Wә Заньбу?
Гәло Исраела бәреда, wәʹде шьхöлед диwанейә һәррʹожи, принсипед жь qануна Муса дьданә хәбате йан на?
ЩАРА әре. Дина хwә бьдьн мәсәләке. Qануна Дöщари 24:14, 15-да те готьне: «Һәгәр тö кʹәсиб-кʹусибе жь бьрайед хwә, йан хәрибе ль нава әʹрд у бажаре хwәда кʹьре ки, wи нәешини. . . . Нәбә wәки әw һәwара хwә Хöдан бинә бона тә у гöнә ль сәр тә бә».
Кöдöре жь щер сәр кʹижани газьне хәбатчи ньвисар ә
Qәwьмадьнәк һәбу кö һатийә ньвисаре сәр кöдöре жь щер qьрʹна һʹәфтада Б.Д.М., кʹижан кö дьбәкә бь хwәстьна хәбатчики һатийә ньвисаре. Әw кöдöр һатьбу дитьне незики шәһәре Ашдод. Ча те кʹьфше шәрʹ авитьнә wи хәбатчи, йанчь әwи гәньм һаqас нәани чьqас лазьм бу у ләма әwи сәрwеррʹа ньвиси: «Чахе хöламе тә [хәбатчийе кö газьне хwә дькә] чәнд рʹож пешда тʹопкьрьна гәньме хьлаз кьр, Һошәйашу кöрʹе Шобай һат у кʹьнща мьн һьлда. . . . Һʹәму һәвалхәбатчийед мьн, йед кö тʹәви мьн qьжә-qьжа гәрмеда гәньме тʹоп дькьрьн, wе избат кьн . . . кö әз рʹаст дьбежьм. Әз нәһәq ниньм. . . . Әз жь тә сәрwер, аликʹарийе дьхwазьм сәва тö али хöламе хwә бьки, wәки әw һәма жь дьлшәwатийе бьра кʹьнща мьн пашда вәгәрʹинә. Тö гәрәке хwә кәрʹ нәки, чьмки хöламе тә бе кʹьнщ майә».
Тʹәрихзан бь наве Симон Шама, дьбежә кö «әв газьн дьдә кʹьфше нә кö тʹәне ве йәке кö хәбатчи дьхwәст кʹьнща хwә вәгәрʹинә, ле әw öса жи әʹйан дькә wәки әwи заньбу дәрһәqа qануна Кʹьтеба Пироз. Илаһи әwи заньбу тʹәмийед жь Qануна Кʹаһинтийе у жь Qануна Дöщари, кʹижан кö qәдәхә дькьн wәки һьндава мәрьве кʹәсиб берʹәʹм бьн».