹйанти 1:1-3).

Рʹаст ә һьнәк мәрьв тьрсийанә жь бо ве хәйала дәрһәqа чар сийара, ле бь рʹасти нәлазьм ә жь ве йәке бьтьрсьн. Иро милйона мәрьв баwәрийа хwә qәwи дькьн бь сайа ве хәйале, чьмки әв йәк wанарʹа ахьрийа баш әʹйан дькә. Ахьрийа баш дькарә тәрʹа жи вәбә! Жь кʹәрәма хwә готарен дьн бьхунә.