Чʹәʹв бьдә Амос пʹехәмбәр
1. Ча мәсәла Амос пʹехәмбәр, дькарә мә ԛәԝи кә?
1 Дьбәк кәсәк жь ԝә щарна дьшьрмиш дьбу, ԝәки ԝе нькарьбә даннасин бькә, чьмки әԝ нәхԝәнди йә. Чь жи һәбә, һун дькарьн чʹәʹв бьдьнә мерхасийа Амос пʹехәмбәр. Әԝ шьван бу, у щарна шьхӧлед щӧтʹкʹарийе дькьр. Ле диса жи Йаһоԝа шьхӧләк да ԝи, ԝәки әԝ мьзгинийа фәрз әʹлам кә (Амс. 1:1; 7:14, 15). Рʹожа иройин жи, Йаһоԝа мәрьвед ӧса дьдә хәбате, йед кӧ мьлук у шкәсти нә (1 Корн. 1:27-29). Гәло сәва ԛӧльхкьрьне, әм чь диса жь Амос пʹехәмбәр дькарьн һин бьн?
2. Чьрʹа әм гәрәке ԛәԝи бьсәкьньн, чахе ԛӧльхкьрьнеда рʹасти пәйкʹәтьна тен?
2 Ԛәԝи бә, чахе рʹасти пәйкʹәтьна тейи: Аматсйа кʹәшиш бу дь Пʹадшатийа Исараели йа дәһә бәрәкада, у әԝ сәре хԝә бәр мозьке датани. Чахе әԝи бьһист пʹехәмбәртийа Амос, әԝ һерс кʹәт у гот: ‹Һәрʹә мала хԝә! Мә бьһелә! Дине мә щурәки майин ә!› (Амс. 7:12, 13). Аматсйа, гьлийе Амос пʹехәмбәр, Йәробоам пʹадшарʹа нәрʹаст шьроԝәкьр. Чьмки әԝи дьхԝәст, шьхӧле Амос бьдә сәкьнандьне (Амс. 7:7-11). Ле Амос нәтьрсийа у нәхальфи. Рʹожа иройин жи, һьнә кʹәшиш бал мәрьвед политикайе аликʹарийе дьгәрʹьн, у дьхәбьтьн ԝәки әԝана пәй щьмәʹта Йаһоԝа кʹәвьн, у рʹийа ԝан бьгьрьн. Ле Йаһоԝа мә гӧман дькә, ԝәки һәр чʹәкед кӧ пешбәри мә тенә чекьрьне, ԝе пʹучʹ у бәтал бьн (Иша. 54:17).
3. Дәрһәԛа кʹижан дӧ тьшта әм гәрәке әʹлам кьн?
3 Әʹлам кә дәрһәԛа Диԝана Хԝәде у кʹәрәмед ахьрийе: Амос пʹехәмбәрти дькьр, дәрһәԛа диԝана Пʹадшатийа Исраели йа дәһә бәрәка. Әԝи хьлаз кьр ньвисандьна кʹьтебе, йа кӧ бь наве ԝи йә, дь Кʹьтеба Пирозда. Ль ԝьр те гьликьрьне дәрһәԛа созед Йаһоԝа бона рʹожед баш, у ӧса жи дәрһәԛа гәләк кʹәрәма (Амс. 9:13-15). Әм жи хәбәр дьдьн бона незикайа «Рʹожа Ахьрәте». Ле әв тʹәне пʹарәк ә жь ԝе «Мьзгинийа Пʹадшатийе», дәрһәԛа кʹижани кӧ әм гәрәке әʹлам кьн (2 Пәт. 3:7; Мәт. 24:14). Әԝ йәк кӧ Йаһоԝа зӧлмийе дь Һармәгәдонеда бьдә һьлдане, ԝе рʹийа мә ԝәкә кӧ бькʹәвьнә ль щьнәта сәр әʹрде (Зәб. 37:34).
4. Чь гӧман щәм мә һәйә, сәва кӧ ԛьрара Йаһоԝа бькарьбьн биньн сери?
4 Рʹаст ә әм дәрһәԛа мьзгинийа Пʹадшатийе ль дьнйайеда даннасин дькьн, әм ӧса жи рʹасти мәрьвед ӧса тен, кӧ мьԛабьли мә дәрдькʹәвьн. Әв йәк хԝәстьна мә кӧ ль гора тʹәсмилбуйина хԝә бьжин у ԛьрара Йаһоԝа бьԛәдиньн, дьдә щерʹьбандьне (Йуһʹн. 15:19). Хенщи ԝе йәке, әм заньн ԝәки Йаһоԝа ԝе бәрдәԝан кә мә һин бькә, сәва кӧ ԛьрара хԝә бинә сери, чаԝа кӧ әв йәк дәрәща Амос пʹехәмбәрда ԛәԝьми (2 Корн. 3:5).