Wә Заньбу?

Бәре мәрьва рʹеwитийеда ча агьр ведьхьстьн?

ДӘСТПЕБУН 22:6-да, те гьликьрьне wәки Бьраһим чь кьр, сәва кö щики дур qöрбане бинә. Бьраһим «qьрше дийарийа тʹәвайишәwате һьлда, да пьшта кöрʹе хwә Исһаq у хwәха жи агьр у кʹер гьртьнә дәсте хwә у һәр дö һәврʹа чун».

Кʹьтеба Пирозда найе готьне кö бәре мәрьва ча агьр ведьхьстьн. Гәло дьqәwьмә wәки Бьраһим агьр тʹәви хwә дьбьр? Леколинкʹарәки гот wәки öса набә кö «wәʹде тʹәмамийа рʹеwитийе агьр венәсә». Демәк, дьqәwьмә щәм Бьраһим у Исһаq һащәт һәбун, бь сайа чь жи wана дькарьбу агьр вехьстана.

Һьнәк мәрьв жи дьбежьн wәки нәһеса бу wәʹде бәре агьр вехьстана. Мәрьварʹа һе һеса бу кö жь щинаред хwә һьлдьн кʹомьра вехьсти, нә кö хwәха агьр вехьстана. Гәләк зандар дьфькьрьн, wәки Бьраһим тʹәви хwә дәрданәк бьрьбу, дьбәкә кодька бь зьнщире, кʹидәре кö кʹомьре вехьсти һәбунә (Иша. 30:14). Паше, чахе жерʹа лазьм буйә, әwи бь wан кʹомьра у qьршед зьһа карьбуйә агьр вехә.